أضف سؤال أو موضوع جديد          

السياره للتنازل

up 16 down 1
لا حدود 479
قبل 2 سنه و 8 شهر



السلام عليكم
كثير موضوع التنازل خصوصا ان السيارات ما تجلس سنه وتسأله ليش تتنازل قال قصدها عالي طيب ليه تشتريها من البدايه في واحد بالموقع راتبه ٧ آلاف ويبغى دينالي ١٦ سعرها ٢٤٠ الف كأش يعني أجاز فوق٣٠٠ الف وانت راتبك ٧ آلاف غير معقول فأنصح كل واحد ( يمد لحافه قد رجليه ) وسلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


النصيحة كانت بفلوس وهاالحين
ببلاش وماحد يبيها
تجي تنصح اخوك او صاحبك ياخذ فكرة عنك انك حاسدة
ماتبيه يركب سيارة جديدة وغاليه
او يطير جبهتك بكلمة ياخي وش دخلك فيني
وسلامتكم


up 16 down 0
باترول 2020 2512
قبل 2 سنه و 8 شهر



وعليكم السلام يعطيك العافية على النصيحة وكلامك في محله
يعني لو طلعت اكسنت استاندر بتادي الغرض والفل والنص فل نفس الشي
مع فارق المبلغ بالنسبة للرواتب الضعيفة والمطلوب في الاخير سيارة تودي وتجيب
مع مراعاة حجم عاءلتك وبتستخدمها لخطوط او بلد


up 4 down 1
أبووووعلي 610
قبل 2 سنه و 8 شهر



هو بالبداية يشوف راتبة كثير ويبغئ سيارة كشخة ولا حسب ان بالمستقبل ان شاء الله راح يكون
 عنده مصاريف زواج واجار شقة. وفواتير

فابعد كم شهر تلقاه استفاق من غيبوبه الكشخة والمظاهر ويلقئ نفسة انكب بسياره قصدهاا عالي علية


up 4 down 1
جاي امس 416
قبل 2 سنه و 8 شهر



حب التظاهر امام الغير جعلت البعض يعيش بقناع ظاهره النعمه والغنى وباطنه ضيق الحال عليه وعلى اسرته


up 2 down 0
fanar1 640
قبل 2 سنه و 8 شهر



سيبك من ذي النوعيات والله ثم والله ثم والله اعرف اكثر من واحد يتسلف مبلغ وقدره عشان يسافر يتمشى

وتقوله ليش يقولك المثل اللي طفر الشعب

[ والله ماخلي شي ف قلبي]


up 5 down 2
عبدالرحمن بن شاكر 6
قبل 2 سنه و 8 شهر



علشان يصورها سناب وشوفوني بطران


up 2 down 1
اغسطس 125
قبل 2 سنه و 8 شهر



هذا لسه اشوى شوي ع الاقل ممكن تقول عنه غشيم و خذاها لانه انخدع بفكرة اقصاد و اكثر الناس تاخذ بهالطريقه
اما الي يضحكك فعلاً الي تلقى معه مبلغ مثلا 100 الف و تلقاه يتسلف و ياخذ من ابوه و ياخذ قرض و يتسلف من اخوياه و يجمع مبلغ 200 الف
ثم يشري جيب ولا يشري اي سيارة فخمه بكل فلوسه و بالنهاية ما تلقى معه حق البنزين؟
هذا حتى لو بنشر احتمال يوقف موترة اسبوع كامل!
لا و تلقى السيارة فخمه يعني لو يبي يغير قماش تلقى ما يقدر على سعره!
الله لا يبلانا بس


up 5 down 0
حوسةة 195
قبل 2 سنه و 8 شهر



الي مايحسب وضعه ماديا على راتبه راح يورط
البنوك غالبا مايهمها مصلحة الشخص
المهم كم تستفيد منه


انا كان الي حولي ينصحوني بالابتعاد عن الديون والاقصاد وكنت اضحك منهم واقول اطنخ عمرك ولا عليك منهم الحين يوم طحت بالديون عرفت كلام الي نصحوني والله العظيم ان الدين هم هم لايعلمه الا من جربه الله يفرجها على كل شخص مديون


up 5 down 0
كارينو 556
قبل 2 سنه و 8 شهر



فعلاً موضوع مهم

واكبر دليل خش قسم التنازل بتلقى العجب العجاب

لكن شبابنا همتهم المظاهر والكشخه وسيارة فلان مو احسن من سيارتي وطاحوا بالديون

المفروض اللي موظف حكومي وحاط بباله سياره

يطق له قرض ويشتري السياره اللي يبيها ويكفي انها راح تكون باسمه

وحتى لو يبي يبيعها يقدر بالمبلغ اللي يبيه وفوائد البنك قليله

لكن الاجار المنتهي بالتمليك فوائدة كثيرة



up 0 down 0
aboahmed2014 872
قبل 2 سنه و 8 شهر



المشكلة مافي أحد بتعلم ببلاش زي ماذكروا الأخوان الواحد تنصحه يقول انك حاسدة أو يقول انو مسيطر على الوضع وبعد مايتورط وتطلع له مصاريف اضافية وصيانة ومسؤليات ثانية يادوب يحس انو يتورط


up 0 down 0
dawwy 266
قبل 2 سنه و 8 شهر



وعليكم السلام ورحمة الله وبركاته

كلام سليم .. أحد أقاربي كان له فترة يبغى يشتري سيارة وأخذ فترة محتار ويستشيرني بالموضوع
راتبه حول 6 آلاف المهم قلت له خذ لك سيارة متوسطة 4 سلندر إقتصادية مثل المازدا 6 أستاندر
أو كرولا أستاندر بجنوط أوتو ولكن أصر على الكشخة وأخذ له سيارة بنزينها لحاله زلزل ميزانيته V6
والآن يقول لو أخذت لي سيارة متوسطة وإقتصادية كان أفضل لي .. لهذا بعضهم لازم يجرب حتى يتعلم
والكثير يظن أنه لما يجيه اللي ينصحه ما يتمنى له الخير ويبغى يحرمه من الرفاهية والحقيقة عكس ذلك تماماً.

تقبل مروري


up 0 down 0
starting 1041
قبل 2 سنه و 8 شهر



يا ابو طيف اذا الشخص مقتدر ماليا عادي يكشخ لكن واحد عايش ع الراتب ٦ آلاف ويشتري سياره ب٣٠٠ الف غير معقول


up 0 down 0
لا حدود 479
قبل 2 سنه و 8 شهر



لو راتبي 7 اخذت يارس قسطها 900 بالشهر في النهاية توديك وتجيبك 
ومافي راحة بال اكثر من الرضى بالنصيب والاستقرار المالي والنفسي 


up 0 down 0
احمد ابو سامي 67
قبل 2 سنه و 8 شهر