النعاس وقت السفر نصيحة لا تقاوم النعاس

جزاك الله خيرر وفعلا كل مطرود ملحووق ومابعد الروح روح

على حسب الجو الي انت فيه يعني اذا كنت لحالك وطفشان اكيد بيجيك النوم اما اذا معك اخوياك او اخوانك وسوالف وضحك والله ما يجيك النوم واسأل المجرب مسكت خط وانا مواصل ولا جاني النوم 

واحد من الشباب يكذب علينا يقول انا ماسافر الى اصبح بدري لان طريق الدمام الرياض فاضي

وقت الدوامات المهم يقول الخط فاضي ولاجاني النوم اسوي تحديد مسار وثبت السرعه وفيه شي 

نسيت اسمه يقول اذا فيه سياره او شي قدامي قبل نص كيلو يدق جرس انذار والسياره ماتطلع عن المسار

حتى لو فيه لفات تسوق نفسها السياره هههههههههههههه يعني تلف لحالها 

وانا احط راسي ونوم من يوم اطلع من الدمام لين اوصل الرياض اذا الخط فاضي ههههههههههه

انا والله ماصدقته ههههههههههههههه المشكله قلتله انت كذاب قال انا اوريك وركبت معه صراحه شغل 

نظام عنده سارت السياره ماتطلع من المسار هي تلف لحالها واذا فيه شي قدام يطلع صوت انذار

انا ماعرف وش الزبده صراحه سارت السيارات فيها تكنلوجيا هههههههههه لحد الان مادخلت راسي !!!

ايه يا alsharif 515  سيارات  كثير فيها مثل هاذي الخاصية مثل المرسيدس و الجنسيس الجديد
و اسم مثبت السرعة الذكي 
و اللي ما يطلعك من المسار اسمه نظام الثبات على المسار 

كنت قبل الزواج من زوود التعب انعس لدرجة يوم من الايام نمت بعقبة ضلع بالجنوب
 يمكن ثلاث مررات في كل تبريدة انام شوي واقول خلاص اللحين ميه ميه
امشي شوي الا احس براسي بيطيح قدامي من قوة النوم وارجع اوقف في ثاني تبريدة 
وعلى ذا الحال ...
واذا على خط طويل وطالع من عملي اوقف اكثر من مرره امسح وجهي بمويا بارد اتنشط شوي 

ولكن كان كل هذا قبل الزواج ..
ولله الحمد الان اذا كان نعسان وخلصت عملي لزوم اغطها نووم لين اصحصح عدل وامشي بالخط مروق 

نصيحه ياخوان اغلب اللي نعسان يقول خلني اسرع عشان يطير النوم 
بالعكس شوي وتسطل ماتحس بشيء الا قدك خارج الخط 

نام لك ساعتين وتمشي مروق 
...حفظ الله الجميع من كل مكروه ..

والله لا نعست في الخط أقرب محطه وارخي المقعده واسحبها نومه واحيان يصحيني عامل المحطه واحيان من اشخاص يحسبوني ميت

صراحة اذا كنت نعسان وقف واشرب لك قارورة ماء ابو نص وخذ غفوه من ٢٥ - ٤٠ دقيقه يرجع لك نشاط لكن اكيد اذا كنت لحالك وهدوء اكيد بتنعس لكن افضل شي شغل قران او شي اسمعه وحاول تشرب او تاكل اشياء خفيفه هذي تطير النوم 

لازم اذ كان الخط طويل مثل الرياض مكه تريح اذ حسيت بنعاس وخذلك علك بيخليك تصحصح وماء ينشط المخ

خذ لك فصفص وقهوة امريكي والله تنسى النوم ولو لك مواصل يومين 

اللي عنده نيه للسفر ينام قبل يسافر يسحبها نوم وبعدين يقوم ويسافر

السلام عليكم بالنسبة لي قبل السفر لازم اشبع نوم وبس امسك الخط اقرب كوفي شوب اخذ سبريسو تصحصح وانا جا النعاس ماباليد حيله اقرب محطه اخذ لي غرفه وان ماحصلت وقفت السياره بمكان امن بعد ما امنها وارقد بالكرسي الخلفي ساعه وانا مصحصح اغسل واتوكل على الله

انشهد وربي انك صادق

انا اوقف عند اقرب محطة واروح للكوفي اللي فيها واطلب دبل اسبيريسو واقول للعامل انا قبل شوي بغيت اسوي حادث ، ضبط لي الاسبيريسو ماابي انام ، ومايجيني نوم