مشكلة طرمبة البنزين

نعم الميكانيكي صادق وحصلت المشكلة مع واحد من الزملاء
وغيرها وارتاح نفس مشكلتك بالضبط

الكلام هذا من ثلاث ايام تقريبا هالمشكلة حاصله لكن من بعدها 
الامور تعدلت لكن خايف من طريق السفر للعودة وهذا اللي محيرني

ماتضمنها غيرها وارتاح
والعطل يجيك فجأة خوينا صارت علية فجأة في الهدا
وشالها سطحه ولما وصل الطايف ونزل الموتر استجاب معه
نفس مشكلتك بالضبط

الطرمبة تعبانه عندك وتسخن وتفصل السياره عليك ماتدفع بنزين
احتياطا لاسافرت وانت ماصلحتها خل معاك خشبة طويله شوي
عشان لاعلقت فجأة وطفى الموتر تدق من تحت الشنطة الخلفيه
تلقى التانكي اضرب التانكي وشغل حتشتغل وانصحك ماتطفيها
بالراجعه لين ماتوصل المكان الي مسافر له لاوصلت طفي
لان احتمال ماتشتغل لابرد الموتر وبردت هي ودايما دقها 
من تحت وبتشتغل معك عادي

السيارات الحديثه لها بلف فحص للطرمبه عن طريق ساعه تحصلها عند اغلب الورش ومستحيل يغير الطرمبه بدون فحصها وتقدر تشتريها من محلات العدد الصناعيه والورش ب 20 ريال وتشتري معها وصلة لي هوز فريون وتفحصها انت بنفسك وحتى الطرمبه المفروض بعد سنه من الاستخدام يكون معك اخرى احتياط القلب فقط وسعرها اصليه بحدود ثلاث مية ريال بدون العوامه

عليكم السلام ورحمة الله وبركاته 
١٠٠٪‏ صفاية البانزين مقفله عندك 
صارت معاي الدعسة ماتستجيب 
واطفي السيارة واشغلها تظبط ومرات انتظر 
لين تبرد  انا اهملته تقريبا شهر 
تروح وتجي نفس المشكلة مره بالاسبوع ولا كل اسبوعين
لين انقطع بي  من الصباح للعصر على ماجتني سطحة
وبهالوقت ماشتغل مافيه امل بعد ماوصلت الصناعية
وانا انزل السيارة دقيت سلف واشتغل  شف الغبنه ههههه
وطلعت صفاية البانزين مقفله غيرتها سلك معاي شهر
وتحترق اسلاك الطرمبه وغيرتها
ادري طولت علييك بس انت غير الصفاية والطرمبة مع بعض
وريح  راسك اذا الطرمبة حقت الجمس غاليه ومامعاك  فلوسها
ركب طرمبة فورد شركة اوسمو امريكي ب ١٦٠
 

مشكلتك من الطرنمبه وانصحك تركب طربمبة لاند كروزر
اطول عمر وتركب عادي

اضغط ع اسمي وتحصل موضوع. .. طرمبه البنزين وطريقه فحصها

تابع الفيديو صح انه انقلش لكن راح تفهم طريقه الفحص

تحتاج ساعه فريون ولي وكذا تتاكد منها

سعرها في باللبيد الوكيل السابق ولا زال يوفر القطع ب 1200 بالكثير وسعر فلتر البنزين (الصفايه ) ب 45 ريال

التركيب 200 او اكثر حسب المكاسره

حياك
مثل ماتفضل العضو خالد
غير له طرمبة بنزين لاند كروزر ارخص سعر واجود وكثير ناس
غيروها وارتاحو
وباالتوفيق

غيرها وحط طرمبه فكسار تركب ترا وممتازة تعيش معك مدة طويلة

اللي يقول طرمبة فكسار ترا سعرها فوق ٦٠٠ 
اللي معاه فكسار مايركبها يركب طرمبة فورد
اصليه ورخيصه وعمليه  بنفس الوقت 
واذا بيدفع على طرمبة فكسار يشتري 
طرمبة الجمس كامله مع العوامه نفس سعرها مع شغل اليد
٤ سنين تمشي معاه بدون مشاكل 

ركب لها طرمبة لاند كروزر واشتري الفيش الخاص بالطرمبه
واهم نقطه طرمبه لاند كروزر لاتاخذ الاصلي ابو620
خذ دينسو هو نفس المصنع اختلاف الموردين 
تكلفك الطرمبه مع الفيش حقها 280ريال وتركيبها ولا اسهل

يأخوان وش اعراض او علاااامات خراب الطرمبه؟؟

والاخ w.asa طرمبة الفورد وش نوع السياره وهل تركب 
بدوون مشاااكل

اسمها طرمبة فورد اوسمو اي نوع مادري 
تركب على الجمس والكابرس 

انا عندي يوكون 99 والله من كثر ماخربت اني فتحت فتحته تحت النرتبه فوق التانكي وصرت انا اغيرها بنفسي مشكلة الطرمبه بالجموس مشكله ازليه ماتفارقه انا جربت حقة الوجاله كامله مع العوامه ولاكملت سنه وجربت قلب ايسي ديلكو اصليه ولاكملت سنه وجربت حقة الفورد ولاكملت سنه وبصفه عامه اذا ولعة علامة التشيك انجن اعرف ان الطرمبه تبي تتعطل والسبب اعتقد انه في حالة ضعف العزم لاي سبب اخر فان الكمبيوتر يزيد الضغط على الطرمبه مما يسبب ضعفها وكلذلك من اسباب تعطلها ارتخاء الاسلاك او تخلخل الافياش وعدم تركيبها وشدها بشجل مضبوط وكذلك نصخ صفاية البنزين ..

اسواف افلام الحماية والعزل الحراري و العـناية بالـسيارة
مركز الرئيسي : جدة – حي الثغر كيلو 3 شارع باخشب
0533005590 / 0599778152 www.aswfksa.com

الفلم المستخدم صناعة أمريكية
عالية الجودة * متخصصون في مجال العوازل الحرارية للسيارات والمباني منذ عام 2000 ميلادي
الضمان 10سنوات

احصل على خصم للخدمات

عازل حراري مقابل 700 القيمة الحقيقية 1400

حماية الواجهة مقابل 350 القيمة الحقيقية 750

تلميع النانوسيراميك مقابل 1200القيمة الحقيقية 2500

التلميع المطور خارجي مقابل200 القيمة الحقيقية400

حماية الزجاج من الكسر مقابل 199 القيمة الحقيقية 600

حماية المصابيح الأمامية مقابل 79 القيمة الحقيقية 250

التلميع المطور داخلي مقابل250 القيمة الحقيقية500

التنجيد و بلاستيك الأرضية مقابل220 ريال القيمة الحقيقية350 ريال

لو ضغط الطرمبه قليل بسبب فلتر البنزين اكيد بتسخن مع الطريق والسفر

افحصها عند اقرب فني تلاقي بلف الفحص فوق المكينه تابع مسارات البنزين وتشوفه

وممكن الطرمبه على وشك تعطل ...

وبخصوص الاخ صاحب اليوكن 99 .. لازم تغير الصفايه او فلتر البنزين كل سنه وتعيش معك الطرمبه

صارت نفس سالفتك مع احد الاقارب بكابرس قديم واكتشفت انه يغير الطرمبه وساحب على الفلتر سنين

اذا خربت ركب حقت لاندكلروزر احسن اقوي واطول عمر من شد بلد

ياشباب ابغاكم تدلوني على واحد يغيرها

اكثر التعليقات صحيحه وكلامهم ميه بالميه لكن ياجماعة الخير 
ترى السبب الرئيسي لخراب الطرمبه والصفايه والفلتر هو اننا نترك ⛽️ 
ينزل لين اخر التانكي او لين تولع اللمبه وهذي هي المشكله . وهي ان الاوساخ 
والترسبات تتجمع وتسدد مسارات وممرات  الوقود .. فلهذا تضطر انك تغيرها بستمرار 
احرص ما ينزل البنزين ⛽️ عن الربع مهما كانت السياره وموديلها
وبالتوفيق للجميع الله يحفظكم