هواء مكيف السياره ضعيف

نظف فلتر المكيف او غيرو تلقاه مغبر 
وبعدين فك الثلاجة

مثل ماقال ابو أماني ... جرب بالسهل الفلتر ثم شوف الثلاجة

صارت معاي نفس مشكلتك قبل كم سنه
,, وفعلا رحت لكهربائي أبغير شمعات للنور وقلت له عن المشكله كنت أحسب إنها عطل كهربائي فقال لي لا ,, هذا أكيد فلتر المكيف وفعلا أول ما فك الفلتر صار الهوا قوي مره وخذيت الفلتر ووديته لمغسلة سيارات ونفخوه بماطور الهوا وطلع غبار من كثره استحيت من الناس اللي موجودين بالمغسله .. المهم نظفت الفلتر وغرقته بعطر ورجعت ركبته وضبط المكيف وصارت ريحته حلوه .. معليش عالإطاله بس حبيت أقول التجربة والسياره طبعا سوناتا 2008

السوناتا غير والجمس غير

الجمس القديم ما اعتقد فيه فلتر تأكد فيه فلتر او مافيه 

لو مافيه لازم تنظف المروحه نفسها وهي شكلها اسطواني تحصلها وسخه

جمسنا 2001 توني مغير فلتره قبل امس السبت ، طبعاً يوم تجي الغبره القوية اللي قبل كم اسبوع كان الوالد طالع عليه الشرقية وصار الموتر من جوا طعوس كله رمل والمكيف بدأ يضعف دفعه


قالي ابوي وش السالفة قلت هذا فلتر المكيف ، ورحت غيرته هو طبعاً يجي فلترين ورا بعض وغيرته الحين ماشاء الله اطقه على واحد ودفعه قوي

ومن 2003 ماعاد جاء فيه فلتر على حسب كلام قطع الغيار

بس مدري 98 فيه فلتر ولا لا لكن ضنتي فيه

بالتوفيق

ماعندك الا تتأكد تفك الدرج الي عند الراكب الي على الطبلون وشوف في فلتر ولا لا لاني اعرف السيارات الكبيرة ما يحطون فيها فلتر وروح غسل الثلاجة لو مافي فلتر لو مشيت عليه والمروحة اعلى شيءراح تنخرب المروحة وقطع السوبر بان غالية في بعض المحلات يغسلون الثلاجة بدون ما يفكوا الثلاجة رخيص جرب لوكان المشكلة منها بعدها طلع وغسل الثلاجة

فكيت الدرج ومافي مكان للفتر 
بحاول انظف الثلاجه