الصيانة الدورية

للمعلوميه 

اذا سيارتك جمس فالزيت حقه 5-30 لموديل 2015 

ومن 2016 فالزيت حقه 0 - 20 

فانتبه للنقطه هذي 

طبعا الصيانه انت غير ملزوم فيها 

الافضل انك تشتري الزيت وفلتر الزيت من قطع الغيار والتغيير في اقرب بنشر وبااشرافك 

وفيه مراكز ايسيديلكو معتمده من الجميح والتوكيلات 

لكن مثل ماقلت لك انتبه لنوعية الزيت 

وفيه طريقه انت تقدر توفر فيها وهو انك تزور الشركة وتغير زيت وفلتر كل 10 الاف فقط 

موفق 

اخ عبدالعزيز
مكينة ٢٠١٥ هي نفسها مكينة ١٦
مالسبب بتغيير نوعية الزيت

جزاك الله خيراخ عبدالعزيز ولكن ٢٠١٥ خو نفسه ٢٠١٦ انا غيرت الزيت بالوكاله صيانة ١٠٠٠٠ الزيت 0-20 ولكن لم افهم النقطة الاخيرة تقول تزور الشركه وتغير كل ١٠ الاف طيب هذا هو المعتمد في جدول الصيانة الدورية كل ١٠ الاف ولكن تختلف اسعارها ٦٢٩ ريال هذي للعشره الاف والثلاثين والاوبعين والخمسين ،،٩٨٩ ريال هذي. للعشرين و ١١٠٠ ريال للستين الف و ١٥٠٠ ريال للتسعين الف بصراحه اسعار خياليه .. 

و عليكم السلام و رحمة من الله و بركاته

أخوي الصيانة الدورية أنت "ملزم" بها من أجل أن تبقى ع الضمان
و لكن منت "ملزم" تسويها في الشركة ، تقدر تسويها في بترومين مثلا

اذا تعرضت سيارتك لاقدر الله لأي عطل فني
لايتم أصلاحها الا اذا كنت ملتزم بالصيانه "و البناشر الصغيره"
ماهي معتمده ولا تعطيك فاتورة لصيانتك
فالافضل انك تسوي صيانتك قي بترومين
شغل نضيف و فاتورة و أرخص من الوكاله .

نصيحة مجرب
1-غيرالزيت عند اي سي ديلكو . مراكزها منتشره بالرياض ادخل الموقع وتحصل مواقعها موضحه بالخرئط (معتمده لدى الجميح)يعني اذا صينت عندهم( الكمبيوتر واحد )راح يطلع تاريخ صيانتك وعداد الكيلو
2-لاتروح للوكاله الا اذا فيه ملاحظه بالسياره مثل عطل أو عيب مصنعي فقط غير كذا غير الزيت مع فلتر الهواء فقط مايكلفك 180 ريال زيت وسيفون وفلتر هواء 
3-كل 20000 كيلو اضف الى تغيير الزيت والسيفون والفلترابدال مكان الاطارات ( تدوير) مع برمجه ب50 ريال.
4-رح للوكاله عند حلول صيانة 60000 لان فيها فلتر+زيت القير + زيت الدبل +سير المحرك وهذي تكلف تقريبا 1800 ريال
5- صيانة 80000 بواجي غيرها عند مركز اي سي ديلكوقدام عيونك تشوفه يركبها عند الوكاله تدخل السياره وتطلع وهي مغبره من داخل ماكأن احد غير شي ويصلخك ب1400اي سي ديلكو تضمن انه غيرها قدامك
6- ابدال سائل الفرامل اشوف ان ماله سنع يشفط الزيت الموجود بالعلبه ويحط جديد
7- موترك فيه فلتر مكيف اذا تغير عليك تبريد المكيف بدله 
من واقع التجربه شرينا السيارات جديده وابتلشنا بصيانتها قيدونا الوكاله بصيانتها صارت نفس سيارتنا القديمه نبي نفتك من الورش وارتبطنا زياده
انا وصل موتري 80000 والله ماستفدت من الصيانه حقتهم غير حجوز مواعيد وصرف فلوس ماها سنه ( خلاص اذا الموتر كويس غير زيت وامشي موتر فيه عيب رح للصيانه وبس
5- 

أشكركم ع الإفادة يا أخ زوحان و أخ خلف والله كلام واقعي مافيه شيء يستاهل أسعارهم الخيالية أغلب سالفة الصيانة كلها على تغيير الزيت والفلتر وهذي ما تستاهل ربع المبلغ اللي تطلبه محلات صيانة الوكالة

❗️❕❗️ الصيانة خارج الوكالة ❗️❕❗️




1- احرص على أن تعمل الصيانة في الورش ومراكز الخدمات الموثوقة والمعتمدة




2- احرص على استعمال الزيت الموصى به من الوكالة وكذلك ان يكون الفلتر أصلي




3- اذا لم تكن تعمل الصيانة الدورية.. سواء في الوكالة ام خارجها.. عليك بعمل الصيانة الكبرى من فترة لأخرى




♨️ تذكر....




في السابق كانت تشترط الوكالة لاستمرارية الضمان وفعاليته :
عمل الصيانة الدورية بانتظام في الوكالة.. 
بعد ذلك استاء العملاء لارتفاع اسعار جدول الصيانة وبعد مراكز صيانة الوكالة وشدة الازدحام.. الخ
اصدرت وزارة التجارة قرارها بالغاء هذا الشرط من عند الوكيل..
اثار الوكلاء احتجاجهم بأنه ربما العميل لم يعمل الصيانة اللازمة او لم يتم غيار الزيت والفلتر في موعدها المحدد
وهذا بالطبع سيؤدي الى حدوث مشاكل واعطال في السيارة
وسوف يطالب العميل باصلاحها على الضمان..




اصدرت وزارة التجارة شرطا للعميل..
بأن يلتزم بالصيانة الدورية أو غيار الزيت والفلتر في مراكز موثوقة ومعتمدة وتستخدم الزيوت الموصى بها والفلاتر الاصلية
وأن يقوم العميل بالاحتفاظ بما يثبت ذلك وتقديمه للوكالة في حال حدوث اعطال على الضمان




4- احرص على تسجيل فاتورة بجميع البيانات المطلوبة والختم والتوقيع مع ذكر نوعية الزيت والفلتر وكتابة عداد الكيلوات وقتها والتاريخ على الفاتورة