تحديث بعض الأخطاء من اعضاء حراج

وعليكم السلام ....

دفع العمولة ماهو مقياس على صدق الشخص بعضهم يستغلها عشان يلعب على الناس واغلب الشريطية كذا ويقولك لابراء الذمة العمولة على المشتري بكل وقاحة وهو قرا الشروط !

موضوعك يجيب اللحسة يا صاحبي 
رتب الموضع عشان الواحد يقدر يفهم 
ما يشجع ابدا للقراءة 

مع أطيب تحياتي وتقدريري،،،

اتفق مع بنز لوفر

وقلتها قبل
لايغرك انضباط التاجر والتقييمات اللي ماخذها
بعضهم يستغلها في النصب والاحتيال ويستغل ثقة الناس فيه

يعني ما تنصحون إننا نقيم البائع اللي شفناه يستحق التقييم ؟!؟!
أنا تعاملت مع بائع قبل فترة لشراء اللصقات العجيبة اللي تلصق بأي مكان مصقول ويلصق عليها الجوال أو أي شي مصقول.
اتصلت به وكنت بأطلع من الرياض وهو في شمال الرياض ساكن، قلت له بأرجع للرياض آخذهن منك، الرجل قال لي وقف على الطريق الدائري، وهو طلع من بيته وجابهن لي عدد 5 حبات بس، ولاقيته رجال كبير في الأربعينيات يمكن وأخلاق رائعة وتواضع كبير حتى لي وأنا أصغر منه، وأمين وحريص يوم جينا نمشي كنت حاطهن على كبوت السيارة ذكرني بهن قال لا تنساهن وتمشي.

ولأن سعره هو الأرخص على الإطلاق يبيع الحبة بـ 6 ريال وغيره يبيعونها من 8 - 20 ريال للحبة، شفت إنه يستحق بجداره التقييم.

http://haraj.com.sa/users/ali.80

^^^ انا قيمت ناس واجد سبق التعامل معهم وهي تقييم من باب الامانة اذا كويس قول كويس سئ قيمه انه سئ مافيها شي 

وعليكم السلام ورحمة الله وبركاته

يا أخي أزحمتو المنتدى بذي المواضيع وبنفس الكلام

ترا الي يسوو ذي الحركات كلهم عارفين الكلام الي تقوله مافي شي جديد ! مثل الي ما يصلي وعارف انه بيتحاسب؟

كلهم عارفين يعني كلامك ذا ما راح يغير شي 

وليد الدخيل
احنا ما نقول لاتقيم البائع 

احنا نبي نصل الى شي اسمه الحذر ثم الحذر
ياخي كنت اتابع ملفات جرائم وطلعو بعض الاطباء مستغلين صلاحيات عملهم 
لدرجة انه فيه طبيب استخدم ماده خطيره تحقنها فالجسسم تخدر الشخص لحد مايموتوبعدها تختفي الماده من الجسم ومايعرفون هذا الشخص كيف مات

فهذا طبيب عطوه ثقه وشوف وش سوا فزوجته قتلها
هذا مثال بسيط لانعدام الثقه سواء فالتجاره او لا

الطمع احيانا يعمي النفوس
الواحد يكون حذر مهما كانت الاسباب
هذا احد المعارض المشهورين واصحاب الثقه لعب على العضو ابو يزيد وقله مافيه اللون اللي كان يبيه ابو يزيد

بعد ماشرى ابو يزيد اكسبدشن اليوم الثاني لقي عنده اللون اللي كان يبحث عنه ابو يزيد !!!


فهذا نموذج بسيط للف والدروان ويخلينا نحذر منهم
ماتدري بعد يجيك واحد يشلح قطع جديده من سياره مستورده جديده ويبيعها لك وانت ماتدري

انا نظامي (( الثقه معدومه بين البائع والمشتري ))

بيني وبينك الفحص 

^^^ مع ان هذا المعرض من ارخص الاسعار يعني شي يحير ماتدري تمدحه ولا تذمه 

شويخ من أرض مكناس
فهمت قصدك.
أنت تقصد بأن البائع يكون ببداية تجارته يكون سمعة حميدة وطيبة، وبعد ما يحصل عليها يبدأ في اللف والدوران، صح!؟
مصيبة إن كان فيه ناس كذا.
معرض عماد الدين فعلا شي يحير، لكن أبو يزيد كان مستعجل وحصد نتيجة عجلته، مثلي يوم أشتري الصيني.
ونادر تجد أحد مشتري سيارة وما ندم بسبب من الأسباب.
والدنيا تجارب ودروس.

العبرة بالتقييمات وليس بالعمولة

انا اعلى واحد تقييمات في الموقع ٤٦ تقييم هع هع):