هل يمكن تحويل جمس من اوتماتيك للعادي

لأن لو تحول القير من عادي إلى تماتيك تحتاج إلى:
1- تدور قير تماتيك من التشليح! مستعمل بختصار يعني يايكون مضبوط يا يكون متأثر من الصدمة.
2- علشان تضبط يركب بموترك تحتاج واحد شاطر قد سوى مثل هذي الحركة كم مرة واجزم لكن أن كانو موجودين فعددهم قليل جدا وياكثر الي يقولك نضبطه لك لكن بعدين مايضبط.
3- ممكن تحتاج كمبيوتر خاص بالقير فدخلت بسالفة ثانية تحتاج كهربائي محترف.
4- ممكن تحتاج تغير بعض قواعد القير العادي علشان يركب عليها التماتيك.
5- بتحتاج تدور لك بعض القطع للديكور الداخلي علشان يضبط الموضوع وكأن القير أصلا تماتيك مو شغل أي كلام.
6- بتحتاج تغير بعض الدعسات الي تحت الدركسون الي خاصة بالبنزين والفرامل علشان تتلائم مع حقت القير التماتيك وتلغي الكلتش نهائيا وملحقاته.

بأختصار الموضوع لو فعلا بغيت تقلب موترك من قير عادي إلى قير تماتيك
فانت بتخسر خساير مادية أكثر من أنك تبيع موترك وتدور واحد تماتيك أضافة أن نسبة كبيرة ماراح يطلع ويضبط القير التماتيك نهائيا مثل قير تماتيك الوكالة وهذا ان ضبطت الشغلة بالاساس لأن التوليف غالبا يبيله محترفين وبياكلون عليك دراهم واجد لو حصلتهم

فأبعد عن وجع الراس والخساير
وبع موترك ودور واحد تماتيك وأنتهى

غير أن لما تبيع موترك وتشتري تماتيك ما اعتقد بيكون فيه ذاك الفرق لما تدور مستعمل ماشي مثل ممشى موترك بالسوق اذا بعته بيع مباشر مو من قبل شريطي لانه بيخسف بقيمة موترك علشان يتكسب لين جاء يبيع

شكرا اخوي شماال. على المعلومات بس انا ابغا العكس من تماتيك الى عادي و شكرا...

خله على البخاخات افضل وعزم اقوى وصرفيه اقل 
بنسبه الى القير نعم يتحول بس مكلف شوي 

اذا من تماتك الى عادي ف انشاء الله انه سهالات تحتاج تركب قير كامل باغراضه  دواسة الكلتش وتفتح فتحة علشان عصا القير ف الارضية وكلتش وعلبة كلتش واتوقع الداير+ العامود يحتاج تغيير  

امورك سهله بأذن الله احنا معانا جمس 89 نفس اللي معك بخاخ مكينة 350 قير عادي سير واحد وأذا تبغى تركب قير عادي على مكينتك اذا ماخاب ظني تركب واذا ماتركب الله يعينك تشتري مكينه 350 بخاخ والموديل من 89 الى 93 نفس المكينه والقير تدور قير عادي من 91 وتحت مع الحذاف وتاخذ كلتش وعلبه كلتش 89 واذا تبيني اصورلك الجمس اللي معانا اصوره لك

مدري صدفه او بينهن ارتباط. موضوعك والموضوع الي قبلك  كلكم نفس السيارة بس انت موضعك تحول من تماتيك الى عادي وهو العكس  
انت خذ قيرة وهو ياخذ قيرك 
شف الموضوع الي قبلك 

انا اقولك على ع التماتيك اصرف لك

ولا توجع راسك بالورش وطلعه ونزله

او شوف لك مستعمل جمس عايدي وركب عليه مكينة 454

شف اخوي انصحك بالبخاخ افضل عزم ومايحتاج صيانه واذا عندك مشكله بالبخاخ عطني المشكله وان شاء الله اعطيك حلها
اما القير تحويل القير بسيطه عندنا جمس 454 مديل 85 حولناه الي عادي وطلع ممتاز وشغلته بسيطه ومابها لحام وتخبيص بس
تجيب اغراض القير العادي كامله وتركب على طول وترى حولناه بالبيت حتى يعني مو بورشه الشغله بسيطه واغراض القير الي
تحتاجها القير والكرسي حقه كامل وعمود دوران والدعاسات وحذاف وكلتش كامل وفيه رمانه تجي بعمود الكرنك لازم تركبها
عشان يوزنلك القير مع المكينه والقير خله دعاسته زيت مو عادي لانه يبي يتعبك العادي والدعسه الزيت نزلت من 86 وفوق
وماراح تتحسف انك حولته لانه بيطلع عزمه مجنون

جتى انا صاحب ذاك الموضوع تلخبطت وقات شفيهم الربع مافهموني