أضف سؤال أو موضوع جديد          

ابي حل يااخوان

up 4 down 3
نيسكافيه 113
قبل 5 سنه و 10 شهر



السلام عليكم ورحمة الله وبركاته
اخواني اعضاء المنتدئ مساء الخير
 موضوعي حكات السيارات سيارتي يوكن  قبل فتره لقيت صدام سيارتي الخلفي محكوك بضربه سياره
 ولاادري من هو. بعد فتره لقيتها بالجهه الثانيه   ورحت لمعت الصئام وشال بوية السيارات ومشي الحال. اليوم وبعد صلاة الجمعه لقيت فيها حكه قوية والله وواضح بوية السيارة علبها. وللعلم والله يااخوان انا من النوع اللي اوقف بموقف زين واذا المواقف زحمه اؤقف بعيد  ومحفظ. وبرضوا مواقف البيت واسعه 
ومافيها زحمه  يعني طالعين من مسجد والحمد لله تلاقي موترك محكوك  وواضح يعني تدعي عليه ولا ايش. اقسم بالله لو جاني واعتذر. والله مااقوله شيء يكفي انه اخطا واعتذر لكن هالعالم ماتغهم تحك السياره وتمشي.   وش الحال اركب سلة ولاصدام عشان هالبشر.  


لاحول ولاقوة الا بالله. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


احتسب الاجر عند رب العالمين 
وحاول تلتزم بالاذكار والاوراد الشرعية 
والتحصين ثم التحصين ثم التحصين 
وحاول قد ما تقدر انك ما توقف في اماكن فيها زحمة 
حتى لو الموقف نظامي 
لان ما تدري ممكن يجيك واحد ويسوي نفس الحركة
عشان كدا حاول تبعد عن اماكن الزحمة 



up 2 down 0
medoo_m6 137
قبل 5 سنه و 10 شهر



انا زيك  بعد وقفت بمواقف مستشفى الملك فهد في القبو  مواقف كثيره 3 اطباق وتحت مواقف بكراج  ووسيعه المواقف ومع كذا لقيت موتري محكوك الصدام 


up 1 down 1
سكودر 14927
قبل 5 سنه و 10 شهر



البلا بوقفاتك .. لو واحد ولا ثنين كان قلنا الناس تغلط عليك .. 

الحل الوحيد .. انك توقف صح لا تضيق على خلق الله .. عشان تقدر تطلع براحه ولا تحك موترك 


up 1 down 18
سبحان الله العظيمم1 52
قبل 5 سنه و 10 شهر



زين انها جت على حكه 
انا صدمو سيارتي وانا رايح اطلع شريحه بيانات وموقف زين بس الحمد الله


up 0 down 4
i6rb_ 160
قبل 5 سنه و 10 شهر



وسع صدرك يا رجال

يمكن انه سواق وخاف كفيله يهاوشه او يسفّره
ويمكن انه واحد طفران وما عنده تأمين ولا شي وخاف انك ما تسامحه

فيه ناس صراحة يوقف الشارع ويجيب المرور علشان حكه خفيفه ما تكلف ٢٠٠ ريال

ومرة اذكر بعد صلاة التراويح حك سيارتي واحد وكتب لي ورقه وحط رقم جواله

هذا غصب عنك تسامحه ... 



up 1 down 4
abuomarr 225
قبل 5 سنه و 10 شهر



انا اول ما شريت اللكزس وديت اهلي امشيهم فيها و وديتهم مجمع الراشد بالخبر

ولما خلصنا بعد صلاة المغرب طلعنا ولما ركبت السيارة وجيت اعشق الا والقير يضرب بقوة

كانك موقف السيارة على نزلة بدون جلنط ومحمل السيارة على ال p انا هنا خفت قلت القير بيضرب

وما اخذت ثواني في التفكير الا واقول لا يكون احد دفني من ورى وانزل والاقى الصدام الخلفي نصة لونة اسود

انا هنا عصبت و قلبت مثل الكهله ادعي عليه والله السيارة بقراطيسها باقي مالها اقل من ثلاث ساعات

دورت ورقة على السيارة ما لقيت والسيارة اللي خلفي لونها احمر والصدام لونة اسود يعني مهو هو

لاكن الله بياخذ حقي منه ان شاء الله  




up 1 down 0
zayed33 64
قبل 5 سنه و 10 شهر



يا اخوي قل حسبي الله ونعم الوكيل وفوض امرك لله 
عندنا جارنا مطوع ما أقول الا الله لا يسلم فيه ولا عظمه 
موذي جارنا كلها ما فيه احد ما صدم سيارته عنده تاهو موديل
٢٠٠٠ ابو صدام حديد اذا ما صفط زين او سيارتك طالع منها طرف
عالشارع يصدمها متعمد وحنا ابتلشنا فيه كل شوي صادم سياره من سياراتنا
وحنا كل شوي راشين الصدامات والسياره من الجنب بسبب صدماته  والله ما فيه 
جار ما تأذي من عنده وحتي ضيوفنا او ضيوف جيرانا يصدم مواترهم وما فيه احد 
سلم من شره وانا سيارتي الحين مصدمه ومشطف الزوايا بسبب والرفرف اللي ورا رفسه 
ولده الكبير عمره ٢٦ ورفس الباب واحد المرات كنت طالع من البيت وألقي واحد من شياب جيرانا
قالي يا وليدي ترا فلان صدم سيارتك ومشي وصدمته واضح متعمد واروح وأطق الباب وأول ما طلع 
واخنقه من رقبته واسحبه من باب بيته وقلت ليه تصدم سيارتي لحد ما جوا أهل الخير وترجوني اتركه 
وطوالي يركب سيارته ويروح للقسم يشتكي ولما جوني الشرطه يطلبوني للقسم وأخذ سيارتي واروح للقسم 
وأول ما دخلت جايب ولده الصغير علي انها رجال مطوع وابو عايله ولا يقولي الضابط انت ضارب الرجال  قلت 
يا اخوي مستعد ادوس علي رأسه قدامك قالي احترم نفسك قلت طال عمرك اطلع شوف سيارتي مصدمه من كل جنب 
بسببه وعندي شهود وفوق هذا . هذا جوالي يشهد لآني كنت مصور له صور وهو صادم سيارات الضيوف اللي يجونا ويجون
عند جيران لان هو حقير اذا شاف سيارة ضيف صافطه جاب سيارته وصفطها علي باب السايق علشان الضيف ما يركب السياره 
انصدم الضابط قال انت مطوع وتسوي كذا وش خليت للناس الداشره والصايعه قالي الضابط لك حق ترفع قضيه عليه قلت انا ما ابي 
شي منه ابيه يفكني من شره ولا يقرب سياراتنا قاله الضابط والله لو شفتك بالقسم او قربت للرجال ما يردك الا الحجز أخليك تخيس فيه 
ومن يومها ما قرب لسياراتنا بس كم يتحرش بأخواني الصغار وعيال اخواني ويدور الزله عليهم علشان يروح يشتكي لانه يدر ان الورع راح يرد
عليه ويغلط وهو يبي يصيد الكبار عن طريق الورعان ويجرجرهم بالقسم وحذرت اخواني الصغار وعيال اخواني قلت اذا جاكم يتحرش طلع جوالك 
وصوره فيديو قدامه علشان اخذ التصوير واوديه للقسم يشوفونه ومن يوم شاف الورعان يصورنه ما صار يتحرش فيهم وافتكينا من شره ولله الحمد 
المصيبه انا رجال كبير عمره بالخمسينات واللي يقهرك انه مطوع  والناس تصدق والاقسام تصدق المطوع علي الشخص العادي ولله الحمد أني ماخذ حذري
ومصور اخطاءه وصدماته ليومك هذا ما عدلتهم وللحين موجوده . 
وانت ادري بالحرقه اللي داخلك علي صدمات موترك بس أقول احمد ربك ان ما عندك جار نفس جارنا .
وربي يوفقك 


up 6 down 1
foxzx 1593
قبل 5 سنه و 10 شهر



يارجال انا مثلك قسم بالله السياره بقراطيسها وموقف صح جيت حصلت الصدام في حكه قلت يالله بسيطه الله يسامحه بعدها بكم لقيت الصدام الجهه الثانيه فيها حكه بعدها بكم يوم واحد حك الرفرف الخلفي مع الصدام طيب وقف او على الاقل حط ورقه فيه رقمك والله ماني طالبك شي يكفيني اعتذارك 


up 0 down 1
صقر-123 67
قبل 5 سنه و 10 شهر



عشان كذا الافضل الواحد يستمر بسيارته القديمة ومايشتري جديد 


up 2 down 0
iTalal 152
قبل 5 سنه و 10 شهر



صقر ما لك الا تركب كاميرات علي سيارتك والله اتكلم جد 
عندي أحد الجيران تأذي من المطوع هذا والله ركب كاميره وحده
وصار يصفط هو وعياله بمجال هذي الكاميره واذكر جارنا هذا جاي 
ولده من دوامه الصبح تعبان مستلم زام ليل وراد تعبان وينام علي واحد
بالخط ويتلاسن معها واعتذر منه وانه مستلم زام ليل وتعبان ومشي وخلاه 
ولا يتبعه لحد ما صفط عند بيتهم ودخل البيت ويجي راعي السياره ما انتبه 
للكاميره وينزل لسيارة ولد جارنا ويكسر القزاز كله بليور ولما عاد تسجيل الكاميره
ولا شافه اللي حده بالشارع وهو راجع من دوامه ويأخذ التسجيل ويروح للقسم ويسحبونه
من رقم سيارته لان سيارته كانت واضحه علي الكاميره واعتذر الرجال وركب لهم قزاز كامل 
وتنازلوا عنه مع تعهد ما يقرب له ثاني مره وجاري الثاني متاذي من الورعان واللي يصدمون
سيارته ومركب اربع كاميرات داخليه بسيارته وصارت كاميرات المراقبه شي أساسي بزمنا هذا
لان النفوس تغيرت والشر منتشر .
الله يكافينا شر الناس 
وتحياتي


up 2 down 0
foxzx 1593
قبل 5 سنه و 10 شهر



والله يااخوي  سيارتي اكورد 97 اوبشن  صح قديمه بس  حبيبة قلبي هي بالنسبة لي نعمة من الله  قبل شهر رشيتها كامل فرن ب 2000 و قبل يومين اشوف تراب في السياره  كلها  و حكه تحت يد باب السائق باينه احد حكها بالمفتاح حسبي الله عليه  و حك سيارة الوالد  افكر اركب كاميرا و اراقب و اشوف مين اللي يسوي هالحركات 


up 0 down 1
fowad 123
قبل 5 سنه و 10 شهر