أضف سؤال أو موضوع جديد          

عذبني مكيف الاكاديا

up 2 down 0
khalaf77 97
قبل 5 سنه و 6 شهر



شريت السياره موديلها 2010   من الحراج وطلع فيها صوت في المحرك وكان الصوت من الجنزير و
احد البساتم وقالو لازم توضيب وكان المكيف شغال بعد ماطلعته من التوضيبب بيومين الكمبرسر فصل ولاعاد المكيف يبرد
فقط هواء بس وماخليت فني ماجيته ولاقدرو يحلون المشكله فحصت كمبيوتر وقالو حساس المكيف وغيرته
ولافيه فايده فريون وعبيته وفيه فني قال فرغ الفريون وعبي من جديد وايضا مافيه فايده علما انه شبك الكمبرسر
مباشر واشتغل وقلت الحل قال اولف لك سلك خارجي تشغل الكمبرسير يدوي .والفحوصات ذي كلفتني واتعبتني وطابت نفسي 
وضبت المكينه قلنا يالله اهم شي يضبط الموتر وانا رجال ابستخدم ماعليه بس طلع لي المكيف وحاسني حوس
من عنده حل لمشكلة المكيف والا قد مرت عليه يعطينا الحل تكفون . انا بالرياض







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الله يكون في عونك وانا اخوك صدقني في النهايه الخراب تلقاه بسيط 
شيك على بلف الكمبروسر وبلف الثلاجه وحساس علبة الفريون 

انا قد حاسني المكيف بريحه معفنه تطلع منه ولا خليت شي وخسرت كثير 
وفي النهايه طلع الخراب البطاريه .

صدقني اني حاس فيك لاني مريت في الشي هذا 


up 1 down 0
وسم 6wasm 1178
قبل 5 سنه و 6 شهر



اخوي عندك فيش في الضفيرة ما هو موصل شكله اللي فك المكينة نسي يوصلع 
نفس حالتك صارت مع سيارة صاحبي بس هو فورد غير المكينة ورحت استلمت السيارة معاه 
وكانت نفس مشكلت وحتى غيرنا الحساس اخر شي طلع في فيش ماهو موصل 


up 3 down 0
bafaba 359
قبل 5 سنه و 6 شهر



انت بنفسك دور حول المكينة وان شاء الله بتحصل الفيش ويمكن يكون راكب ماهو مزبوط 
شيك عليها بنفسك سلك سلك والله يكون بعونك


up 2 down 0
bafaba 359
قبل 5 سنه و 6 شهر



صارت معي بالفورد 
تشوف المكيف مايشتغل ويوم يفحصه الكهربائي 
يشبك سلك بالكبوت ويشتغل ويبرد يعني المكيف سليم
ويفحص الافياش والضفيره ولقى سلك مقطوع 
وشبكه وظبط معي .
واكيد مشكلتك سلك مفصول ولا احد الافياش 
بعد التوضيب لان شي طبيعي لافكيت مكينه 
ينسون بعض الاسلاك لان تلقى همه ان المكينه 
تشتغل ولاشتغلت ينسى الاسلاك اللي ماسواها 
المهم ياترجع للي وضب لك ويأكد على كل الاسلاك
ولا تشوف لك كهربائي فاهم يسويها لك وترا مشكلتك 
بسيطة ويمكن مشكلتك من مفاتيح المكيف ولا فيوز 


up 3 down 0
w.asa 2027
قبل 5 سنه و 6 شهر



السلام عليكم

صارت معي في كيا اوبتيما وظبت جيربوكس وبعد التوظيب ما اشتغل المكيف لفيت اغلب الكهربائيين ماعرفوا له رغم ان فيه فريون والكمبروسر شغال لكن ماتوصله كهرب الين طحت في واحد باكستاني محترف ماشاء الله عليه طلع المشكلة من الكمبيوتر حلها بسيط لكن ماقلي ايش هو يقول اغلبهم كهربائيين لكن نادر تحصل متخصص الكتروني لذلك ابحث عن ناس متخصصه في الكمبيوتر وتصليحه وكذلك الظفيرة تاكد منها


up 3 down 0
yahya alajlani 702
قبل 5 سنه و 6 شهر



خسرت نفسك واخذتها من الحراج قلت سعرها رخيص باخذها  ماتدري انك بتخسر فيها  قيمه وحده نظيفه وترا الاكاديا مو مرغوب زي يوكن وتاهو وقطع غالي  ورخيصه بمعارض بامكانك ماخسرت نفسك وشريت واحد نظيف وريحت راسك لايهمك السعر الرخيص الاهم نظافه الموتر هذا اذا تبي ترتاح 


up 1 down 7
سكودر 14928
قبل 5 سنه و 6 شهر



انا اشتريت كمريسر مستعمل بناء على نصيحة اكثر من 10 محلات تكيف
ولما جيت اركبه
اليماني قال لي من غير ما يفحص الكمبريسر الي جبته ماهو صاحي وقال الكمبريسر الي بالسيارة الاصلي شغال وماهو خربان

استغربت من كلامه لانه مافتح الكبوت ولم يفحص زي غيره

وراهنته على ان ادفع له 500 ريال فقط للغاز المكيف والتشييك

وفعلا

فتح صرة اسفل السيارة ونزل منها زيت المكيف وعبى الكمريسور غاز واشتغل حق الوكالة بتريد ممتاز


up 0 down 0
kafh 3
قبل 2 سنه و 10 شهر



فيش يجي بماصوره الحار حساس الحار ثبته تمام بس



up 0 down 0
خالد1387
قبل 7 شهر و أسبوع



انا صارت معي قبل يومين غيرت زيت وسيفون اكاديا والمكيف كان تمام 

وبارد وماشاء الله ودعست دعيه خفيفه وفصل وجاء حار ورحت للمحلات وقالو لي الحار خربان وبعضهم قالو الكمبرسر والان احترت 

اللي مرت عليه يبلغني بالله هل اشتري مستعمل كمبرسر والا وش الحل عشان مااخسر واتعب على جيت الحر 


up 0 down 0
ابو ريناد30
قبل 3 أسبوع و 5 يوم