أضف سؤال أو موضوع جديد          

الجنوط الصينيه على التاهو واليوكن

up 2 down 2
نيسكافيه 113
قبل 6 سنه و 2 شهر



السلام عليكم.   

هل تنصحون بالجنوط الصينيه لليوكن.  مقاس 20.  علما بان الكفر. جوديير 


لاني كنت مركب اصلي ولكن ضرب على كفر بحفره قويه وسبب طعج للجنط ومضطر اغييره لانه سبب لي رجه قويه
والبديل مالقيت اصلي كل ماالاقي  اصلي يرفضون الل. الاربع. تباع 


ومالقيت غيير. الصبني.   


؟؟؟  نصيحتكم. يااخوان.   







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مع قريبي تاهو 2012

من يوم طلعه من الوكاله ركب عليه جنوط 20 لان اللي معه جنط 17

شرا الجنوط صيني طقم بحوالي 2000 ريال من الدرجات المعتمده اللي يضمنه لك المحل ولو فيه خلل تقدر ترجعه

وركب عليه طقم كفرات امريكي جودير بحوالي 3500 ريال

والحين له 4 سنين ماشي قرابة 100 الف كيلو

وما شاء الله مافيه رجه ولا شيئ

وقبل شهرين مغير كفراته طقم ميشلان

ولا عانا منها وسافر عليها

ولمعة الجنط لا زالت موجوده وتبرق ما شاء الله

والطيس اللي بالوسط ما تقربع نهائيا كانها اصليه

ولون الطيس والجنوط واحد مافيه اختلاف

طبعا نيكل اللي مركبها

بعضها يجي مطفي

لكن هو ركب نيكل ولا زال النيكل يبرق

انت بغيت الافاده من مجرب

وطرحت لك التجربه

موفق عزيزي


up 4 down 1
ابو يزيد 000 8712
قبل 6 سنه و 2 شهر



الله يجزاك. خير وييسر امرك

انا متخوف لكن اشوف السوق الليله والله يكتب اللي فيه خير 


up 0 down 0
نيسكافيه 113
قبل 6 سنه و 2 شهر



اهم شي الضمان لو قلك ب 200 ريال لا تشيله بدون ضمان


up 1 down 0
اابو.عبدالله 429
قبل 6 سنه و 2 شهر



مريت كذا محل واكثرهم بدون ضمان يكتفي بمقولة / اكثر الناس تركب
 وبيني وبينك. محتار خصوصا حساس الكفر بعضها تركب وبعضها تركب بطريقة غلط

عموما. باشؤف كم محل. بعد العصر.    ونشؤف. 


up 0 down 0
نيسكافيه 113
قبل 6 سنه و 2 شهر



يارجال  هذي حياتك
وحياة ابنائك وحياه من هم في الطريق
فركب شي اصلي لو غالي افضل لك
ماتضمن  الصناعة الصينية  تنكسر عليك باي وقت
وفوق هذا يمكن تخسر حياتك او سيارتك
بمجرد  دفع  مبلغ زيادة
نصيحة اصلي


up 4 down 1
المحمد١ 86
قبل 6 سنه و 2 شهر



و عليكم السلام
اقترح عليك اقتراحين
اذا الاستبنة نفس الشكل و المقاس ممكن تركبها و تشتري جنط صيني استبنة
اقتراح ثاني مر الوكالة و شوف كم سعر جنط واحد
و الله يعينك


up 4 down 0
مخاوي الطرقة 394
قبل 6 سنه و 2 شهر



ركب صيني وتوكل على الله انا سبق وركبتها على الفورد ماركيز ومافيها غير العافية بعدين شوف السيارات الصينية كلها صيني من المكينة الى اصغر مسمار في السيارة وماشية زي الحلاوة


up 1 down 4
sabal 581
قبل 6 سنه و 2 شهر



ركب صيني وتوكل على الله انا سبق وركبتها على الفورد ماركيز ومافيها غير العافية بعدين شوف السيارات الصينية كلها صيني من المكينة الى اصغر مسمار في السيارة وماشية زي الحلاوة


up 1 down 0
sabal 581
قبل 6 سنه و 2 شهر



صراحة ماجربت الصيني لكن على كلام مجربينها لو تاكل حفره قوية او تطلع رصيف ينكسر عليك ..


up 2 down 1
azera-2012 -33
قبل 6 سنه و 2 شهر



فعلا اؤيد كلام اخونا ازيرا لو تطيح بحفرة قويةاو رصيف كبير 
ينكسر والاصلي ينطعج 
لكن انزل التشليح افضل بتلقى سيارات جنوطها سليمة وخصوصا
في كشكات بالتشليح تلقى عندهم جنوط فردية يبيعوها 
واحسن وقت الصباح مع كاسة كوفي ولا شاي نعناع معك 
موفق


up 1 down 0
ابو عبدالله احمد 3529
قبل 6 سنه و 2 شهر



بارك الله فيكم. وجزاكم الله خيرا.   مريت اكثر المحلات  كلها صيني ولافي احد اعطاني ضمان 
على سلعته. ماغير واحد اعطاني شهر. لكن تركته وباطلع التشليح. بكره الصبح. والله ييسرها.   


up 1 down 0
نيسكافيه 113
قبل 6 سنه و 2 شهر



وده للمخرطه يمكن يقدرون يضبطونه بدال الخسائر وابحث هنا يمكن تحصل أحد مسوي إعلان أو إعلان لصاحب ورشة أذكر معي فورد قبل وانكسر الجنط من داخل ووديه مخرطه وضبطه لي ب 40 ريال وان ماحصلت وانت رايح للتشليح إنتبه انه أصلي وخذ فاتورة كضمان لو يكون مخطي بالسلعه


up 3 down 0
سلطان_28 269
قبل 6 سنه و 2 شهر



الصيني له انواع خذ اللي عليه ضمان و الصيني الرديء يسبب رجه و ينكسر خصوصا اذا كان جنط 20 و الكفر مو سميك بالكفاية .



up 0 down 0
khalidoo 1167
قبل 6 سنه و 2 شهر



لا ما انصحك بالصيني بحكم انه صيني ! وتعرف سيارة يوكن وسوبر بان ثقليه بالحيل ويمكن يتعفط الكفر بالعربي ابعد عنه 


up 0 down 0
slimansa 30
قبل 6 سنه و 2 شهر