اف جي ولا سييرا

اذا انك شراي ومنت بياع بعد سنه او سنتين خذلك سيرا هيبه ومطنوخ ورهب وفخم 
واذا منت ضامن انك ما تبيعه اشتري الاف جي لانه يمسك سعره  
..........
لو مكانك سيرا بدون تردد

اشتري السيارة اللي بخاطرك 

حرام تدفع أكثر من 100 الف و تشتري شي مش في خاطرك


بالنسبة لي أفضل الجمس بشكل عام على تويوتا و الأمريكي على الياباني 

تحياتي 

مقارنة لسيارتين من فئتين مختلفتين تماماً ، الاف جي سيارة جيب والسييرا سيارة ونيت كبيرة 

طبعاً الاف اجي أحسن في البر والأماكن الوعرة ، والسييرا أفضل للخطوط وكذلك الاستعمال الشخصي والتحميل . 

ارشح لك اف جي
صراحه تفاجئت في راحتها
واسعه من داخل وخدومه
مشكلتها ازعاج الهوا بسبب عدم الانسيابيه

بالنسبه للسييرا
مريح لكن لا تاخذ غماره ماتاخذ راحتك في المرتبه
خذ غمارتين او غماره ونص

المقارنه ماهي صحيحه كل سياره من مستوى مختلف

انصحك بالسييرا

ممكن السيارة تعيش معي ٥ سنين او اكثر .. ماعندي نيه بيع قريبه 
انا مقتنع بالسييرا ، لكن لانها غماره متردد 

الموتر اللي يعجبك جربه واسال مستخدميه فقط واشتره علشان لا تندم  دام السييرا عاجبك خذه   انا عاجبني الاف جي اكثر لو بانصحك باعطيك مميزاته واتجاهل عيوبه لانه افضل موتر عندي بعد الباترول الفتك والبلاتينيوم 

خذ لك سييرا او شوف النوتر الي ترتاح له وعلى حسب استخدامك

لو انت هواوي وراعي بر خذلك الاف جي ولو انت راعي خط وماحد يركب معك كثير . خذلك السييرا .. 

الامريكي يعيش بس اذا حافظت على صيانته و أقصد السييرا
أما التويوتا يعيش معك حتى بدون صيانة

لا والله خذ افجي .. اما غماره ضيق وحشر ولافيه مجال تريح

شف السييرا قوة وراحة وعزل وثبات فالخط عكس الافجي تماما ازعاج ومافيه رساوة وبالنسبة للبر ترا الامريكي دبله اقوى من الياباني لكن ترتفع حرارته بسرعه لكن نصيحة لوجه الله سييرا شرط انك عزوبي ومامعك اهلك 

في سيارة صغيرة للعايلة ، السيارة اكثر الوقت لحالي او معي واحد 

مع اني احب السييرا لاكن في ذي المقارنه خذ الاف جي 

وكانك تبي الطرب خذ قير عادي بس بالخط السييرا احسن

مع انه اقسى لانه ونيت بس مكينته مريحه 

اغلب الي يشترون سييرا ولا اي ونيت امريكي يبيعونه بعد سنة
والسبب اغلبهم يمل منه ومن قساوته وحجمه وضيقه اذا غماره 

الونيت الامريكي مريح لكنه قاسي مع المطبات وخاصة الفورد F150
لكنه مع الطريق والمطبات الخفيفه مقبول

باستثناء الرام فهو الي اقدر اقول انه مريح


السييرا زين للي مقتنع فيه ويبيه 
ويستخدمه استخدام الونيت "يعني يحمل عليه ولا يسحب" مع استخدامه اليومي

أما الي بيشتري ونيت امريكي عشان شكله وعشان يفرفر عليه وهذا الغالب في الشباب يمل منه 
عيوب الونيت الامريكي كثيره اهمها :

حجمه كبير
ثقيل طينه في البر "الطعوس" وكثير التعليق خاصة الغمارتين اضافة لوزنه العالي مقارنه بالجيب
قاسي مع المطناج 
انعدام للانسيابيه بشكل ملاحظ خاصة في الخطوط وتأثير الهوا واضح على السرعات العالية 

اذا انت مقتنع بالسييرا خذه
اذا تبيه عشان شكله وقوته بس تراك بتمل منه !

موفق

هو اكيد احلى شكل من الاف جي واكثر هيبه واقوى عزم 8 سلندر دفع خلفي واريح واحلى داخلية واكيد احلى سواقة
بس مشكلة الغمارة اذا يمكن احيان تحتاج تركب معك احد كذا وموتر فوق ال100 الف ولا يركب الا اثنين واحيان يتضايقون .
والاف جي بعد ضيق تراه مامن وسع ركبته مره في الوكالة بس ماعليه على الاقل يعتبر غمارة ونص
لكن اذا شفت السيير مناسبك ك"غمارة" فاكيد اخذه هو لانه احسن من الاف جي واحلى شكل ولا يبغى لها تفكير.
عني انا لو اشتري سييرا غمارتين وهي تختلف حسب استخدام الواحد من شخص الى شخص.

ببساطة 
تبي تبي كشتات وتطعيس خذ الإف جي 
تبي موتر حق تحميل وتنزيل وشكل حلو خذ سييرا 

وعلى طاري التطعيس 
انا وأخوياي معنا جيوب اف جي وفتك و ربع  وجمس سييرا 
و فورد اف ١٥٠ 

بقلك الصراحة دايم خاوينا راعي السييرا يوقف ينتظر زيت القير يبرد 
وقبل فترة مغير قيره والموديل ١١

الإف ١٥٠ افضل منه ماترتفع بسرعة تطول 
الإف جي ماترتفع الا اذا شغلت الديف لوك 
وطولت تطلعلك بس ماتشتغل على الدبل الخفيف 
واللي ما يعرفها علامة at/oil

انصحك اف جي 

اريح من السييرا وارسى  و سواقته ممتعه و روحه خفيفه  واقوى دبلات 

السييرا مطبه قويه و مو مريح بحكم انه شاحنه للتحميل 

اذا انك راعي تحميل و طلعات للنفود خفيفه خذ سييرا  واذا لا اف جي وانت مغمض