أضف سؤال أو موضوع جديد          

استشارة بخصوص تركيب مبرد قير للسييرا HD

up 3 down 2
خالد ندى 264
قبل 5 سنه و 6 شهر



السلام عليكم ورحمة الله وبركاته. تقبل الله منا ومنكم صالح الأعمال.  وجعلنا الله وإياكم من المقبولين 
استفساري ياشباب للي ركبو مبرد قير للجموس اقصد المبرد الكبير .
هل هو يتحمل دعس وظغط لأني دايم خطوط وبر 
الشي الثاني كم ينزل درجة الحرارة  يعني اللي معي الظهر مع المكيف  يصل 90 مع زحمة الرياض
لو اركبه كم تنزل الحرارة
واخيرا  ودي اسمع آراء الاخوة اللي ركبو مبرد القير ومرئياتهم  وملاحظاتهم 
الف شكر للجميع☆☆☆







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته

المبرد الكبير حسب علمي ينزل حوالي 30% من الحرارة 

اقصد المبرد اللي يجي فيه مروحه لان فيه مبردات تجي فيها مروحه صغيرة راكبه عليه

يعني لو كانت عندك 90 تصبح حوالي 63 تقريبا 

ولكن حتى 90 ما تعتبر شيء مخيف طالما هي تحت 100 فهي طبيعية للقير

والافضل اكيد انها تنزل اكثر 


up 3 down 0
ابراهيم التركـي 1067
قبل 5 سنه و 6 شهر



يفيد لكن مو بنسبه عاليه اهم شي لاتفصله من الرديتر 

الافضل يطلع الزيت من القير الى رديتر الوكاله ومن رديتر والوكاله الى المبرد الخارجي ومن المبرد الى القير 

يعني اول شي يبرد بالماء بعدين يبرد بالهواء ويرجع للقير 

وفيه مبردات تجي مع مروحه تفيد في الزحام في البلد اذا حصلت منها خذها 

موفق 


up 2 down 0
abdulaziz al-malki 982
قبل 5 سنه و 6 شهر



واحب ازيد افضل يكون المبرد شاريحه تكتسب الهواء ويكون المنيو لن الالمنيو مايجذب الحراره كثير ابو مروحه كويس وجيد 

بس المبرد العادي نوع هايدن الي يركبونه ورشه ترايستار وجربوكس  مايعطي تبريد كفايه يعطي نسبه بسيطه لن الهواء الحين الخارجي حار والاجواء حاره ويهف الهواء على مبرد ويكون هواء حار مايعطي كفاءه لتبريد لكن وقت الشتاء يفيدك اكثر 


up 2 down 1
سكودر 14927
قبل 5 سنه و 6 شهر



طيب يتحمل نفود وتدعيس


up 0 down 0
خالد ندى 264
قبل 5 سنه و 6 شهر



لأن حسب علمي لازم تتغير الليات 



up 0 down 0
خالد ندى 264
قبل 5 سنه و 6 شهر



بما انك قلت تطعس  الطعوس والبر وانت تلاحض الشي هذا مايجي الى وقت الامطار والاجواء الكويسه  البارده حتى الاجواء البارده ومع الضغط وتطعيس يرفع حراره القير فمابالك بالاجواء الحاره ماتلاحض ان اغلب الي يطعسون يطعس ويروح يفك كبوت السياره ولا يفك كبوت خصوصن السيارات المعدله   وزي ماقلنا لك الاجواء تلعب دور ولا ليه انت تقول بركب مبرد قير 

بتقول فيه ناس تطعس بقولك ايه فيه  لكن تحصل موتره قير عادي وقير العادي معروف انه يتحمل الحراره والمشقه  مع ان مافيه احد يعطس على قولتك خصوصن والاجواء عندنا الحين توصل الى 45 درجه  او الى 50 درجه حراره الجو 

والمكينه لا تنسى ان المكينه لها اثر كبير بحراره  انت لاتحسب انك اذا ركبت مبرد قير خلاص بتطعس  المبرد القير زي ماقلنا لك نسبه بسيطه في تبريد القير ويعطي القير تبريد افضل  لكن انك تركبه وتروح تطعس  بتطعس بس اذا طولت عليها  بيحتر القير لن القير ينضغط   لكن وقت الشتاء ينفعك المبرد اهم شي يكون مبرد كبير لن سياره زي جمس كبيره ويكون فيه عداد يقيس لك حراره القير    فهمت ولا اعيد 


up 2 down 0
سكودر 14927
قبل 5 سنه و 6 شهر



كلامك سليم☆
 اللي لاحظته ان عزم الموتر والقير بارد انشط بكثير من عزم الموتر وحرارة القير على 90 درجة مئوية يعني لو اركب المبرد بينزل الحرارة معي  واذا نزلت الحرارة تحسن أداء القير لو شيء بسيط  لكني الاحظ عزم الموتر الظهر يختلف عن الليل او الفجر بأختصار مبرد القير له دخل بالعزم  
ولايك للكل 


up 0 down 0
خالد ندى 264
قبل 5 سنه و 6 شهر



اعرف واحد مبدع بحكاية مبردات الجمس ولو افيدك واعطيك ارقامهم تعالي واتس ٠٥٣٣٩٩٧٧٥٠


up 1 down 0
jeddah123123 156
قبل 5 سنه و 6 شهر



تسلم ياالطيب براسلك


up 0 down 0
خالد ندى 264
قبل 5 سنه و 6 شهر



اسمع يبو اذا بتتركب مبرد ركب مبرد كبير مره لان في بسوق مبردات صغيره تقل علبت كبريت مامنها فايده دور كبير مره ولارح موقع امازون ولااطلبها من برا بس اهم شي لاتركب صغير تخسر قروش علا الفاضي


up 0 down 0
مراجل 194
قبل 5 سنه و 6 شهر



يارجال ركب وانت مغمض اذا تبي تحافظ على القير 

راسلني اذا تبي اضيفك بقروب للجموس


up 0 down 0
ابوعز.. 45
قبل 5 سنه و 6 شهر



صباح الخير طيب الطائف فيه مبرد قير خارجي يبيعونه


up 0 down 0
أبو عبدالله الاكلبي
قبل سنه و 7 شهر