سعر الزجاج الامامي لليوكن

محلات القزاز في وطني وصيني والاسعار من ٢٥٠ وانت طالع حسب شطارتك،،،

اما في الوكاله فهو غالي،،،

شف محل السالم بالصناعيه القديمه 

ممتاز ويعطيك ضمان على القزاز

انا غيرتها امريكي ب٦٠٠ ريال في صناعية ام الحمام مقابل مسجد الملك خالد،،،،،المحل اللي جمب حق المفاتيح

اذاالكسربسيط وماجاه غبارلحمه أحسن لك

حق الوكالة الأصلي يجي 3 طبقات وهو مطابق لمواصفات السلامة.

أما المصنع محلياً والمستورد فهو رخيص كما ذكر الإخوان أسعارها، لكن مكون من طبقتين فقط. لذا السلامة فيه متدنية.


يعني -لا سمح الله- انقلبت السيارة، الزجاج الأصلي أبو 3 طبقات راح يتحمل أو على الأقل يقاوم ضغط السيارة وهي مقلوبة، وانكساره يكون للخارج. بالإضافة إلى أنه يحمي الركاب من دخول الأجسام المصطدم بها أو يقلل أثرها على الأقل.

بعكس الزجاج أبو طبقتين الرخيص.


وتقدر تبحث وتتأكد من كلامي.

فنصيحتي إذا الحال ميسور ركب الأصلي. وقد يصل إلى 3000 ريال.

إذا الشرخ بسيط، عالجه حتى ما يتمدد.

غير كذا الشكوى لله.

كلام جميل ومفيد من الاخ محمد آل عالي

ركب الزجاج العادي كلنا نركب منه والساتر الله

اما عاد زجاج بـ 3000 ريال

والله اني رحت الحمراني قبل كم شهر بشتري قزاز ورحت معي 1000 ريال قلت تستاهل الددسن ..
تتوقعون كم طلع السعر ؟ 

طلع سعره 5500 ريال الطامه أن الموديل 2004 ياليتها جديده .. 
رحت ركبت بـ 170 او 270 ما اذكر ..

*مع العلم أن الحمراني لغى الخصم الـ25% .. فهذا السعر بدون خصم .. 

انا عندي سييرا 2015 انشرخت الزجاجة الامامية وبدت تتمدد مع اني مضبطها الى حد ما بعد الشرخ بيومين و..لكن مع الوقت شكل اللحام فك ؟؟ الحين بغيرها عشان الفحص وعشان تجديد الاستمارة ؟! بالمارية م 2015 يحتاج لتجديد الاستمارة فحص ام لا ؟!