أضف سؤال أو موضوع جديد          

مشكلة في الجمس

up 0 down 1
gmctruck 4
قبل 7 سنه و 4 شهر



سلام عليكم 
عندي مشكله فالسياره انها ماتشتغل والبطاريه سليمه والسلف سليم والدينمو سليم 
بس ما اسمع صوت طرمبة البنزين بالعاده اسمع صوت من الطرمبه 
جبت المهندس قال المشكلة من شاكوش الديلكو والبلاتين ابغا اتأكد منكم لأني ما اقتنعت انها تسبب هذي المشكله 

السياره جمس 454 موديل 1995 







إبلاغ إبلاغ



سيارات للبيع

الردود


لعلهم يفيدونكم اهل الخبرة 
بس بغيت طلب ... ممكن تزيدون نقاطي بلايك


up 6 down 2
الصقر2022 1025
قبل 7 سنه و 4 شهر



اذكر مديل الجمس وكم مكينته عشان يقدرون يفيدونك الشباب


up 0 down 0
سعود ابو عبدالعزيز. 31
قبل 7 سنه و 4 شهر



اهلين اخوي
نفس الي صار مع اخوي الكهربائي قال البلاتين ضارب يبغالها بلاتين وطلعت من طرمبه البنزين وغيرناها 
لو كانت ضعيفه او واقفه ماتشتغل السياره
غيرها وريح دماغك


up 1 down 0
احمد شريف 3175
قبل 7 سنه و 4 شهر



السلام عليكم
اخوي الطرمبه لها طريقة فحص تبين اذا كانت تعمل او ضعيفه او عطلانه
خلي الكهربائي يسويها قبل ما تغيرها وتخسرها بدون داعي


up 0 down 0
dub_r-50 443
قبل 7 سنه و 4 شهر



صارت لي قبل يومين تدق سلف وماتشتغل الي سويته
الطرمبه توصل بنزين للبخاخ يعني تشتغل 
غيرت الشاكوش مانفع 
غيرت البلاتين مانفع 
غيرت البخاخ كامل مانفع 
غيرت كتاوت الطرمبه مانفع 
غيرت الكمبيوتر مانفع 
القطع كلها عندي مستعمله افك واربط قلت لازم اشغله 
لانه قبل كان شغال وفيه تفتفه بسيطه وكان في اسلاك مشبكه للبواري الروسي والغيتها ورديت اسلاك بلاده
قلت شكلي الغيت سللك ماس والا كذا 
وفي الاخير اجيب مفتاح البواجي وافك واحد واشوف الا وهو منتهي مره وفك الثاني زيه عرفت المشكله من البواجي 
واغير طقم كامل عند البيت وبسم الله ادق سلف واشتغل 
يعني لو جبت عامل كان اخذ اجرة مشوار وفي الاخير بواجي لاكن تعلمنا شي نستفيد منه 
على فكرة السياره كابرس 90


up 1 down 0
شفرls 201
قبل 7 سنه و 4 شهر



افتح السويج اذا طلع صوت الطرمبة معناته كويسة
واذا مافيه صوت الطرمبة بح



up 1 down 0
باترول 2020 2623
قبل 7 سنه و 4 شهر



اضرب التانكي كذا ضربه قويه وسم بالله ودق سلف وبيشتغل ان شاء الله اذا اشتغل معناه الطرنبه غيرها على طول واكثر خراب الجموس الموديلات ذي الطرمبه وسمعت ناس يركبون طرمبة فكسار اسال عنها لان ماعندي علم كامل عنها


up 0 down 0
ابو عائض 99 22
قبل 7 سنه و 4 شهر



اخوي ضربت الطرمبه اكثر من مره مايفيد 
وابغا اشوف هل للبلاتين والشاكوش حق الديلكو علاقه في المشكله 



up 0 down 0
gmctruck 4
قبل 7 سنه و 4 شهر



شي اكيد الدلكو هو الي يعطي الشرار للبواجي ولو فيه مشكله يعني مافي شرار للبواجي

بس لازم تتاكد من الطرمبه لان فحصها سهل ... في ساعة تقيس ضغط طرمبة البنزين ورخيصه تلاقيها بمحلات العدد

اتوقع 20 ريال الى 30 ... وتلاقي بلف الطرمبه فوق المكينه تابع مواصير البنزين وتشوفها ... انا اقولك هالكلام لان عندي كابرس

قديم ومكينته قريبه للجمس وفيه بلف لضغط الطرمبة .... اذا تاكدت ان الضغط مع فتح السلف حول 40 PSI يعني سليمه 

ووقتها مابقى غير الدلكو تفكه وتشوف وش يحتاج تغيير 


up 0 down 0
abdullah.ags 395
قبل 7 سنه و 4 شهر



الله لايهينكم ي شباب واللي معطي ديس لايك وش وضعه 
واللي عنده حاجه زياده الله لايهينه يكتبها


up 0 down 0
gmctruck 4
قبل 7 سنه و 4 شهر



عندي حاجه زياده
جيب اقرب ميكانيكي ب50ريال يحط بنزين بالبخاخات حتشتغل
من اول دقه يبغالها طرمبه ماشتغلت يبعالها بلاتين
بس الاغلب طرمبه واشتري القلب لحاله لاتشتريها كامله ابدا
وشغل يد من 200لين300


up 0 down 0
احمد شريف 3175
قبل 7 سنه و 4 شهر