كيف ارجع الارباق وكاله والاحزمه

علماً ان السيارة يوكون 2007

اخوي شوف في الوكالة قول لهم انت ورح يعرفو او روح لمحل متخصص في الجموس وقول له على القصة 

لا مابي الوكاله جزارين تكون السالفة بسيطه ويطولونها عشان ينفضون جيبك نفض 
على العموم ماقصرت يعطيك العافيه اخوي 
وان شاء الله الشباب مايقصرون

السالفة طويله و تكلفه

لازم حساسات و كمبيوتر او أقلها برمجه إذا امكن

خساير كثير

 طيب وش اللي لازم يتغير بالضبط

ياغالي بقولك شي ..بعض الوكالات اذا مو كلها (تويوتا اقرب مثال) اي سياره يصير عليها حادث
حتى لو جدا بسيط وطلع الايرباق التامين يسجل السياره تااالف..
بسبب التكلفه العاليه لاصلاحه وعشان يرجع شد بلد لازم تتغير الاشياء هاذي
1 الايرباقات 
2 بكرات الاحزمه 
3 كمبيوتر الايرباق
4 حساسات الايرباق
وطبعا مكلفه جدا لكن غالبا الناس تقولك ياعمي ماهمني اهم شي الشكل 
اذا انت منهم ..مالك الا تخيط الطاره عند محلات التنجيد وتفك بكرة الحزام المشدود تلاقي فيها
غطا بلاستيك من الجنب فك الغطا تلقا ترس وداخل فيه سنه صغيره ماسكه الترس عشان لايرجع
غالبا لونها احمر او نحاسي انتفها بمفك تلاقي الحزام تحرر وارجع ركب البكره في محلها 
بس كذه لو لاقدر الله وحصل حادث الحزام ماراح ينشد والايرباق طبعا ماراح يطلع....

 
يعني الكمبيوتر حق الارباق والحساسات والارباق والبكرات
ويرجع وكاله ؟
مالها حل ثاني الاحزمه 
بالنسبه للحساسات كلها الاثنين مع العلم ماكان معي احد وقت الحادث 
لازم يتغير حق الراكب ؟
المعذره أزعجتكم بس اصحاب الورش كل واحد يبي يفتي من رأسه وماخاب من استشار
الله يعطيكم العافيه شباب ماقصرتو

اقصد بالحساسات الي تجي ورا الصدام مو اللي في المقاعد ..
المشكله بكرات الحزام جي فيها سلندر صغير جوته بستن وداخله ماده متفجره اسمها ازيد الصوديوم
الماده هاذي تنفجر وقت الحادث وتدفع البستن عشان يشد الحزام ...وطبعا اذا انفجرت الماده 
لازم تتغير كامل البكره ...
الماده هاذي هي نفسها الي داخل الايرباق ..والله يعينك لان نظام الايرباق استخدام مره واحده
وصدقني الايرباق ماحد يعرفله زي الوكاله 

لان الاحزمه مربوطه بنظام الايرباق 

الله ينور عليك اخوي ابراهيم 
طيب لازم الحساسين اللي بالصدام وإلا بس جهه السائق اللي انفك
لأن ماكان معي احد فالظاهر ان الحساس حق الراكب مايحتاج تغيير 

يالغالي الحساس يستشعر قوة الاصطدام ماله علاقه بالركاب ..وهناك حساس اخر تحت المقاعد 
يستشعر وجود الراكب وهاذا مايحتاج يتغير لكن..
الايرباق اللي مافتح مايحتاج تغيره لكن الكمبيوتر لازم يتغير والحساسات الاماميه الي خلف الصدام
لازم تتغير ..عددها اثنين تحت الاسطبات الاماميه بس لازم ينفك الصدام عشان تشوفها بس كلامي
عن غالبيه الشركات وبالنسبه للجمس ماني متاكد من نوع الحساس هل يتغير بعد الحادث زي باقي 
السيارات او لا..و

الله يجزاك بالخير اخوي ويكتب أجرك ماقصرت

واياك اخوي ماسوينا الا واجبنا وعساها تساهيل ان شاء الله

الله يعينك على مصيبتك اخوي ويسهل امرك دحين طيب ادا كانت الارباقات طالعه ومصلحه كيف تعرف ؟

يالغالي انا مثلك صارلي حادث على يوكن ورحت لورشة وفكوها لي 

بس تأكد انها ترجع تمسك انا ولله الحمد ضبطة بس الفرق بيني وبينك ان الارباقات اللي طلعت عندي الجانبية يمين ويسار

الحمدلله على سلامتك هذا اهم شي

لكن نصيحة الاشياء اللي لها علاقة بالسلامة ما تستخسر فيها فهي سبب بعد حفظ الله في حماية الواحد

اسعار الايرباقات تشليح مع الغطا عادة تتراواح بين 1000-1500 والحساس حق الدركسون مهو مرة غالي

الكمبيوتر يتبرمج لكن معرف محلات ولا كنت افدتك

الله يسلمكم جميعاً ويحفظنا وإياكم من كل مكروه
ماقصرتو الله يبارك فيكم 
طيب الحين اللي لازم يتغير الارباق مع الحساسات اللي بالكمر زي ماقال اخويه ابراهيم الغامدي 
بس الكمبيوتر اللي تحت الدرج اللي بالوسط هل بإلامكان برمجته وإلا لازم تغيير 

شوف رقم الاعلان هذا متخصص في الايرباقات 

6647799

يعطيك العافيه اخوي ماقصرت 
ياشباب الاحزمه طيب وش سالفتها مع البرمجه تضبط والا لازم اغيرهم 
وألف شكر لكل من حاول المساعده 
الله يعطيكم العافيه ماقصرتو والله لايريكم مكروه 
تحياتي للجميع