استشاره يااخوان زينون يوكن 2012

الله يهديك تبي تعمي خلق الله ! الجمس وهو بنوره العادي يعمي لان الموتر مرتفع 

زنون على عاكس بدون عدسات فعلا راح يعمي الخلق

ركب عدسات وقتها زنون يصير ماشي

طيب تقدر تركب في العالي فقط 
وانا فلت لك ذاك البوم انه عندك خيارين واحد رخيص 
الي هو بس تركب زينون 
والخيار الثاني العدسات 

اذا تبغا بس في العالي موجود 
مقاس شمعاتك اظن 9007 
ركب محولات 70 واط بما انك بتركبها على عاكس فمت يضرها ان شاء الله بس ركب ظفيرة 
وانصحك بمحولات f7

نوع الشمعه هي اللي تحكم هل تركب عدسات أو لا
شمعات 4s و 2s لابد لها عدسات
اما شمعات العالي عندك مقاسها 9005 هي شمعات عاديه عكس بدون عدسه
تقدر تحصل شمعه زنون نفس المقاس 9005 تركب بدون عدسه + زنون + ظفيره تيوانيه + كتاوت
اما اذا تبي تركب عدسات لابد تولف عليها مقاس شمعه 4s او 2s
عدسات + محولات + ظفيره تايوانيه + كتاوت + شمعه مقاس 4s او 2s والفرق بينهم ان الفور اس تجي مشفرهٌ والاناره افضل
اما 2S يركب عليها اي محول

ركز معي الآن لو ان الموضوع يطول...............

افضل المحولات _هيلا_دنسون الجيل الثاني( تركب عليه 2s )_دينسون الجيل الثالث "مشفٌر" مايركب عليه غير 4S
كتكات هذا فرنسي _بوش الإصلي تلقاه على البي أم تاخذه من التشليح
كل المحولات هذي طيبه واسعارها متفاوته والتشليح خذها ولاتفكر بتطيح اقل شي نص القيمه

نجي للعدسات

الجمس عندك مقاس اللمبه كبير ، افضل شي 3 انش
FX-r (لإتاخذ الا الجيل الثالث ) صينيه ممتازه (اضاءة على خط مستقيم )
ls430 عدسة اللكزس ( اضاءة واسعه )
RX350 عدسة جيب اللكزس الصغير ( اضاءة واسعه )
hella E55 عدسة اللانسر ( اضاءة واسعه )

*العدسه كل ماكانت معتمه أكثر اعطتك اضاءه منتشره
*العدسه كل ماكانت ضافيه أكثر اعطتك اضاءه مستقيمه
*اذا بتركب عدسات اللكزس بنوعيه يفُضل تركب معاه قزاز صافي قيمته 100 ريال وشوف كيف الاداء
*افضل عدسات من ناحية الكفاءه هي اللكزس ls430
*عدسه FX-R ممتازه من ناحية الجوده والاضاءه لكن تركيبها اصعب من غيرها ( شغل تركيب اغلى )
* اذا تبغى عدسات للعالي خذ عدسات خط مستقيم
*اذا تبغى عدسات للواطي خذ عدسات اضاءه واسعه

طولت بالموضوع وآسف على الإطاله لكن ابغاك تكون فاهم لأن الحراميه واجد
كل اللي ذكرته من عدسات ومحولات هي افضل الموجود واترك نصب محلات الزينه
*ابحث عنها بالتشليح افضل لك وارخص واذا ماتبغى التشليح بتحصل عدسات FX-R عند محلات الزينه سعرها بحدود 650
* لاتنسى تركب كتاوت عشان لاصار التماس مايتأثر الكمبيوتر.
لاتنسى تركب ظفيره نوعيه ممتازه وابعد عن الصيني ( التيواني افضل )



ارشحلك باختصار

عدسات FX-R للجيل الثالث + محولات دينسو الجيل الثاني + لمبات فيليبس 2S اولمبات اوسرام وفيه لمبات ايضا توشيبا تركب على الانفنيتي ممتازه
أو عدسات اللكزس ايضا ممتازه لكن لاتنسى القزاز الصافي لأنك تبغاه للعالي ( اناره مستقيمه )
*ملاحظه عدسة FX-R تشتغل على خطين يعني الكهربائي راح يولف عليها اضاءة العالي والواطي
اما عدسة اللكزس خط واحد ( عالي او واطي )
عشان كذا خلك على FX-R
*ملاحظه وادري ادوختكو بهرجي لكن المستشار مؤتمن
المحولات كل اللي ذكرت اجود مافي السوق الفرق بين هذا وذاك سرعة الاحتماء وسرعة التكشيح ونصيحتي خذ ارخص محول فيهم
*الشمعات الاصليه ماتجي الا 35 واط وكفاءتها افضل من ام 75 و 100 واط الصيني
* اذا ركبت العدسات لاهنت نزل لها موضوع نبي نخليه مرجع وشكرا