فرامل جمس

موديل الجمس وهل فيه     مانع انزﻻق

1993 ماضن ذيك الايام باقي ماجا مانع انزلاق 

محمد الظهران الله يطول عمرك بطاعته نظام الاي بي اس 
بالمرسيدس من سنة ٨٥ جاء عليها وانت تقول ما جاء بسنة ٩٣ 
وعلي فكره شركة مرسيدس كانت تجرب الآي بي اس من اخر سنوات
الستينات الي بداية السبعينات بالتعاون مع شركة بوش الألمانية وهم الاخترعوا 
نظام الآي بي اس وباعوه للشركات الثانيه وجاء اول مره علي الكابريس موديل ٩١ 
وكان شعار شركة بوش الالمانيه واضح علي جهاز الاي بي اس  .
وتحياتي 

شكراا على التوضيح 

اذا مشكلتك الباكم سعره غالي 
سعر الباكم كامل جديد اصلي يوصل 2000 ريال
بس تركبه يمشيك اكثر من 7 سنوات 

في محلات باكمات مستعمل او درجة ثانيه باسعار معقوله
تحصلها بأي صناعية
ركبت باكم على جيب مستوبيشي ب200 مدري 300 و ممتاز كنه من الوكالة

وشو ٢٠٠٠ ريال علي باكم صَلِّ علي نبيك يا مسلم 
قيمته بالكويت ٦٠ ريال وإذا ذبح نفسه ١٠٠ ريال 
شوف الشباب اللي يجيبون قطع من الكويت قله يجيب 
لك باكم من الكويت وخاصة سيارات الجيش الكويت مو ماشيه 
وجديده وبايعينها تشليح لان الجيش الكويتي ما يبيع للأفراد سياراته
يبيعها للتشاليح وسيارات جديده وكلها بالمستودعات او استخدام معسكر 
والمعسكر ما يجي طوله ٢ كيلو في ٢ كيلو واللي يجيبه الباكم من الكويت يأخذ 
عمولته ٥٠ او ١٠٠ ريال يعني كله الباكم ما يكلف شروته مع وصوله عندك الي ٢٥٠ ريال 
ولا تشتري ابو ٢٠٠٠  

و عليكم السلام
اذا الدعسة ترج و تفلت و بعدين تمسك معناة المشكلة من الاي بي اس
و الحل افصله
عادة تكون فيه لمبة في الطبلون تولع بس ممكن محروقة 
او ملغيه

يا foxzx انت قلتها بالكويت 
انا انتكلم عن اسعاره عندنا 
عندنا تاخذه تشليح ب ٣٠٠ ريال 

لا يا بعدي انت قلت اخذه ب٢٠٠٠ ريال ويقعد معاك ٧ سنين 
ما قلت ب٣٠٠ ريال وثانيا انا قلت يوصل لعنده ب٢٥٠ ريال 
يعني أحسن من يروح ويصدع رأسه بالتشاليح واصل لعنده ب٢٥٠ ريال
ومن سيارات نظيفه واكثرها ما تعدت ممشاها ١٠٠ الف كيلو أحسن من يشتري
من السعوديه من موتر مهتري وما باقي به روح ومتعدي بممشاه ٣٥٠ او ٤٠٠ الف كيلو 
وشوف هذا منصور الصقري يوصلك قطع ويجيب من الكويت 
https://haraj.com.sa/119744869

الله يجزاكم خير 
ومشكور يااخوان 

يا foxzxايه قلت  ب 2000 انا مركبه قبل ٨ سنوات 
على جمس 96 واتوقع للحين على نفس سعره 
وبعدين قلت لك الاسعار جديد وتشليح 
ماقلت له يروح يشتري من التشليح 
اذا فيه قطع بالكويت رخيصه حلو 
واصلا قطع الجمس الاصلي غاليه 
طرمبة البانزين مع العوامة كامل ب ١٠٥٠  اصلي 
الديلكو ب ٩٠٠ اصلي 
والباكم ب 2000 
ماني جايب الاسعار من راسي 
انا معي نفس سيارته وعارف الاسعار 

وانت شف سعرها بالكويت جديد اصلي بكم
افضل من التشاليح ولعلمك صحيح القطع غاليه 
بس تركبها وتنساها تمشيك اكثر من ٥ سنين 

أخوي foxzx جزاك الله خير على هالمعلومات  

لكن انت في نفس الإعلان  الرجال تقول  انه مايقدر يدخل قطع اكثر من مرتين ثلاث !!

فانت تنصحنا نتعامل معه  ولا شلون ؟

Wasa يا اخوي الغالي يا حبيب قلبي يشهد الله أني ماني مكذبك
بس المقصد منه ومن كلامي حرام يشتري باكم ب٢٠٠٠ ريال وهو بمقدوره
يشتريه ب٢٥٠ ريال وواصل عنده لحد مكانه وبدون عنا وتعب وهذا المقصد 
وفوق هذا يكون استعماله خفيف ونظيف ومن موتر نظيف يعني حرام يشتري قطعه
من التشليح ويأخذها من سياره مهتريه والصراحة ما فيه مقارنه بين تشليح الكويت 
وتشليح السعوديه ان كان بنظافة القطعه او السعر الرخيص بالنسبه للكويت وابعطيك مقارنه 
مره من المرات انعوج معاي المقص الخلفي والسياره زد اكس ٣٠٠ ولازم يتبدل او يتصلح وإذا تصلح
راح يصير حذفيه بالسياره يعني ما راح تثبت واروح لتشليح حفر الباطن وعطاني المقص ب٢٥٠ ومعوج 
ومصلح ودابله لحيم وبدون فلنجه قلت يا ولد ما لك الا الشرقيه واسافر للشرقيه وعطاني المقص بدون فلنجه 
ب٣٥٠ ريال وارجع واروح الوكاله واسعره قالي بالوكالة ب٢٨٠٠ ريال بس المقص واتصل علي واحد من اخواياي
بالكويت قلت شوف لي المقص والله قالي لقيته ب٧٠ ريال مقص كامل مع الفلنجه والهوب مع الكليبر وارد اليابان ومو استعمال
الخليج قلت يا رجال اشتره وارسله لي للحفر يعني شفت ما فيه مقارنه اخذته ب٧٠ ريال كامل والكامل وجهه وبالحفر حصلته علي ٢٥٠
ومصلح وبالشرقيه علي ٣٥٠ ريال بدون فلنجه وبالوكاله ب٢٨٠٠ لان عذرهم السياره نادره والمقص الخلفي ما عليه طلب ومستحيل تقارن قطع
الكويت بالسعوديه .
فهمت المقصد يا بعدي 

يا النادر يجزاك بمثله وأكثر مع القوانين الجديده ما تقدر 
ادخل قطع كثيره وصارت مع اخوي رفض المفتش يطلعه لحد 
ما يوقع علي تعهد انه ما يجيب قطع غيار ودخل علي رئيس النوبه
وقاله الموضوع وقاله معاي شيابي بالسياره والشياب يملون من قعدة السياره 
ولا يطلع رئيس النوبه قال للمفتش ما تشوف معه شيابه طلعه بدون تعهد ويأخذ 
أغراضها معاه وبيني وبينك كل شي بالواسطه والمعارف تسويه فهمت الحين