المكيف الخلفي لليوكن
15
3
إضغط هنا للإخفاء
السلام عليكم ورحمة الله وبركاته
والله يسعد اوقاتكم بكل خير ومسرات
انا برمضان صارت لي مشكلة باليوكن قصير 2013 ونزلت عنها موضوع
اللي هي المكيف الخلفي فجأة طفي وما صار يشتغل نهائياً ورحت للجميح
الخدمة السريعة قالوا ما نسويها لازم تاخذ موعد الصباح وشفت الشغلة
بطول وبيني وبينكم ما فيني حيل اطلع على حر الرياض واروح للجميح
وانا في اجازة فمريت الصناعية اللي بمخرج 18 ورحت لواحد يمني وقلتله
الشغلة فقال يمكن فيوز احترق واذا ما كان فيوز فعندك المروحة الخلفية
تعطلت والمشكلة ما تجي لوحدها لازم مع الدينمو المهم قال بفك الديكور
الخلفي ونشوف طبعاً المروحة في الخلف بالجهة اليمين قلتله ياخي مستحيل
تخرب بالسرعة هذي السيارة توها ماشية 60 الف ومحافظ عليها المهم فك الديكور
الخلفي وشغلت المكيف الخلفي برضه ما اشتغل فضربت المروحة بيدي وما شاء الله
اشتغلت على طول وشديت على الافياش وقالي ممكن تخرب عليك في اي وقت فرحت
سألت عنها بقطع الجميح لقيتها 350 والمشكلة موجودة بفرع خريص حبه وحده فقط
وما فيه وقت الحق عليهم بيقفلون رجعت للكهربائي قلت رجع الديكور وحاسبته وقلت
على الله ما دام اشتغلت ان شاء الله ما بتتعطل والحمد لله الى الان شغالة زي اللوز
نصايح.............
اذا عندك خراب لا تروح لورشة وحدة لف كذا ورشة
اذا عندك شغل داخل السيارة خلي العامل يغسل يدينه من الزيوت لانه بيعدم عليك
الديكورات وخاصة البيج ويستخدم اكياس يجلس عليها بدل ما يعدم المراتب لو
تجيبها معك اكياس المغاسل
لا تستعجل وتروح تغير قطعة الا وانت متاكد انها عطلانه وابداً باقل الخسائر
واخيراً حاول تكون موجود عند السيارة وقت فك او تركيب اي قطعة
اعذروني على الاطالة
محبكم ابو خالد
إبلاغ
سيارات للبيع
الردود
ولا تراك اذا فرملة تبي تشوف بطاطس من عند رجلك وحلويات تطلع من عند البريك ويمكن يستفرغ عليك الورع والحاله حاله^^
1
1
0
0
كيف طريقة تشغيل المكيف الخلفي باليوكن مديل ٢٠١٤
1
0
0
0
0
0
0
0
قبل 9 سنه و 3 شهر