أضف سؤال أو موضوع جديد          

ياجماعه سييرا 15 مطبه قوي مره وش الحل ؟

up 2 down 3
جركل 5
قبل 2 سنه و 6 شهر



السلام عليكم ، عندي جمس سييرا 2015 z71 اي حفره صغيره الارتداد قوي والمطب كذلك !!!




وش تنصحوني اغير المساعدات ولا ايش لاني بديت امل منه بصراحه ابي شي مضمون ومجرب الله يوفقكم جميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


z71 مخصص للطرق الوعرة والغير مزفلته

طبيعي يكون قاسي لان نظام تعليقه يختلف عن السسيرا العادي...


المشكله ان الناس تشتري ع الشكل.. عشان z71 شكله احسن ولا يدرون عن المواصفات... مع احترامي لك يا صاحب الموضوع لكن هذي نهايه الدرعمه


up 13 down 3
asalami 2105
قبل 2 سنه و 6 شهر



هذا هو ال Z71 ....سيارة مخصصه للبر والاوفرود
مساعداتها انشف من السييرا العادي علشان تمتص الضربات والمطناج
يعني المساعد ياكل الضربه علشان يحافظ لك على بطن السياره وعضلاتها

تبغى تنعم المطب ركب مساعدات السييرا العادي من الوكاله
تبغى شي انعم ركب مساعدات رانشو تسع طقات .. بس تراها غاليه
فيها فرار من واحد الين تسعه تقدر تقسي المساعد او تنعمه بمزاجك



up 11 down 0
als7aimy 1165
قبل 2 سنه و 6 شهر



معروف السييرا بقسوته وكذلك بعد فتره راح يتهربد وتسمع أنواع القربعة عندك بالديكور


up 3 down 6
الثابت المقدام 23
قبل 2 سنه و 6 شهر



دور سييرا نفس موديلك وقله بدل بالمساعدات
عشان الفئه حقت موترك معروفه زي الاف جي فيه فئه اسمها TRD للاوفرود معروف



up 2 down 2
محمد حمدان هلال 11
قبل 2 سنه و 6 شهر



اذا تبي مطبه خفيف
غير مساعدات زيت افضل من الغازالموجود من الوكاله
ميزه مساعدات الغاز اطول عمرا ولكن الزيت كل 4 او 5 سنوات تغيرها او حسب الاستخدام
وكذلك غير كفرات نوعها الين وغير قاسيه مثل كفرات تويو وبعد عن البرجستون والقودير
لو حبذا بعد تغير الجنوط من 20 الي 18 يكون افضل لكن مكلفه
كل ماكبر الجنط يكون مطبه قوي علي السياره


up 6 down 0
ماجد المطلق 10769
قبل 2 سنه و 6 شهر



اذا مزعجتك السياره حيل بيعها واشتر العاديه احسن لك 

ممكن تعدل عليها وتضبطها لكن بتكلفك وبتتعبك وراح تواجه مشاكل ثانيه مثلا اذا غيرت الجنوط راح تختلف السرعه عن قراءة العداد 


عموما ممكن لان السياره جديده وماتعودت عليها خلها فترة عندك وبتتعود عليها وبتصير شي طبيعي


up 0 down 6
y-305 71
قبل 2 سنه و 6 شهر



احمد ربك لو تركب الشاص دمار شامل مدري وش الي حادكم الشاص والسييرا  والهايلكس والددسن تراها سيارات خدمه ماهي استخدام يومي 


up 6 down 2
msfr12244 73
قبل 2 سنه و 6 شهر



شوف كم ضغط الهواء ف الكفرات ترا الوكاله تعطيه حول 50
خله 33


up 4 down 0
ابونايف... 211
قبل 2 سنه و 6 شهر



الهوااا مثل ماقال ابو نايف وشيك نوع الكفر بعض الكفرات اقصى حد لها 35 يعني لازم يكون الهوا 30

واالباقي او الغالب يجي اقصى شي 44 وبهالحاله انصحك ب 35 او 33

والافضل تشيك الهوا بمكينه الكترونيه مثل الي في ون ستوب نص ساعات البناشر مضروبه


up 0 down 0
abdullah.ags 378
قبل 2 سنه و 6 شهر



من جد ساعات البناشر مضروبه تقوله اضبط الهواء ٣٥ تلقاه ٥٠
ولكن الجمس مايحتاج يروح ويشيك الهواء 
عنده في الطبلون يطلع ضغط الهواء 


up 1 down 0
hussain4 821
قبل 2 سنه و 6 شهر



فيه حل انك تركب لعاب قيمته 100 ويركبونه ب 70 اللعاب يطول المسافه على المساعد لاجل يمتص المساعد الضربه من بدري بدون يوقف الضغط من بدري وتحس بالحفره او المطب بس حاول لاتزود عن 4 سم عن مقاس لعاب الوكاله الاصلي
واللعاب هو الحديده اللي بنهاية الريش او السست اللي تمسك السست بجسم السياره


up 0 down 0
khaled3224 260
قبل 2 سنه و 6 شهر



شكلك متعود على موتر مريح اول وتوهقت الحين


السؤال كم ظغط كفراتك ؟؟؟ لا يهمك قياس البناشر ترى كلها مضروبه


شف لك احد عنده مقياس ظغط هواء وكالة اللي يجي مع كيا كادينزا وطقتها هذا دقيق في القياس نزل الظغط على 35 ولا 32 غيره ماراح يتغير الموتر


ما اعجبك بعه


up 0 down 0
a.ibrahem 3247
قبل 2 سنه و 6 شهر



شف الكفرات اضغطها شف كانها لينه اصرف النظر عنها 
اما اذا ضغطتها وتحسها قاسيه ارجع للوكاله 


up 0 down 0
عبدالاله بن سعيد 17
قبل 2 سنه و 6 شهر



امامك 3 حلول على كلام الاخوان الخبراء

1\ تبدل الموتر

2\ تعدل نظام التعليق من مساعدات ويايات

3\ تستخدم الموتر كما هو

..........











كل سياره مصنعه لغرض استخدام ولطبيعه غرضها يتم صناعتها
غالبا الاف رود
يجيك مجهز لذا الغرض

مثل الشاص والهلي
ونسخ TRD من جيوب تويوتا

وفيه نسخه من الاكستيرا اوف رود
والخ الخ



up 0 down 0
مدرس عاطل 28
قبل 2 سنه و 6 شهر



سمعت عن مساعدات البلستن فيه احد جربها وظبطت؟ 


up 1 down 0
جركل 5
قبل 2 سنه و 6 شهر



ابوجركل

شف الموضع ممكن يفيدك عن مساعدات البلستن

نسخ والصق بالمتصفح


.


http://montada.haraj.com.sa/60094/%D9%81%D8%A7%D8%A6%D8%AF%D9%87-%D8%A7%D9%84%D9%85%D8%B3%D8%A7%D8%B9%D8%AF%D8%A7%D8%AA-%D8%A7%D9%84%D8%A3%D9%85%D8%A7%D9%85%D9%8A%D9%87-%D8%A8%D8%AB%D8%A8%D8%A7%D8%AA-%D8%A7%D9%84%D8%B3%D9%8A%D8%A7%D8%B1%D9%87-......./




.


up 0 down 0
ماجد المطلق 10769
قبل 2 سنه و 6 شهر



سلام عليك ركب مساعدات بروفندر وتضبط امورك واللي يقولك بلستين تفل عليه 


up 0 down 1
al676o7 -1
قبل سنه و 7 شهر



بروفندر افضل من بلستين


up 0 down 0
محمد 344
قبل 9 شهر و 4 أسبوع