تنصحوني ابدل اف جي بسييرا ولا لا ؟

لو حاب تبيعه انا اشتريه منك 

والله مافيه مقارنه ..
ايه خذ السييرا دامه نظيف وموديل جديد

لو مكانك بأخذ السييرا هييييبة

اي موتر حوض غمارة بتفقد حاجة مهمة
ما تقدر تاخذ راحتك ترجع الكرسي للخلف مسند الظهر
و لو اخذت غمارة و نص بيطلع طويل و بيشغلك وسط الديرة
الاف جي على قبحه عملي اكثر لكن انصحك تبدل بيوكون او تاهو الجديد ممتاز

وجهة نظري انك تاخذ سييرا حتى لو مستعمل وتخلي الافجي للدومات والمناسبات الرسمية

لا انصحك
الافجي افضل

نصيحة لوجه الله لاتغير موترك بالسييرا جربت الاثنين والافجي افضل

الافجي أفضل السييرا يتفكك و مشاكل الأمريكي كثيره على المدى البعيد 
خلك على قردك لا يجيك الاقرد منه 

السييرا افضل بس لاااااااااازم  تعدل بحرارته  ولاتخليه بحرارة وكالته سواء المكينه او قير  
وهي سهله  وانا صاحب تجربه  وكثير غيري جرب  
وهي كالاتي 
بلف حرارة رقم ١٧٠ 
مبرد قير تروكول٤٠ 
برمجة مراوح  تفتح بدري وزيادة بسرعتها 
والي سمعته من الناس جربوه  ومدحوه بالاضافه 
جهاز هايبر تك
مساعدات بلستين 
 اذا بتسوي كذا  اقولك السييرا افضل وبقوه   اما بتخليه على وكالته انا اشوف افضل الاف جي   

والله ان الافجي اطلق من السييرا مليون مرة عندي

انا معي اف جي ولي مده ادور سييرا لكن غماره لان الغماره ونص دفش والغمارتين ادفش 
بس والله الاف جي احسن وانا اقولك ع الاقل يشيل ركاب ورا وشنطته كبيره ومع ذا حجمه اصغر من الغماره 
وقطع الغيار رخيصه غير الجمس شوف الجمس ممتاز والله ما اعيب فيه لكن الغماره حلاته والغماره صغير بالركاب
دامك منت مستفيد من الحوض لا تاخذه وتراه شبهه لو بتسافر وحاط اغراضك بالحوض انواع التفتيش والقروشه 
خلك بالاف جي وريح راسك وموترك لسع ما عرفت قيمته دامك طفشت منه ركبله شي ضبط عليه شاشه اي شي 
وده تلميع 

محمد حمدان هلال... ليش تبدله دامك تحس انه احسن من السييرا, جاني فضول هههههههههه

خذ السييرا وتوكل على الله بس زي ما قال أخوي (الاش) في تعليقه