أضف سؤال أو موضوع جديد          

الأستخدام الافضل 8 مسمار أم 6 مسمار للجمس

up 2 down 2
ftfr999 271
قبل 6 سنه و 2 شهر



ماهو الافضل جمس سوبربان 8 مسمار دبل أم 6 مسمار دبل
وما الانسب لسفر والاستخدام داخل المدينه ولطلعات البر والتحمل
وهل يوجد قطع متوفرهـ إذا كان 8 مسمار
أم لا وهل الاستخدام يختلف عن السعودي بالقطع .  
 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وضح ٨مسمار ولا سلندر تقصد !


up 1 down 4
باسل النزهة 17
قبل 6 سنه و 2 شهر



الفرق ان 6 مسامير يجي ماكينة 5.3 لتر ويايات خلفية ألين و أريح و أنشط بالبر والقومة والتسارع وهو المرغوب 
و 8 مسامير يجي ماكينة 6 لتر و سست خلفية أقسى شوي ومع التحميل ماينزل وبالسحب قوي بس ثقيل ويشرب بنزين 
أكثر وسعره أرخص بالنسبة للمستخدم 

يوجد فئة من 6 مسامير بماكينة 6.2 لتر وهي فل الفل دينالي لموديل 2007 فما فوق و ماكينة 6 لتر لموديل 2006 وتحت 
يوجد فئة نادرة من الثمان مسامير بماكينة كبيرة 8100 سي سي 8.1 لتر من موديلات 2000 - 2006 وهو قوي جدا


أنصحك بالعادي 6 مسامير أرغب و أريح وقليل خراب وقطعة رخيصة ومتوفرة وكل الورش تفهم فيه لكن بشرط المحافظة 
على تغيير زيت الماكينة والقير بشكل دوري مع الفلاتر واستخدام زيت مناسب ac delco 5 w 30 dexus وهو زيت 
المحرك الذي يوصي به مصنع gm من عام 2009 

أهم شي بالجموس إن الداخلية تكون سليمة من القرقعة و التقشير لأن القرقعة بتكرهك بالموتر من موديل 07 - 014 
البودي يكون سليم من الرشوش 
العضلات سليمة والدبل سليم و الشاسية سليم من الصدى والتعديل لأن مشاكل الرجة والحذفية ومسحية الكفرات تبدأ منها وتكلفت 
تصليحها غالية 

إذا كنت بتاخذ موديلات 2006 وتحت أفضل و أجود لكن نادر تحصل النظيف منها 


السعودي أغلى من الأمريكي ومافي فرق بينهم نفس القطع الفرق ببعض المواصفات فقط 


up 13 down 1
fasool95 317
قبل 6 سنه و 2 شهر



الله يعطيك العافيه على الرد والتوضيح الوافي أخوي fasool95
وجزاك الله خير 


up 3 down 1
ftfr999 271
قبل 6 سنه و 2 شهر



للنشاط ٨ انشط بس استخذام مدينه ال٦ افضل واريح 


up 0 down 1
حسام الخثيمي 121
قبل 6 سنه و 2 شهر



والله رد اخوي fasool95
جامع بس احيان الواحد نفسه ترتاح يوم يشوف اكثر من رد ..
عموما انا مجرب الاثنين معاي ال 6 مسامير 2001 من سنين كثيره لين راح ...
ثم الان 2008 الثمان مسامير .. ابد ما انصحك بيه ثقيل وترا يشرب بنزين كثير .. بتقول البنزين هين .. لكن مع الايام يتغير كلامك مره ما ينفع صرف قوي
اما النشاط عن نفسي مو شايفه اقوى بالفزه ولا شي بالعكس اثقل 
والكفرات الامامية لو ما تقعد تغير اماكنها كل فترة تنعدم وزنه كبير، الامامي عندي الان حبل وغيرته والخلفي ما زال ممتاز وفيه اقل شي سنتين بس اضطريت اطقم...
والخلف مو سست ولا يايات مدري والله ايش اسمها المهم انها زي حقت التريلات حديد مرصوص فوق بعض .. فالراحه اقل شويتين

نجي للميزات .. ماني راعي بر فما احكم
لكن التحميل والسحب يبيض الوجه طبعا .. بس هاذي ميزته الوحيدة ... فانت ادرى بحاجتك


up 1 down 0
الباحث1 135
قبل 6 سنه و 2 شهر



وشي اخير .. بعض قطعه اغلى .. الفرامل غاليه نسيت بكم لكن يوم سعرتها هونت اغيرها لين تذوب على الاخر...
وللعلم ترا مراوحه على المكينه(ميكانيكية) زي السيارات القديمه ،ما يجي مراوح كهرب ابدا .


up 1 down 0
الباحث1 135
قبل 6 سنه و 2 شهر



الله يجزاكم خير أخواني على الردود كفيتم و وفيتم وأشكركم جميعآ 
أنا شريت لي 2007 8 مسامير فل كامل جدآ سعره مناسب لي
وريحني بالبر طلعاني كثيره وفي السفر ممتاز وفي التحميل قوي 
ولايضعف عزمه يقبل الدعس في الطلوع وصرفيته والله يأخوان 
رائعه دام تغير اللبواجي وتشيك ع الاسلاك وغيرت المروحه من ميكانيكيه 
الى كهربائيه واصبح ليس له صوت واخف 
لكن أنبير الزيت يختلف عن السعودي لمن أشغل يجي ع الربع ولمن أمشي يجي ع النص
فحصت طرمبة الزيت نعكل بشكل جيد وبأكثر كم مكان وقالوا لي ـم الامريكي نختلف طرمبة الامريكي 
عن السعودي هذا ماحبيت أن اخبركم به ومن لدية إضافه بخصوص طرمبة الزيت ولديه مفس المشكله او 
مرت عليه هذه التجربة يفيدنا وجزاه الله خير 


up 0 down 0
ftfr999 271
قبل 6 سنه