اطرح تجربتك مع افلام الحمايه لواجهة السياره

بالنسبه لي ماجربت الحمايه. 

لاني اشوفها على اغلب السيارات. اذا طولت 

تصير صفراء. من الشمس. 

وانا دائم اسافر من الرياض للجنوب. 

واقابل عج قوي. احياناً. بس اني استخدم التغبيره الترابيه 

تنفع بعض الشي  بس. اذا كان عج قوي. والله انها تروح

ومايبقى شي.  

شريت هوندا اكورد لونها بني وراعيها الاول مركب حمايه المهم  اللون اختلف اللي فيه الحماية طلعت السياره لونين فاتح وغامق ولا قدرت اشيلها وقبل ابيعها قلت للي بيشتريها ترى فيها حمايه قال خلاص ماهي مشكلة وبعتها والحمد لله وراعيها تكسب منها 

بس انا عن نفسي خذتها تجربه وماراح اركب حماية

أنا ركبت حماية من 3 سنوات للشمعات والكشافات فقط عند لومار وكلفتني 300 ريال وما تغير لونها وما تشوفها إلا إذا دققت

انا جربت درايف سفن وحلو بس مع الوقت يصفر لونه وبعد الغسيل يرجع طبيعي.... راح يعطونك تلميع كل 6 اشهر ويرجع كانه جديد

...

والله الحماية احس كلام فاضي 
افضل انك تفصل برقع يحميها افضل بس المشكله في الحرارة ويكتم الا لو الي فصلها فنان 
عموما التغبيرة تعتبر افضل حل حاليا 

افضل حمايه انك تختار الوقت المناسب للسفر يعني بالصيف من الساعه 10ص الين الساعه 4 ونص هذا وقت العج والسافي فاطلع قبل هالوقت او بعده 

بلا حمايه بلا كلامي فاضي .ساكو عنده حمايه شفاف سعره 40 ريال لي اربع سنوات مجربه ولا فيه احلى منه اسمه رش ومش

جزاكم الله خير وننتظر تجارب اكثر

اخوي على حسب نوع الحمايه والشركه المنتجه المعروف بالخليج كله 

اول ماطلعت الحمايه كانت شركتين فقط. لومار ، وزيبارت. فقط. وضنها هي الافضل 

الآن المحلات واحد وماتعرف وين الزين والشين ولكن اللي اعرفه اذا كان سمك الحمايه 8m افضل وعلى حسب الكفاله 

انا للأمانه ماجربت ولكن بعض الاصدقاء جربو لومار من ناحيه تضليل الحراري السراميك والحمايه  يمدحونها 

شف لا تغبيره ولا فيري ينفع دخلت بسافي وانا راجع من الجنوب لمكه القنفذه والليث ياهو سافي اكل الواجهه اكل صار لونها مطفي حتى وانا راش تغبيره القزاز صار محفر حفر صغيره 
انا اشوف انك تركب حمايه على الواجهه من كشفات وشمعات وصدام فقط الكبوت خويي مسوي حمايه وانعدم عليه لا يسوي له تلميع سوها عند لومار او بروفشنال عليه ضمان واهم شيء التلميع كل ٦ شهور تلميع و٦ شهور اللي بعده تغيير 

فعلا كلام الاخ اللي فوق k_sp1 جربت لومار ممتاز مافيه كلام حتى يصفر خفيف من الشمس لمعه تلميع ناعم ويرجع جديد وكذالك زيبارت عيبهم الغلا بس على شي يستاهل لان الحمايه والتظليل امريكيه وعليها ضمان