وش رايكم جمس 93 وربع 2014

 والله الربع عليه قومه ما يستهان فيها و تراه خفيف لذلك اركد و العن والشيطان

انزلوا خط طوييل 

الجمس لو تجيه الالنترا مكينة 2.0cc راحت عليه

انت فكر فيها بعقل شوي ، الجمس ترى عليه ماطور مهب صاحي

لكن ماخصص للمقاوم والتسارع

هو يفيدك على السرعات العالية ان المكينة تكون مرتاح ماتتكلف وانت داعس يسحب الموتر ، لكن مهب معناها انه بيخيس العالم

اولاً اعمل في حسابك وزنه الثقيل انت عارف كم وزنه ؟ ثقل الدفرنس ، بطئ استجابة الموتر للدعسة متى يدبل ويفز ذا المواتر الجديدة من تنغزه قام يصارخ وينك فيه انت

انا اقول اعقل وخل عنك حركات المراهقين تراك اكبر من كذا محد نافعك لين خرب موترك من كثر التدعيس ولا صفقت لك في ماصورة ولا مسكتك دورية ، ترى فيه اشياء واجد تقدر تقضي فيها شبابك ومراهقتك بدون المخاطرة بحياتك سرعة ومقاوم وخبال
انتبه لعمرك

ارقد بس الله يهديك ماسبب الحوادث الا المجاكرات الغبية عذي ترا عائلتك تبغاك !

اذا تبي تجاكره بميدان رسمي توجه لديراب اما بين خلق الله
لاتعدم نفسك وتعدم المسلمين 

ابى والله الجمس كان عندنا 

وجاني راعي كامري ٢٠٠٩ يفصل على ٢١٠ وقال قاومني قلت قدام 

ويدعس قبلي ثم دعست بعده واجيبه واتعداه طبعا العداد تحت ٢٠٠ 

وقمت عليه بس الله لا يوريك ارتفعت الحراره وخليته مكانه لين برد ههههههه

عندي جمس 96 454 
والله لاربع ولا شاص يطلع علي ربع دعسه تشوفه طار عن الارض
بس مشكلته الفصلة ... الجمس اللي معك 93 مايفصل 

لو الفصله عندك مفتوحه . والتحدي خط فاضي وطويل . روح لا تخاف .بكن بالقومه هو الافضل بحكم وزنه الخفيف. انت تحداه خط طويل لان طبلونه 200 . الجمس لو نظظيف يروح 230 الى 240 . هذا الرقم وصلته بجمسي. 

أولا السرعه والمجاكره مافيها خير ويمكن تتسبب بحوادث لك أو لغيرك لذلك إصرف النظر عنها والدعوه ماتستاهل

ثانيا إذا كان الجمس وكاله ولم يتم فك الفصله .. حده يمشي 180 ويفصل عن تجربه سابقه 

اذا خط قصير بيروح عليك ..

اذا مسافه تتعداهه بعد 170-180

الجمس ثقييييييييل وغير انت تقول مخزن صدقني

مجرب كابرس 89 كان كل شئ شد بلده من يوم قاومت واحد بيطرحني صفيت طبلون ويوم ثاني انفرط القير

لانو السيارة لها فتره طوويله ما توظبت  قبل كذا( 20 سنة من خدمة ) طبيعي القير يضرب ولاتنسى كماان الحرارة مع السرعة ترتفع معاك

الرجال يقوم قومه يعني 100 متر موب سباق .

-------
اذا موتر عزمه قوي متعود على القومات يطلع على الربع بالراحة

اذا موتر موتر شايب بتحصل عزمه طايح اليارس يطلع عليه . ( من قلت مخزن اعرف ان عزمة ميت )

العز على تعويد السياره .
-----------
واحد من الشباب معاه شبح قديم 93 خرشها يطلع على هايلوكسات وجيوب ربع طبعا قومات مع الاشاره .

-----------

اذا موتر موتر شايب شوي شوي عليه معناته ان عزمه ميت . / اذا الجمس مع واحد يخرش الموتر بتطلع عليه بالراحة .

ما يسبب الحوداث الا تحديات الخبول هذي !!!

الله يهديك الموتر مخزن وتبي تسوي تحدي مع الرجال عشان جوال !! 
صحيح الجمس من اول ما تدعس بنزين يوصل 100 بس مو لدرجة انك تتسابق معاه ،، افرض صار حادث لا قدر الله ما حينفعك راعي الربع ولا الجوال الهدية ..

المهم اعقل وكبر عقلك ولا تسوي تحدي وسباق وكلام فاضي 

* اذا ما تبي الجمس عطني اياه هدية هههههه امزح امزح ،، الله يعطيك خيره ويكفيك شره 

المقاومة لاتتقاوم معاه 

اما مع الخط اذا مايفصل الجمس يتعدى الربع