أضف سؤال أو موضوع جديد          

الفرق بين التوكيلات العالمية و الجميح

up 3 down 2
ولد العرب 175
قبل 4 سنه و 6 شهر



السلام عليكم ورحمة الله وبركاته

بإذن الله و مشئيته نوينا على جمس سييرا اللون الجديد البني 

ومحتار في فرق الوكيل بين الجميح و التوكيلات وايهم افضل

من ناحية الموصفات و من ناحية خدمات مابعد البيع وهالامور 

الله عنده علم وعلى معرفة بينهم يفيدنا جزاه الله خير 

واعتذر اذا كان الموضوع مكرر ...









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله عنده علم=== الي عنده علم *


up 0 down 0
ولد العرب 175
قبل 4 سنه و 6 شهر



اللي اعرفه الجميح اغلى من التوكيلات ليه؟ مدري!


up 2 down 0
ngk_2 167
قبل 4 سنه و 6 شهر



وعليكم السلام ورحمة الله وبركاته 

التوكيلات كلمتهم يوم الخميس 
الموظف يقول ب 148 الف غمارة 2016 فل z71 
يقول رح تنزل تسعيره جديدة هالاسبوع ان شاء الله 

وفيه عروض في الموقع على 134 تقريبا 

والموتر جديد وباذن الله ماتجي الوكالة ولا تقربهم 


up 3 down 0
صلآتي نجآتي 119
قبل 4 سنه و 6 شهر



انا سمعت الفرق بين الوكيلين حول 10,000 !!!


up 0 down 0
ولد العرب 175
قبل 4 سنه و 6 شهر



الجميح  اكيد افظل من التوكيلات


up 0 down 1
مجنون شافك -21
قبل 4 سنه و 6 شهر



كلهم حراميه ..... اعتقدومافي وكيل في السعودية الا حرامي 


up 3 down 0
honda 2014 479
قبل 4 سنه و 6 شهر



الجنط بالجميح اكبر واجمل 
هذا الي اعرفه ما ادري اذا في شي غيره


up 0 down 0
ليزو 481
قبل 4 سنه و 6 شهر



صح صادق انا لاحضت الجنط بس معقول الفرق هذا عشان الجنط !!


up 0 down 0
ولد العرب 175
قبل 4 سنه و 6 شهر



ياأخي من واقع تجربه للامانه
التوكيلات قبل البيع يشيلونك
لكن بعد البيع والله يماطلون فيك
واذا لاقدر الله السياره فيها خلل يجرجرونك لين تمل


up 1 down 0
علاوي555 541
قبل 4 سنه و 6 شهر



اجل تشورون علي بالجميح ؟

انا ان شاء الله لي روحة للوكالتين و ابلغكم وش يصير


up 0 down 0
ولد العرب 175
قبل 4 سنه و 6 شهر



التوكيلات مشاكلهم كثيرة واكبر نكبه عندهم تشتري السيارة لونها بني والاستمارة بني واللي شفتها بني ويعطونك وقت التسليم ابيض وتعود انت وياهم مشاكل صارت مع كم واحد او يحكون بسيارتك قبل تستلمها الجميع مع انه غالي الا انه افضل ونصيحه اختر السيارة وشفها قبل تدفع عربون واكتب رقم الشاص وخله عندك لين تاخذ موترك بالتوفيق 


up 1 down 0
بريق الرياض 259
قبل 4 سنه و 6 شهر



جزاك الله خير على النصيحة المهمة ...


up 0 down 0
ولد العرب 175
قبل 4 سنه و 6 شهر



كلهم خدماتهم بعد البيع حاليا غصبن عنهم ممتازه 
بعد انظمه وزارة التجارة 
موفق لا يهمك الا السعر الاقل والمواصفات الافضل 
اما خدمه ما بعد البيع لا تهتم وراك ظهر وزارة اتلجارة اي شي بلغهم 


up 0 down 0
abdullah.a.a.d 74
قبل 4 سنه و 6 شهر



عزيزي الاثنين يعتبرون وكالاء لجي ام بالمملكة ولايوجد فرق من ناحيه مابعد البيع
 بالعكس انت تختار مع مين تتعامل مابعد البيع حسب قناعتك لانه الاثنين يعتبرون وكالاء لسيارتك
فقط الفرق التسويق والبيع لكن المركبات مصدرها واحد للاثنين
وبخصوص صيانة مابعد البيع الاثنين يعاملونك كانك شريتها من عندهم
لانه الضمان اقليمي بكل دول الشرق الاوسط يعاملونك كانك شاريها عندهم [ 3 سنوات \ 100 الف ]
من ناحيه صيانة الدورية والضمان وكل الامور تخص مابعد البيع

محدثك مالك سياره من الجميح والمدينه اللي اسكن فيها يتوفر التوكيلات فقط
ف صيانة سيارتي بالتوكيلات وكل شي يخص السياره بالتوكيلات ولا يوجد اي فرق
اللي يقولك هذا افضل وهذا افضل مجرد كلام , خذ الكلام من مجرب
وللعلم الجميح عادة تكون اسعاره ارخص من التوكيلات وفرق طيب مو بسيط من تجربتي
ولاتنسى تطلب الهدايا من حماية وغيرها , والله يبارك لك مقدما واي استفسار تفضل

وللعلم الاسعار تختلف من فرع لفرع مو بس جميح وتوكيلات يعني جميح بشارع فلاني تحصل سعره يختلف عن جميح بشارع فلاني
 حسب مزاج البايع ولازم تشد عليهم بالخصم ويخصمون واذا انت بتشتري كاش يخصمون لك خصم طيب واطلب خصم المدير او ادخل عليه بنفسك
وسو مقارنه بينهم بين التوكيلات والجميح اثناء الشراء

يعني روح التوكيلات وقول الجميح عطاني كذا وكذا عندكم عرض افضل ؟ وهكذا سو العكس بين الوكالات
صدقني اقل شي بتطلع باقل 5 الاف من السعر اللي عطوك اول مارحت

بالتوفيق


up 1 down 0
.. abady 116
قبل 4 سنه و 5 شهر



بيض الله وجهك وجمل الله حالك


up 0 down 0
عمر الأحمدي
قبل 3 سنه و 4 شهر



لكن يا إخوان لمن روح للتوكيلات والجميح لقيت النص فل اللي هي LT الدخول والتشغيل يدوي(غير ذكي) هل هو فقط على 2017 صار هالشيء ولا من قبل


up 0 down 0
عمر الأحمدي
قبل 3 سنه و 4 شهر