بخصوص زيت القير ...

وعليكم السلام ورحمة الله وبركاته

زيت القير مثل ما شرحت انت ما يطلع على العيار بدون ما تعشق الا شيء بسيط

لازم تشغل السياره ويسخن زيت القير بعد ماهو مجرد تشغيل

يعني يفضل تمشي بالسياره لو 3 دقايق بعدين توقف وتفحص الزيت وهي شغاله

وزيت القير العاده ما ينقص ابدا لو تتركها سنين ما ينقص

ولا تغير الزيت شيك عليه فقط

حياك الله اخوي ابراهيم

والله خليته شغال لين سخن وحركته شوي مرة يبين معي ومرة مايبين
..

زيت القير الاوتوماتيك له عمر 

وقير الجمس يتغير كل 60 الف 

وبعدين الطريقة اللي تعاير بها زيت القير هو بعد ماتاخذ به مشوار ويسخن الزيت 

وموضح في المعيار بارد / وحار 

اذا بارد يجي اسفل المعيار 

واذا الزيت ساخن يرتفع الى اعلى المعيار 

وبعدين ياابراهيم السيارات انواع وانتبه تنصح احد بانه مايغير الزيت للقير الاوتو 

سيارات تتغير على 40 و بعضها 60 و 80 و 100 الف 

تحياتي

والله ما انصحه يغيره

اغلب الناس الزيت يكون ماشي فوق 100 الف ويغيره ويتورط

هذا معي اللحين ازيرا 2007 غيرت لها قير امس مطلعها من الورشة

راعيها قبل كم يوم غير زيت القير ويومين وضرب القير نهائيا ما عاد يتحرك

والسبب لان الزيت اصلا قديم وغيره و احترقت الكلتشات كلها

اخوي لازم تسخن السيارة اول شي بعدين تمشي حوالي 10 كم بالسيارة عشان يسخن زيت القير بعدين توقف و بعدين تحرك عصا القير على كل الوضعيات RND و انت دايس عل الفرامل و بعدين تحط العصا على ال N وتعاير الزيت لازم يكون بين ال cold , و ال hot

اذا بغيت تغيره رح الوكاله به كم واحد يروح لبترومين ويعطونه زيت حق الموديل القديم 
اما الوكاله يعرفون وش الزييت المخصص 

المعايرة تكون والقير على ال P وليس على ال N.

ابراهيم زيت الازيرا 2007 يتغير كل 60 الف ودام انك غير القير فواظب على تغيير الزيت كل 60 الف ونوعه SP-III والمتوفر في السوق هو زيت متسوبيشي نفس موصفات زيت هونداي وكيا الجيل الرابع ...... تحياتي

كلام عبدالعزيز المالكي صحيح ١٠٠٪ والافضل تغيير الزيت حسب الاجواء والاستخدام اذا تمشي على السياره على سرعات عاليه الافضل ماتعديه ٤٠ الف الا وتغيره حفاظا على الكلتشات

وسبب تخبيط بعض السيارات عند تغيير الزيت بسبب قدم الزيت وانعدام لزوجته " صار ماء " واذا غيرت زيت جديد بيكون لزوجته عاليه والكلتشات متعوده على الزيت القديم فتضعف او تخبط  وعن نفسي اغيره على ٢٠ الف وقت الصيف و٣٠ الف وقت الشتاء مع الفلتر والحمد لله مااعرف تخبيط القير بفضل الله ومنته
 

سعد الجهني ماتشوف ان هذي مبالغة في المحافظة ؟ 
على كذا كل 1000 كيلو تغير زيت المكينـه ..اذا تسوي هالشيء ياليت تعطيني الزيت بعد التغيير 
لانك كذا تخسر على الفاضي من باب الوسوسة وليس المحافظـة.

الاجواء حاره عندها والدعس شغال وادفع ميتين ريال كل ست او سبع شهور واحافظ على قير الوكاله افضل من توظيب ومايكمل معك في افضل ورش التوظيب سنتين. قير الوكاله مايتعوض مهما كان 
اما زيت المكينه فيتغير على ٣ الاف
شوف الناس اللي زي تفكيرك سيارات ماتكمل مية الف وقيورها موظبه ومكاين مخبطه والسبب زيت وكاله مايتغير. والفكره اللي شايعه بان زيت القير مايتغير الا فوق ميه او ميه وخمسين  وبالاخير يضرب عليه القير 

وبالاخير كل واحد وطريقته بالمحافظه. لكن حط في بالك. الزيت هو روح المحرك متى ماراحت لزوجته انعدمت فعاليته واتلف المحرك ايا كان ( قير او مكينه )

واذا تبي الزيت القديم جمع لك براميل وارسلها لي اكثر اللي نعرفهم من الزملاء والجيران يغيرون زيوت المكينه مابين ٢٥٠٠ الى ٣٠٠٠ وبعضهم سيارته موديل تسعينات وثمانينات ووكاله  مشاء الله عليهم وانت الظاهر من اللي راكب موديل ٢٠١٠ وقير موظب 

سعد الجهني 
بدري عليك تعاملي مع السيارات افضل تعامل 
ولا عمر قير خبط علي ولا مكينة بفضل الله ثم بفضل المحافظة بعقل 
وعدم المبالغة في المحافظة الى ان تصل لدرجة الوسوسـة لمثل حالتك 

يقولون درهم وقايه خير من قنطار علاج 
ادفع واحافظ افضل من لامبالاه واخرتها ورش 

وحاول ترتقي بالفاظك وانت اللي طلبت الزيت المستعمل وتقدر تجي تاخذه عندنا ٦ سيارات تكفيك لسنوات 

نعم صحيح طلبت الزيت المستعمل لهدركم للاموال من باب الوسوسه 
ولا زيت اغيره على 2500؟ وانزله وهو جديد ليش؟

سياره محركها ٨ سلندر وسعة المحرك ٥.٧ وزيتها ٤ علب كم تمشي عليها من وجهة نظرك ؟  واحنا شعب نمشي فوق ١٦٠ واجواء حاره ومكيف شغال اغلب الوقت ؟
 كمية زيت قليله ومحرك كبير بيتلف الزيت بسرعه ولازم اغيره مل ٢٥٠٠ الى ٣٠٠٠ كحد اقصى عشان احافظ على محرك السياره وللاسف قيرها نفس الوضع  واقدر امشي اكثر من كذا لكن بستهلك السياره

لكن سياره ثانيه عندي مكينتها اغير لها ٩ علب زيت مستحيل اغيره قبل ٧ او ٨ الاف  لان زيت بكميه كبيره وماراح يتلف وتروح لزوجته بسرعه وقيرها نفس الوضع فهذي وضعها غير واكمل بزيت القير حتى ٤٠ الف  لكن قليله السيارات اللي كرتيرها كبير 


 وماقلت لنا على كم من وجهت نظرك تحتاج حتى تغير الزيت ؟؟ مكينه او قير. والسيارات كلها نفس الوضع ولا فيه فرق ؟؟ 

اخوي سعد .. السيارة الاولى هل الكتالوج يقولك غير كل 2500 الى 3000!!!
ماعمر كتالوج مر علي يقول غير فاقل من ال 5000 وما اتوقع ان الكارتير ياخذ 4 علب ولا 10 علب !

بالنسبة لوجهة نظري اخوي سعد .. ان في زيوت ذات جودة عالية تستحمل الضغط العالي والحرارة العالية بدون اي مشاكل
وسعرها في محلات الجملة في متناول الجميـع وغير كذا تمشي مسافات اطول.
بالنسبة للقير على توصية الكتالوج بالمسافة.

وصدقني اخوي سعد التغير على 3000 هدر للاموال فقط! 

ماعليش اخوي بس كيف الكارتير ماياخذ ٤ او ١٠ علب ؟؟ كيف وين يكون الزيت او يتجمع في حالة السياره ماتعمل ؟

من ناحية الزيوت اللي جودتها عاليه كلامك صحيح لكن تبقى مشكله الترسبات متى ماطال استخدام الزيت بيكون فيه ترسبات وتزيد مع الرقت لكن تغيير الزيت بفترات قصيره يقلل منها لانها ماترجع للمحرك من جديد 

اما القير فالتوصيات تختلف من ٤٠ الف وحتى ٨٠ الف لكن هل اجواءنا مثل ماهو مذكور او مطلوب بالمواصفات ماتتجاوز ٤٠ درجه وقت الصيف ؟؟؟  توصياتهم على قيادت عاديه معتدله واجواء ٤٠ درجه 
لكن الواقع درجات الحراره في تتجاوز ٥٠ واتكلم مثل اجواء المدينه المنوره فما بالك بحرارة محرك وقت زحمه او على سرعات عاليه وتعرف سواقتنا اذا مانسدح العداد على الجنب الايمن  مانعتبره مشي 
هم اذا تجاوز سرعه ١٢٠ يحللونه اول يمكن يكون مختل او شارب وبعدها يحاكمونه  واحنا اذا تمشي ١٢٠ انواع التشطيف من غير الحركات الااخلاقيه ليش ؟ لانك معطل الحركه باعتقادهم. 

فيه فرق بين ماوضعوا التوصيات عليه وبين واقعنا واجواءنا