تاهو 2007LTz اسود انباع اليوم36الف

معارض المدينة المنورة

السيارات في نزول ما قلنا شي بس التاهو الي تقول عنه ماهو مقياس 
يمكن باعه مستعجل 
مضطر 
عليه دين 
او او او 
امس مبيوعه كورلا 2015 ماشي 49 قير اوتو ب 25500 بالرياض 
لكن السيارة فيها رفرف وكبوت ودقه بالشاصي وايرباق 
يعني التاهو ذا ماتدري عن وضعه سليم ولا مقلوب ولا ولا ولا 
وقبل فترة كان عند خويي z71 2008 فل كامل 
شاصي وايرباق ومحركات سليمه باعه ب 37 
ماشي 300 والديكورات مكسرة 
والبدي مررشرش رشات سباكين ومشوهة السيارة 

طبعا على المكريفون

السالفه

الميكرفون سياراته لها وضع خاص مهي بمقياس

أسعار الميكروفون ما يعتبر مقياس
لأنك تشترى كوم حديد
مشى ولا وقف إنت ونصيبك
ومعظم السيارات فيها بلا

لا الواضح انه سليم 
خارجيا

الي تحت المكيرفون سمك فيه مويه اغلبه سيارات شريطيه عجروا يبيعونها بنسبه لسعر النظيف له سعر المصدوم له سعر لاحد يقاران النظيف المصدم او حتى المرشوش لان فيه ناس تقول لقيت لقيت يعطونك سعر لاكن يقول فيه وفيه لاكن طبيعي انك تلقى السعر طايح جدا انا بايع ٢٠١١ فورد سعودي والله ٣٠٥٠٠ علشانه مرشرش لاكن لو بديه وكاله او فيه رش خفيف ماكنت ببيعه ٥٠ انتوا عارفين

كل حجرة لها أجرة..
هل تتوقع التاهو لو نظيف ينباع بهذا السعر؟؟؟ أكيد لأ

الميكروفون سكر في ماء يعني احتمال كبييييبر
 يكون  فيها قير ولا دفرنس ولا مكينة تعبانة وووو...
تشتريه بدون فحص واستلم خرااااابااااات

النظيييف عمره ما ينزل ميكروفون

صدقني في نظيف تحت الميكرفون 
انا بايع يارس تحت الميكرفون ودفع العربون واخذها فحصها وطلعت زي كلامي بالزبط 
احيانا نكون مستعجلين ع البيع ونبي نخلص بسرعه .. الحراج اسرع بالبيع من الشارع " مو دايما .. الرزق يمكن يجيك ع باب بيتك " 

اللي يستر عليك كل موتر حسب حالتك 
بالعين ماراح تقدر تميز اذا هو مسمكر او لا ..



اعرف واحد نفس هالموديل انسام 65 الف نظيف

التاهو المصدوم يوصل 30 الف

حالتك -حالته

.
.
.
.

الرش فقط ينزل اكثر من ربع قيمه الموتر ايا كان

الموتر في بلا ابصملك بالعشرة الصاحي يسوا بالخمسينات 

ولو يكون اصفار قيمته ٥٠ وده المكروفون بيفتحون بابه ب ١٠ 

لذلك لا تتحمس وشف الاسعار زين 

اللي يقول النظيييف عمره ما ينزل ميكروفون 
الا ينزل ميكروفون يجيك راعيه مجبور على بيعته 
محتاج فلوس عليه دين يبي يبيعه ويحط فلوسه 
دفعه لسيارة جديدة > مو معنى كلامي كلها نظيفه 
تقدر تقول ٩٠ بالميه مضروبه و١٠ بالميه تحصل نظيف
حنا بايعين جمس ٩٣ على ايام عزه ونظيف شد بلاده 
ميكرفون وكابرس ٩١ وارد الكويت نظيف تحت المكرفون 
واشترينا جمس ماذكر كم موديله بالتسعينات ميكرفون ب ٢٧ 
وايامها سعره بالخمسين ويوصل ٦٠ وطلع نظيف وشد بلاده بس راعيه محتاج
وبعناه ب ٤٥  
واشتريت ددسن ٢٠٠٦ وطلع شاصيها مضروب ويبغى لها قير وقروشه
تقدر تقول مسألة حضوض انت وحضك