أضف سؤال أو موضوع جديد          

راعي اليوكن وسائق الوايت

up 33 down 18
sami1436 170
قبل 6 سنه و 11 شهر



صالح معاه يوكن جديد فخور وفرحان فيه 
هنا الأمور عادية ..
الوضع غير الطبيعي أصبح شايف نفسه ويحتقر أي سيارة 
لا ترتقي لسيارته ..
يسقط على سائق الوايت الصومالي ويتلفظ عليه !
وفي نفس اليوم يقفل على كورلا راعيها باكستاني 
وبدون أي إحساس لا يستجيب بسرعة لتحريك سيارته !
اليوكن صار له حادث ودخل الورشة !
استأجر اكسنت قير عادي ورجع بني آدم متواضع ..

*القصة من الخيال ولكنها تعبر عن السلوك النفسي الذي يعيشه 
البعض متعاليا على خلق الله ..
خاتمة ..
إن أكرمكم عند الله أتقاكم !







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مو شرط يكون موترك جديد عشان تسقط ع الناس شوف الفوردات1997 وبهذلتنا  بالعكس الي موتره جديد 
يخاف عليه لكن فاهم المقصد من موضوعك البعض يتكبر لا شرا موتر كبير وجديد والاكسنت المسكينه دايم ينضرب
فيها المثل بالفقر والحزن  : )


up 9 down 5
محمد حمدان هلال 19
قبل 6 سنه و 11 شهر



مالقيت الى يوكن قل مرسيدس اليخت بي ام لارج بنتلي باب واحد  وشكلك حطمته كثير يوم قلت اكسنت وقير عادي احس انها من قلبك ههههههههه


up 2 down 8
سكودر 14931
قبل 6 سنه و 11 شهر



سكودر
هههههههه
لا جيت تنتقد شيء اجلد بقسوة !


up 2 down 4
sami1436 170
قبل 6 سنه و 11 شهر



هههههه سائق الجمس الكل يحترمه محد يسقط عليه واذا سقط على احد المسقوط عليه ما يفتح فمه
من هنا يبدا الغرور 


up 1 down 2
عاشق القهوة 524
قبل 6 سنه و 11 شهر



سوا يوكن ولا يخت الي مايحترم نفسه لاتحترمه 
وكلها دقشه بسطه موترك مايجيه شي وهو يتبهذل يطارد وراء التامين 
بعدها يحترم نفسه ويصير رجال 


up 3 down 0
شمهرووش 120
قبل 6 سنه و 11 شهر



طيب نبغا قصة راعي الفورد والسيارات المسكينه هههههههههههههههه


up 1 down 3
tareq_talli1 1539
قبل 6 سنه و 11 شهر



السواقه عندنا رايحه فيها

بذات المساقطات 

يعني بالله مافي الي انت مستعجل 

المشكله انو هذي سواقت شيباننا ونقلوها لنا واحنا بننقلها لعيالنا 

المطامر والسب والتحشير صار نادر تلاقي احد مروق ويسوق باخلاق عاليه

لان الي حوله كلهم جن 


up 2 down 0
usopp 326
قبل 6 سنه و 11 شهر



طيب ليه صالح؟ ليه مو سامي؟ 

ههههههههههههههههههههه



يعطيك العافية عالموضوع اخوي


up 2 down 0
m nd m 492
قبل 6 سنه و 11 شهر



صحيح من فترة طويلة الاحظ  بالذات اصحاب الجمسات
يدخلون على الناس ويساقطون عليهم بدون ادنى اهتمام او خوف
ويمكن يلحم فيك ومعك اهلك ولا همه شي 
برأيي من المفترض زيادة التأمين على السيارات الكبيرة والمرتفعة
واذا زادت الحوادث كذلك تزيد النسبة
احتمال يشوفو اللي بالسيارات الباقية اوآدم



up 2 down 2
احمد 170 245
قبل 6 سنه و 11 شهر



زي قبل سوي يوكن اعماني وهو يكبس بكل كبسة زينون ادعي عليه ملحم فيني قلت والله ما ابعد دام الدعوة كذا وتاميني شامل اخر شي بعد الهياط كله طلع مع مخرج وزي كنت اتوطى ببطنة وعندك راعيين الاند كروزر يحسب نفسه ملك الطريق مايبعد لاحد يمسك اليسار على ٨٠ ذول دواهم شطفة قوية او فرامل في وجهه ومنهم متهور مرة تخييط بين اليسارات وتكبيس الله يكفينا شرهم


up 0 down 1
benz lover -74
قبل 6 سنه و 11 شهر



الصراحه موضوعك غريب او بالأحرى انت تفكيرك كذا ،، من وين جبت ان الي معه يوكن يتكبر على الناس صومالي وباكستاني ومدري ايش ،، احسن الظن بالناس مب كل الناس مثلك 


up 2 down 7
ابوعابدالله 81
قبل 6 سنه و 11 شهر



ما شاء الله بعض الناس معه اطلق من اليوكن لكنه عقل وثقل وواثق
من نفسه وعارف حقيقة الدنيا وأن من تواضع لله رفعه
وصدق الله (وماالحياة الدنيا إلا متاع الغرور)


up 5 down 1
بدرالعبدالمحسن 69
قبل 6 سنه و 11 شهر



أشكر جميع الأخوة الكرام على مرورهم والهدف من الموضوع واضح ..
وليس فيه انتقاص لأصحاب اليوكن .. والغرض منه التمثيل وليس التحديد ..
لكم خالص الاحترام وعظيم التقدير


up 2 down 1
sami1436 170
قبل 6 سنه و 11 شهر



تدري ليه سواقتهم دفشه وغبيه , لان اغلب اللي يسوقون موتر بزران , ياخذه من الشايب ولا سايق , وشوفت عينك مساقط وسرعه وتهور و درفت , مره شفت ورع معاه يوكن ماخذ مطب عند بيتنا على سرعه عااليه


up 0 down 0
x500 777
قبل 6 سنه و 11 شهر



انت لاتاخذ الموضوع غرور وكبر 
هذي هيبة السيارات الامريكيه محد يقدر ينكرها 
وحط في بالك ان السياره ثقيله ماهي صغيره يعني اذا طلع من مساره صعب يرجعله
مثل الشايب والشباب كل واحد له شكل وفكر ووزن ماتقدر تحكم على شايب انه مغرور لان احترامه واجب^^


up 0 down 5
أشواق للبخور 90
قبل 6 سنه و 11 شهر



أنا سيارتي قديمة وأعانى كثير من هالنوعية 


up 0 down 0
طالب رضى الرحمان 251
قبل 6 سنه و 11 شهر



شف هذولاء مايبغالهم ال كابرس 88 اقسم بالله يحترمك غصب عليه


up 0 down 0
has90has 253
قبل 6 سنه و 10 شهر



تعتمد على نوع الجمس اذا كان من 06 ونازل نصيحه لا تحتك معهم هههههه


up 0 down 0
سعود بن عزوز
قبل 6 سنه و 9 شهر