استشارة ب شراء يوكن 2002

وعليكم السلام 
انا معي نفسه لاكن مديل 2005 الموتر صراحة بطل من ناحية قوة دبل تحمل السيارة راحتها بالخطوط رغم انها سست السيارة لها معي سنتين ونص ماقد غيرت الا بنزيم وزيت وكفرات فمقدر افتيك من غلا القطع ولاكن موجودة اكيد ولعمك السيارة استعملها للخط وداخل البلد وجدا ممتاز ولاكن الفرامل ضعيفة جدا بسبب ثقل وزنها 

السعر جدا ممتاز اذا كان نظيف من ناحية المحركات والبدي والشاص 
انا الي معي اخذته ب60 الف وفيه صدمه خفيفة من الامام وبعض الرشوش لاكن مهتميت لها بحكم معرفتي وفحصي للسيارة 

السعر حلو بالحيل اذا نظيفة
السيارة شعبية ومعروفة بين الناس وصيانتها متوفره والكل يعرف لها لكن انت وحظك معها ان كانها نظيفة بتريحك اذا ماهي نظيفة الله يعينك

الماكينة الكبيرة طرررب خصوصا لذا عليها دبة

اذا نظيف خذه ولا تشاور ولا تششيل هم القطع 
يارجال لو تطاوع الناس  تكره الجمس من سوالفهم 
اول ايام ماكان الوالد يدور جمس ماستخدمنا الا مكينة ٣٥٠
وكنا ندور موديلات من ٩٣ ل ٩٩ مكينة ٤٥٤ انواع الافتائات
اول شي قالوه مشاكل بالحرارة وثاني شي تهريبات زيوت 
وترشيح من الوجيه وصرفية بانزين ومعقد وقطع غالي 
واشترينا جمس موديل ٩٦ والله ماشفنا شي من اللي قالوه ابد
مثله مثل اللي مكينته ٣٥٠ لانا استخدمنا جمس ٢٥٠٠ ثمان مسامير
بس مكينه ٣٥٠ والحين نفس الحجم بس المكينة ٤٥٤ 
والله مافيه فرق بالعزم ولا بالصرفيه والحرارة نفس بعض 
كلهم ماتتعدا الربع  > انت افحص السيارة نظيفه توكل على الله
وسعره مناسب ورخيص 

اذا سعودي افضل من الامريكي
لان الامريكي ترتفع حرارته في حالة
المكيف شغال والجو حار والسيارة واقفة
من موديل 2000-2004
تقدر تقول عيب مصنعي في الاستخدام الامريكي فقط

^^ صحيح لان 2005 و2006 صارت مراوحها كهرب 

قوست , كان معي 2003 امريكي فكيته بطاقه بطاقه جمركيه من صاله عام 2006 او 2007 بسعر 72 ألف ريال , استخدمه 6 سنين , ورب البيت انه ما عمره ارتفعت حرارته نهائيا ما شاء الله تبارك الله

موفق عزيزي

ابو خالد الموضوع ما جبته من جيبي
انا مجرب والله العظيم
ابحث في قوقل وتحصل مواضيع كثييرة
عن العيب هذا

يا غالي انا معي ٢٠٠٣ مكينة ٨١٠٠ 

اشتريته من صديق والموتر صراحة ما عليه كلام
كان فيه بعض الخرابات مثل الصوف والمساعدات وفرامل ووو .. لأنه واقف فتره
غيرت كل شي والامور الحمد لله سالكة 
اللي عاجبني فيه راحة وعزم ما شاء الله
اذا يهمك الراحة فالسيارات الامريكية مريحة
وانت مجرب ياباني فقط.. مثلي بالضبط كل سياراتي يا باني ويوم جربت الامريكي ما شاء الله غييير
بالتوفيق ،، 

يابنز لوفر اللي معي 2005 ومراوح مكنيكية 2500
يمكن تقصد 1500 هي الي جت بمراوح كهربا