ماهو الحل الافضل للمكيف يوكن دينالي امريكي 2003

الأديتر ممكن يحتاج تفكه و تنظفه من الخارج و ترجعه و تعبي ما أديتر أصلي + ماء مقطر.

ليش؟؟ لأنه مع الوقت الغبار يتجمع على الأديتر و تتسكر الشرائح حقته ولا يسمح بمرور الهواء للتبريد.

إذا الأديتر مويته مصديه، لازم تصييخ.
بالتوفيق

مشكلتك معروفه من 2000 الى 2004 بسبب ان المراوح سير وليست كهرباء...

انا معي 2003 واشتكي منه والسبب وي ماقلت....

اذا تبي تتاكد ان كلامي صح وانت واقف في الزحمه بتشوف الحراره ارتفعت عن النص بشرطه خلك ضاغط ع البنزين وخلي RPM ثابت ع واحد او اكثر شوي وراح تلاحظ ان الحراره بتنزل للطبيعي والمكيف بيبرد...



الحل ترهيم مروحه كهرباء اضافيه وتنتهي المشكله

الشغلة هذه سويتها قبل كم يوم بس السيارة ما عندها الا مروحة واحدة  حقت المكينة فقط 

ووين القا افضل ورشة يرهملي مروحة في الدمام 

ووش افضل مروحة مثلا حق اي سيارة 

دائما إبدأ بالحل الأسهل و هو تنظيف الأديتر.

^^^ الاخ asalami عطاك المفيد



كان عندي جمس مروحه كلتش في المكينه واذا وقفت او هديت المكيف يصير حار والحراره ترتفع بسيط

وجربت كل الحلول نضفت الاديتر وركبت مروحه خارجيه

وكلها عقيمه

ولانفع الاتغيير المروحه بكهرباء

وافضل محل لك بالدمام ( البتار ) شغل وكاله ويركب كتاوت خاص واذا بغيت ترجع مروحه الوكاله تقدر ترجعها

موقعه النفق بجانب الرمايه والمقناص مقابل مسجد الفرقان

+1 لايك للجميع

اهلا




تحتاج ترهم مراوح كهربائية

انا عندي التاهو 04 مركب لها مروحه صغيره كانت مرهمه في سيارتي القديمه ( شروكي 93 )

وصار المكيف بارد و ما يحتر في الوقوف

ولها شهر من تعطلت وزاد عليها ان حتى المروحه الاصلية اخترب الكلتش وصارت حركتها بطيئة

ومنها صارت السيارة ترفع حرارة ادا اوقف والمكيف ما يبرد الا وانا ماشي


رحت لورشة وقلت الغي المروحة الكلتش ( الميكانيكية ) و ركب مراوح تاهو 08

قال لي ان دينو الشارج ( التعبئة ) ما تتحمل كهربة المراوح و المكيف سوا


وتركتها لي شهر امشي بها كدا

قلت خلاص بعد العيد بشتري كلتش للمروحه و بشوف مروحه سوباروا ادا تركب بين الاديتر ( الرديتر ) و الشبك

نصيحتي لك

يا انك تركب شغل مضبوط ومروحه اصليه وقويه

ولا لا تتعب نفسك انا مجرب مروحه ماليزيه مالها داعي مثل عدمها

والمروحه اما تشبك لها حساس في الكوع او تخليها تشتغل مع المكيف

لا تسوي لها فاصل يدوي

اخيراً لقيت موضوع يتكلم عن اليوكن من 2002 الى 2006


يالربع انا بشتري يوكن من 2003 الى 2005 وما اعرف وش الافضل  في موديلاتها  هل اخذ دينالي    او  يوكن عادي 

لأني بأستورد واحد من امريكا ومثل منتم عارفين كل مازاد الموديل يزيد السعر   ف وش افضل موديل  ومواصفات معينه ؟

والله معنا 2001 وارد الجميح ماشاء الله صافق الحين 368 في هالحدود ولا قد اشتكينا من مروحته ابد ولله الحمد ومكيفه ثلج حتى لو يوقف في الزحمة ساعة

داومت عليه حدود اسبوع قبل رمضان كان موتري في التلميع ويوقف في زحمة المعلق حدود نص ساعة والطريق الخ .... ولله الحمد بارد وافره عن وجهي ماشاء الله تبارك الله


انا من رايي ما تستعجل في الترهيم شيك على الخراطيش نظف الرديتر غير الموية اصلية ترى بعض الناس يستحقر الشغلة هذي ويعتقد انها ماتسوي شي ، يعني وش فايدة المروحة الاضافية اذا كان الرديتر ناقص ولا يهرب بزيادة ولا مويته وسخه ومسدده المجرى


ايضا شيك على مروحة الوكالة اذا هي سليمة ولا لا وبعدين فكر في الترهيم


يعني فيه جموس واجد وارد امريكا ودينالي مارهموا له وش معنى موترك بيختلف عنهم اكيد فيه مشكلة وتقدر تلقى لها حل وتخليه شد بلد

ب النسبه للمراوح الكلتش يمكن كلتش المروحه خربان غيره لكن اذا كان موعرك دورة المويه فيه تمام 
م نفع ركب مراوح من عند بتار لترهيم السيارات شغلهم مضبوط ورمب مراوح يوكن ٢٠٠٥ او ٢٠٠٦ او حتى ٢٠١٤ تركب بس انا مركب مراوح سوبارو 

الدينمو بينزل قوة شوي تخت الا ١٤ لان مو مبرمج يكون فيه سحب كهرب للمراوح لان مراوحه كلتش ف غير بدينمو ٢٠٠٥ او ٢٠٠٦