مراوح جمس 2005

بالنسبة للسرعة العالية للمراوح تشتغل اذا المروحة العادية ما نزلت الحرارة وهذي عندي بالفورد ما تشتغل ابدا الا في العقبات القوية وصوتها قوي يشبه المرسيدس القديم تاخذ حوالي ربع ساعة حتی يبرد اللديتر وترجع طبيعي والمروحة العادية تشتغل معك في البلد بدون مكيف يعني مثلا في ابها ترتفع بالبلد لان فيه طلوع ونزول 
ولا توسوس اذا الحرارة تمام لا تجي المراوح ابدا
موفق

كل سياره تختلف عن الاخرى بتشغيل المراوح خط او خطين

فيه سيارات على الثلث تشتغل الخطين

انت الحل عندك يا برمجة ولو تبي حل سهل تقدر تخلي وحده حقت المكيف نفس الوضع تشتغل مع المكيف

والثانيه تحط لها فاصل هي نفس المروحه ما تغير شيء تضيف سلك فقط

وفاصل وتشغلها من عندك متى ما احتجت والافضل تشغلها داخل المدينه على طول مع الوقفات

ولو بتمشي فوق سرعة 80 الزر عندك تطفيها بسهولة وخلاص

ومع الخطوط ما تحتاجها ابدا

يعني بكذا تضمن الحراره ما تتعدى النصف ابدا 

ابراهيم . انا بالجمس عندي ماا اشكي من حراره لا واقفه ولا هي ماشيه الا بحااله وانا محمل عفشش للديره مثلا ويكون ثقيل . في حالة المشي الحراره تمام . لكن لما اوقف شوي الحراره تبدا ترتفع .. وش الحل

ترتفع لوين توصل يعني

ترى نظام البلف مع المشي تحصل الحراره جدا ثابته

انا ليش اتكلم بكذا لان اللومينا عندي تطلع الحراره بالارقام بشكل دقيق اكثر

يعني تحصل الحراره ثابته فوق الربع بشيء بسيط لكن بالارقام تختلف تطلع شوي وتنزل شوي

مع المشي عندي تكون ثابته على 96 درجة

حتى بالشتاء بالبرد ثابته على 96 نظام البلف حقها كذا

ولو وقفت دقيقتين بس عند تفتيش مثلا والمراوح طافيه طبعا توصل 103 مثلا

ولو توقف اكثر توصل 108 لان المراوح مبرمجة حقت 6 سلندر تشتغل على 108 هذا بدون مكيف

و لو وصلت 108 وهي اعلى شيء باللومينا الطبيعية تكون الحراره بين الثلث والربع

ولو مشيت بعد التفتيش يكون البلف ماسك الحراره ويفك بعدين تنزل الحراره لحد 88 تقريبا 

وترجع ترتفع للطبيعي 96 وتثبت عليها

اشوفه طبيعي الشيء هذا 

ولكن مثل ما قلت لك انا فصلت السلك الاساسي وشبكت سلك بفاصل لمروحه وحده 

عشان لو مشيت اخليها طافيه ولو وقفت بالاشارة او مثلا مسافر ووقفت تفتيش اشغلها 

تبقى ثابته على 96 ما عاد ترتفع وهي مروحه بلدها ما يحتاج توليف ولا شيء

اخوي سيارتك طبيعية جدا جدا انا عندي تاهو ٢٠٠٥ استخدام امريكي 
نفس السالفة وله عندي الحمد لله ٣ سنوات سيارتك طبيعيه لا تخاف

ابراهيم ترتفع للاخير . طبعا شوي شوي. تقريبا حول العشرين دقيقه من النص للاخير . الا لو دعست لها بنزين. 

يعطيكم العااافية على المعلومات الجيدة

لكن اتوقع ان الموصفات السعودية لها نظام غير عن الاستخدام 
مره كنت واقف اشتري غدا وجمي جمس 2006 سعودي اسمع صوت المراوح فيه لمن شغل المكيف اشتغلت السرعة الثانية 

لك زي ما قلتم هذا طبيعي 

اخوي دايما الامريكي يكون نظام حرارة المكينه اعلى من السعودي بشوي 
زي فرق الكامري الامريكي والسعودي الحراره بالامريكي النص والسعودي تحت النص بفرق واضح والامريكي بجده تصرف موية كل 4ايام
ونزودها لين ماغيرناها بلف سعودي انتهت المشكله
وانت عندك ياتغيرها بنظام بلف سعودي او تخليها زي ماهي والحراره عندك مبرمجه من الوكاله كذا وماتشتغل السرعه الثانيه 
الى مع المكيف او في حاله الضغط الزايد بالطلوع او التحميل او الزحمات الطويلة تسمعها تشتغل لان فيها حساس يشغلها لمن توصل حرارتها 
لدرجه معينه الحساس يعطي امر بتشغيل المروحتين بالسرعه البسيطه لتخفيض الحراره وماستاجبت السرعه البسيطه
يحولها عالقويه ودقيقه وتلقااها تحت الحراره يعني برمجة من وكالتها لهالامور
وبخصوص البلف الامريكين جوهم بالشتاء بارد جدا ويحتاجون بلف يسخنها باسرع وقت ونظام حرارتهم يختلف وبرمجتهم تختلف
اما عندنا الحراره عاليه وطول السنه حارة زي جده والصيف عندنا تطق58درجة هاذي مفجعه اقاربي انصدمو منها
فلازم نراعي انظمة الحرراه عندنا

يفضل برمجتها برمجه سعوديه وتصير تشتغل المراوح على 94 مئوية

يبيلك برمجة مراوح تفتح على الرقم الي انت تبي  200 ريال تقريبا  

إعادة برمجه علشان تشتغل المراوح في الوقت المناسب

عندي جمس 2002 مروحه واحده تنصحوني اغيرها مروحتين تمتيك حقت 2006