مشكلة في قير الجمس

النتعه بقير وثقل بتعشيق هذي اسبابها كثيره ممكن موقف السياره بدحديره وماسحبت هندل بريك سياره تتكي على القير 

ممكن الدعسه الكهربائيه او مكينه تحتاج تصفيه  حساس تنتع بقير  ممكن حساس بقير ممكن زيت القير او برمجه  الافضل تفحص القير واحد متخصص بقيور 

اول شي جرب تفصل البطارية وترجع تشبكها 
اذا ما ضبط 

شيك على زيت القير وزيت الدفرنس 
باْذن الله يكون مافيه شي 
لو فيه نقص زيده بس يكون زيت اصلي 
بالبيد للدفرنس 
و اي سي ديلكو للقير 
طبعا أسباب نقص زيت القير و الدفرنس غالبا بسبب 
الصوّف بالقير او الرمانات بالدفرنس وإذا فيه دبل شيك 

اذا مافي لا تهريبات ولا شي شوف الزيت حق القير 
يمكن معدوم فيه رايش كثير ولا لا وتعرفه من ريحته 
تجي قويه اذا سحبت المعيار 
اذا فيه ريحه معناته يبغاله فلتر قير جديد 

اخر شي اذا ما ضبط معاك روح لورشة فأهمه 
وقولهم عن المشكلة بس انتبه لا يضحكون عليك 
خراب القير قد يكون بسبب فيوزه ضارب ولا هو خراب 
أصلا يتغير الفيوز يرجع القير زي ماكان
وقد يكون بسبب خراب احد الكلتشات 

والدعس الفجائي اكبر سبب لخراب القير والدفرنس 
وكمان الانتقل من r آلى d والسيارة تمشي 
وعندك الوقوف على طلعه او نزلة بدون استخدام البريك




افضل مافي الجمس انه يُبين لك حرارة زيت القير وهذي 
ميزه ومايهون الفورد والشفر الموديلات الحديثة توفر الميزه 
هذي 

أسف على الكلمات العربية والعامية اللي مي مرتبه 
والسبب بكتب من الجوال 

كيف اعرف حرارة زيت القير؟

عندنا بالبيت فورد ماشي 112 الف وجاني السواق وقال ات القير فيه مثل الفضاوه يعني لما احطه D وامشي تحس يتأخر ما يلقم ،، رحت واشتريت فلتر و وجه الكرتيير وزيت القير كلها من الوكاله وغيرته بورشه وخذا 80 ريال شغل يد ،،، بعدها ما شاء الله رجع طبيعي جرب بالأشياء البسيطه وان شاء الله يضبط موترك

كم ماشي موترك ياخوي وهل راعيها الاول جاب طاري زيت القير انه غيره او شي ؟ 

الموتر شريته ماشي 45 الف وفحصت القير والمكينة وكل شي وما طلع فيه شي

المشكله اخوي في موتر في الثروتل اللي هي معروفه بالورش باسم البوابه او الدعيه اذا منزعج من المشكله غيرها وافتك وممكن تنظيفها واعاده برمجتها لكن انا بصفه شخصيه افضل تغيرها وترجع السياره وكاله باذن الله تعالى لانها هي سبب في كثير من اعطال السياره اما القير شييك ع زيته ولاتقربه نهائياً لان المشكله مو فيه هو المشكله في الثروتل وسلامتك

يا الطيب اذا مفتاح السيارة ماهو الاصلي ينتع القير يمكن برمجة المحلات تختلف عن الوكاله انا قصيت مفتاح من محل مفاتيح ويقول برمجته حطه في السويتش وولع بس لا تشغل  دقيقة وسويتها  وبعد ما شغلت مشيت والقير كل تبديلاته تنتع رجعت المفتاح الاصلي رجع طبيعي تأكد من المفتاح حق الوكاله او مقصوص عليه

السلام عليكم أنا عندي مشكله جمس سلفرادو كان يمشي ووقف عند بقاله والسيارة تشتغل رحت ورجع السيارة ماعد تعشق القصير يتحرك اما الاعلامات P      N.   Dكلها ماتعشك معلك على P تكفون الي عنده علم يفيد