ما هي افضل طريقة لنزول المنحدرات في يوكن 2015

النزول خلك على 3 و 2
الطلوع 3 و 2 و مع الدبل الخفيف

هههههههههه اما مع دبل

يا صاحب الموضوع ما حددت السرعه

و اي منحدرات

انا انزل مع الهدا بالثالث والرابع حتى أسفل الهدا

مع الثالث .. وعيششششش الجوؤ اناا مع الهدا انزل واوصل السرعه 140 هههههههه ماشاء  الله

مادري اليوكن الجديد فيه نظام النزول مع المنحدرات زي اللكزس و الباترول وسيارات كثيره،،

ميزته يستشعر نزول المركبه وبمجرد الضغط ع الفرامل تلاقي القير رجعه لنمره يمسك السياره مثلاً كانت في الرابع ترحع الثالث وتمسك عليه الى ان ترجع تدعس بنزين وتفك النمره معاك،،

اذا مو متوفر هالنظام الافضل انك تنزل القير نمره وحده من العصا اذا كان النزول خفيف وكلما زاد ترجع نمره اثقل نسبة وتناسب والدبل مايستخدم الا بالسرعات الخفيفه ،،،

الدبل الخفيف ماتتعدى ٨٠ كيلو 
الثقيل ما تتعدى ٣٠-٤٠ كيلو ،، ولاتمشي فيه فتره طويله،،

قبل فترة نازل عقبة ضلع و معشق على 2 و رغم ذلك السرعة تجاوزت 80 كيلو و المصيبه يوجد ساهر يصيدك لو تجاوزت 
60 كيلو .. شكلهم يبونا نفرمل لين تنعدم الفرامل ثم يصير حادث على العقبة 

عندك دبل ليش ما تشغلة أنا لو عندي جيب
كل شوي رح أشغل الدبل حتى لو أني مو في بر منها تمرين له ما يجيم و منها تخفيف الضغط عن الدفرنس الخلفي

وياكثر الجموس إلي خبطت قيورها بعد العقبات و الطلعات الشديدة بسبب الضغط الشديد على القير

من تجربة .. الجموس ما تمسك بشكل جيد في النزول حتى لو حطيت في الأول !! خاصة في العقبات القوية زي الصماء وسنان وبرمة في الجنوب إلخ
((ملاحظة : مو حتى الجموس كثير سيارات تدحدر زي الاكسبدشن و سيارات السيدان لأن قيورها مصممة لغرض معين وهو الراحة ونعومة التعشيق ، أما سيارات الدفع الرباعي والوانيتات فمصممة للمنحدرات و التحميل إلخ ))
لكن بعض العقبات السهلة مثل الهدا في الطائف .. عشق القير مثلاً على الثالث وأمورك طيبة ..

وبالنسبة للفرملة حاول انك ما تبقى ضاغط على الفرامل طول الوقت ، هد عن الحاجة مثلاً عند منعطف أو إذا أسرعت السيارة بشكل أكبر
وارفع رجلك عن الفرامل كل فترة أو عند عدم الحاجة عشان تبرد وما تسخن عليك

وياما ناس عندنا في الجنوب ماتوا في العقبات بسبب عدم النزول بطريقة صحيحة !

الطلوع أمره هين إن شاء الله ، حاول تبقى على تعشيقه ثابتة ولا تستخدم الـ D لأنه ممكن يعشق القير تعشيقه غلط ويضعف العزم فتضطر تدعس ويعشق كل فترة
وكذا بتزيد حرارة القير .. فالأفضل تطلع على القير 2 أو 1 في العقبات القوية

وهذا من تجربة ..

سويت موضوع عن هذا الشيء هنا بشكل مرتب أكثر من هنا :
http://www.adslgate.com/dsl/showthread.php?t=2121715

بالنسبة للدبل فما جربته في الجمس أو ما شابهه للأسف ..

الحل جنب وانزل على رجولك وكذلك في الصعود  وريح السياره وريح نفسك 

فيه نظام موجود فيه وهو ( الفرمله على منحدر ) اذا دعست على الفرمل وطول المنحدر يشتغل النظام ويستخدم نمره ثقيله والموتر
يعض الارض وطريقه تنشيطه اضغط مطولا على  الزر الموجود في عصا القير اللي عليه رسمة مقطوره اضغط وعلق عليه
شوي تطلع بالشاشه  عندك تشغيل او اطفاء  الفرمله على المنحدر والنظام هذا حاطينه اذا كنت تسحب مقطوره وطبيت في منحدرات 
يستخدم الموتر القير والمكينه زياده في الفرمله عشان تسيطر على السياره والشي هذا جربته
اذا المنحدر شديد جدا مع لفات شغل الدبل على اوتوماتيك واشر على الفرامل