شورتكم وهداية الله يانشاما

الممشى مايعيب السياره ماعدى زيت القير اذا كان مضمون وقد تغير وفيه فواتير الباقي هين اما اذا ماقد تغير فهنا وقف 

لان 189 ميل يساوي 302 كيلو وزيت القير الخاص بالجمس يتغير كل 60 الف 

وانا انصحك تكشف عليه كمبيوتر وعند مكنيكي وعند ورشه متخصص بالقيور مثل ترايستار 

موفق

كم سعرره عشان نعطيك العلم

اللي معطيني دس لايك يجي يقول لي وين الغلط في كلامي عشان اتعلم منه ونستفيد لكن مااقول الا الله يشفيكم 

اليوكن حلوا وعملي وممتاز
معي 2008 طلعتة بطاقة جمرك قبل سنه 
بس ماشي قليل ولا عمري شكيت منه 
بدون دبل قبل لاشتريه كنت محتار اخذ دبل ولا بدون
ورحت لميكانيكي تركي متخصص جموس
ونصحني قالي ابعد عن الدبل مشاكله كثيرة
فنصيحتي لك تبعد عن الدبل
الدبل يصلح في النيسان وتويوتا الجيوب وطقتها

شكرن ي عبدالعزيز لاهنت والله مدري من معطيك هههههههه 
لكن هو قلت لك توكل قال بدخل هنا بالموقع اشوف كلام ناس من واقع 
التجربه بدال الشريطية وسبب سؤاله يقول لانه بيشوف استعماال الدبل مع ناس 
فعشان جالس يحققق ههههههههه لاهنت عزوز 

لاهنت ي رفاعي بيض الله وجهك لكن انا قد ستعملت دبل 
لكن والله كويس بس يمكن كلام ناس او كذا مقوله وطاحو فيها
ولايمكن عشاني ماقد استعملته ههههههههه

ممشاه واجد فوق الثلاث ميه 
الوالد من المغرمين باليوكن كان معه يوكن ٢٠٠٩ ماتعدا ٢٠٠ الف خبطة مكينه بسبة طرمبة الزيت ذكرت سالفته بحدا مواضيعي
ومع ذالك باعه وشرا جديد 

خله يدور له ممشى اقل عشان يعيش معه 

أضيف على كلام الأخوان إن القير ٤ تبديلات لمكينة ٨ سلندر 
اشوف انه ضعيف شوي بالإضافة زي ماذكر احد الاخوان طرمبة الزيت 
كذا شخص اشتكا منها/ لوتاخذ ٢٠١٠ وفوق يكون افضل لإن تلافو فيه 
مشكلات كثير خصوصاً القير.. 
اولاً واخيراً استخير

300 الف ايش بقي عشان تمشي فيه 

دورلك جمس سعودي وما يتعدى الممشى 200 الف

الممشى كثير شوي وبعد فترة الا مايطلب مثل ماقال ابويزيد خله يدور على ممشى اقل اذا بيستخدم على قولك لعمر قدام اخوي go 123 طرمبة الزيت من موديل 2000 الى 2014اغلب المشاكل في الطرمبة من جلدة طرمبة الزيت وتسبب طقطقة عند التشغيل في الصباح ولكن اغلبنا يقول دامني فكيت خلنا نغير الطرمبة مرة وحده وهي نفس القطعة

اما القير ماهو ضعيف ولكن بعض الناس يفكر انه اذا زادت النمر زادت سرعة السيارة ولكن وعن تجربة ليوكن 2008 و 2012 مع الوالد انا افضل 2008 بصراحة تحس بفزته اذا شديت عليه عكس 2012 يغير بسرعة ويوصل الخامس او السادس والسيارة باقي ماخذت عزمها وغير كذا والأهم صيانة قير 2008 اذا صار فيه عطل لاسمح الله وهذا نادر الحدوث اذا تم تغيير الفلتر في وقته او استبداله من التشليح اقل بكثير من 2009 وفوق اللي هو 6 نمر وحتى القير 6 نمر اذا ماتم استبدال الفلتر بإنتظام راح تطلع فيه مشاكل

لاهنتو الله يبيض وجهيكم لكن بخصوص الدبل كمان حقه يكون كويس استعماله وكرف مع العمر مايطالبه بشي 
ابي معلومات من عنده اي شي يزودنا بالله الله يعطيكم الف الف عافيه

كل واحد له وجهة نظر مختلفه والتوافيق 

بيد الله من رأيي استخيروا و الله يقدم لكم 

اللي فيه خير لكم. 

لاهنتو تسلمون واالله