السياره للتنازل

النصيحة كانت بفلوس وهاالحين
ببلاش وماحد يبيها
تجي تنصح اخوك او صاحبك ياخذ فكرة عنك انك حاسدة
ماتبيه يركب سيارة جديدة وغاليه
او يطير جبهتك بكلمة ياخي وش دخلك فيني
وسلامتكم

وعليكم السلام يعطيك العافية على النصيحة وكلامك في محله
يعني لو طلعت اكسنت استاندر بتادي الغرض والفل والنص فل نفس الشي
مع فارق المبلغ بالنسبة للرواتب الضعيفة والمطلوب في الاخير سيارة تودي وتجيب
مع مراعاة حجم عاءلتك وبتستخدمها لخطوط او بلد

هو بالبداية يشوف راتبة كثير ويبغئ سيارة كشخة ولا حسب ان بالمستقبل ان شاء الله راح يكون
 عنده مصاريف زواج واجار شقة. وفواتير

فابعد كم شهر تلقاه استفاق من غيبوبه الكشخة والمظاهر ويلقئ نفسة انكب بسياره قصدهاا عالي علية

حب التظاهر امام الغير جعلت البعض يعيش بقناع ظاهره النعمه والغنى وباطنه ضيق الحال عليه وعلى اسرته

سيبك من ذي النوعيات والله ثم والله ثم والله اعرف اكثر من واحد يتسلف مبلغ وقدره عشان يسافر يتمشى

وتقوله ليش يقولك المثل اللي طفر الشعب

[ والله ماخلي شي ف قلبي]

علشان يصورها سناب وشوفوني بطران

هذا لسه اشوى شوي ع الاقل ممكن تقول عنه غشيم و خذاها لانه انخدع بفكرة اقصاد و اكثر الناس تاخذ بهالطريقه
اما الي يضحكك فعلاً الي تلقى معه مبلغ مثلا 100 الف و تلقاه يتسلف و ياخذ من ابوه و ياخذ قرض و يتسلف من اخوياه و يجمع مبلغ 200 الف
ثم يشري جيب ولا يشري اي سيارة فخمه بكل فلوسه و بالنهاية ما تلقى معه حق البنزين؟
هذا حتى لو بنشر احتمال يوقف موترة اسبوع كامل!
لا و تلقى السيارة فخمه يعني لو يبي يغير قماش تلقى ما يقدر على سعره!
الله لا يبلانا بس

الي مايحسب وضعه ماديا على راتبه راح يورط
البنوك غالبا مايهمها مصلحة الشخص
المهم كم تستفيد منه

انا كان الي حولي ينصحوني بالابتعاد عن الديون والاقصاد وكنت اضحك منهم واقول اطنخ عمرك ولا عليك منهم الحين يوم طحت بالديون عرفت كلام الي نصحوني والله العظيم ان الدين هم هم لايعلمه الا من جربه الله يفرجها على كل شخص مديون

فعلاً موضوع مهم

واكبر دليل خش قسم التنازل بتلقى العجب العجاب

لكن شبابنا همتهم المظاهر والكشخه وسيارة فلان مو احسن من سيارتي وطاحوا بالديون

المفروض اللي موظف حكومي وحاط بباله سياره

يطق له قرض ويشتري السياره اللي يبيها ويكفي انها راح تكون باسمه

وحتى لو يبي يبيعها يقدر بالمبلغ اللي يبيه وفوائد البنك قليله

لكن الاجار المنتهي بالتمليك فوائدة كثيرة

المشكلة مافي أحد بتعلم ببلاش زي ماذكروا الأخوان الواحد تنصحه يقول انك حاسدة أو يقول انو مسيطر على الوضع وبعد مايتورط وتطلع له مصاريف اضافية وصيانة ومسؤليات ثانية يادوب يحس انو يتورط

وعليكم السلام ورحمة الله وبركاته

كلام سليم .. أحد أقاربي كان له فترة يبغى يشتري سيارة وأخذ فترة محتار ويستشيرني بالموضوع
راتبه حول 6 آلاف المهم قلت له خذ لك سيارة متوسطة 4 سلندر إقتصادية مثل المازدا 6 أستاندر
أو كرولا أستاندر بجنوط أوتو ولكن أصر على الكشخة وأخذ له سيارة بنزينها لحاله زلزل ميزانيته V6
والآن يقول لو أخذت لي سيارة متوسطة وإقتصادية كان أفضل لي .. لهذا بعضهم لازم يجرب حتى يتعلم
والكثير يظن أنه لما يجيه اللي ينصحه ما يتمنى له الخير ويبغى يحرمه من الرفاهية والحقيقة عكس ذلك تماماً.

تقبل مروري

يا ابو طيف اذا الشخص مقتدر ماليا عادي يكشخ لكن واحد عايش ع الراتب ٦ آلاف ويشتري سياره ب٣٠٠ الف غير معقول

لو راتبي 7 اخذت يارس قسطها 900 بالشهر في النهاية توديك وتجيبك 
ومافي راحة بال اكثر من الرضى بالنصيب والاستقرار المالي والنفسي