هل الاقي حد يجيب لي سيارة مصدومة من امريكا ؟

اتذكر بالموقع واحد يجيب سيارات من امريكا علی الامارات ويصلحوها هناك وتلقی اعلاناته بالمصدوم 

ليش انت شتبي بالمصدومه والسالفج !!

مثل ما تشوف ياغالي اسعارنا غالية وبعضهم عنده سيارة ما تسوى القيمة ولا يبيع .. ناشب عند سعر فوق السعر المستحق خصوصا اني اشوف شي مصدوم والي منقلب 
مثلا : سييرا موديل 2012 غمارة  منقلب ومصلحه راعيه ويقول عليه سوم 67 والحد 75 وله سنة معروض على هالحال

في امريكا لقيت سييرا موديل 2013 غمارة فيه رفرف وكبوت وبعضها باب يمين ورفرف يمين ومقصات يمين .ضربة بعيده عن الشاص واسعارها ما بين 25 الف الى 30 الف ريال 

وعندك سيارات دوج بيك آب اسعار المصدوم منها ممتاز
والفورد بعد الحوض 
انا جبت لي كرايزلر كان سالفج موديل 2008 كنت ابيه للسواق وشريته بـ 17 الف ريال .. وصل للسعودية بـ 30 الف مع ان سعره هنا  لقيته ما بين 55 الى 60 الف 
ولما جبته وفحصته لقيت سالفة ( سالفج ) مدري ليش حطوها ؟ علما ان البدي وكالة مافيه رش والسيارة نظيفة جدا جدا 
الى الأن ما شاءالله تبارك الله مكروفه مع السواق ولا اشتكيت منها والحمدلله
لذلك سيارات امريكا اطلق من استخدام ربعنا .. 
وعموما سياراتي اغلبها الي استخدمتها في 15 سنة الماضية كلها من امريكا قبل ما تجي سالفة منع الموديلات .. ارخض وافضل مواصفات 

اذا على كلامك اتفق معك والله يوفقك

انت لو تروح امريكا وتروح معارض المصدوم ياباب يا رفرف بتاخذه برخيص وصلحه هناك شغل روووعه وهاته هنا 

انا رحت امريكا السنة الماضية ومريت بعض المحلات المتخصصة في الصيانة 
بس بيني وبينك اسعارها شوي غاالية 
اما السيارات المصدومة لقيتها كثير وبعضها صدمات لا تذكر .. لكن يقولون لي انها داخله النظام ويمنع شحنها للسعودية 
هنا البلشة !!
ولو بسمكرها هناك ، نفس المشكلة لأنها تدخل نظام الحاسب الآلي عندهم انها مسمكرة