...موضوعين في موضوع حياكم الله ...
6
4
إضغط هنا للإخفاء
السلام عليكم ورحمة الله وبركاته :
اخباركم مع ها البرد والاختبارات عسى الله يعديها على جميع المسلمين با الخير
الموضوع الي بقولكم اياه هو موضوع يتكلم عن اساليب قيادة الشعب السعودي
الحاصل معي من مواقف غالبا الحمد الله تعدي على خير
ابقولكم اغلب الي صار معي من مواقف ترفع الضغط ١٠٠٠
مررره معي الاهل رايح مشوار قريب يعني وسط المدينه وانا امشي قدامي
المهم كنت ماسك المسار الايسر وهو قدامي راعي السياره والسرعه المحدده با الشارع كانت
٨٠ المهم كان في محلات على اليمين والرجال كان يتفرج على المحلات وهو يسوق
ومخليني امشي ٤٠ انا خليته ياخذ راحته وانتظر وعلطنا وعطل خلق الله
والله العظيم كشحت باالنور شي بسيط ويطلع ايده ويقول وش تبي ههههههههههه
ووراي راعي جيب لكزس اعماني بنوره حسبي الله عليه
فلحمت بموتره الا شوي واصدمه ويناظر ينتظر بس اناظره على شان يتلفظ
طبعا ارتقيت بنفسي عن ها الاشكال
ياخي خلاص نسيت القياده فن وذوق وادب مو هوشات. وعناد وكلام فاضي
والله العظيم انه احيانا يطلع علي واحد طلعت غشامه واذا سلم علي يطيح كل الي براسي
وخلك هادي ورايق ماله داعي العصبيه الزايده انت تظر نفسك وغيرك
اذا طلعت على احد سلم عليه كانه تعذر منه صدقني راح يرضى عليك
لا تدخلوا الجنة حتى تؤمنوا، ولا تؤمنوا حتى تحابوا أولا أدلكم على ىشيء إذا فعلتموه تحاببتم، افشوا السلام بينكم
--------------------------------------------------------------------------------------------------------
الموضوع الثاني
الييوم فكرت بموضوع التطعيس والطهبله الي فوق اللزوم والخطر الي يصحل بيننا
اولا ترى البر شارع بدوون اشارات ولا لوحات ولا تنبيهات هههههههههه
يعني خلك منتبه في اي لحظه عادي اي واحد يطب عليك الله يحفظنا وجميع المسلمين
بصراحه انا دايم اروح اتفرج على الي يطامر والي مسرع والي يخمس والي يتفتف
كل يطلعً الي براسه بس
جلست اتامل الي جولي اقشعر جلدي اشوف واحد مقلع ومسرع ناوي يرقى الطعس
وواحد مو لمه وشوي ويطلع عليه طبعا الي ناوي يرقى ماغير سرعته على الدعسه
فكرت قلت لو يتصادمون اثنين مافي لا اسعاف ولا دوريه مافيه
الا ناس ماتدري وس السالفه حتى لو فزعو له ممكن يتسببون في شلل للمصدوم
لانه لازم يحرك على شوي شوي وطبعا الشعب السعودي مثل النار راح يشيله كانه
كيس زباله وانتم بكرامه
وعلى كذا راح يتعذب طول عمرره الله يكفينا شر الحوادث وشر كل شئ
المهم الغايه من الموضوع ياشباب المطلوب انك تهدي وتريح بالك وتطالع حولك قبل ماتمشي
لان البر وخاصة اماكن التجمع مثل النمل
والمشكله ما وراهم شي بس استعراض
استعرض واستانس وفلها بس انتبه قبل ما ترقى الطعس ممكن يكون هناك اطفال عائله
شباب اي كان انتبه قبل كل شئ
.
--------------------------------------------------------------------------------------------------------
وفي النهاية عندي لكم نصيحة
شفت بعض الناس يخلون فلوس في السياره لوانه ريال لاتخليها
يجي الحراميه يكسر القزاز علشان ريال تروح تخسر 500 القزازه
...........
إبلاغ
الردود
أقولها نصحية.. اذا سقت سيارتك حاول قد ما تقدر انك تكون هادئ ولا تعصب
(عصب بس استغفر الله واذكره وقت التعصيب ) لانه لازم تعصب بس حاول لاتظهر عصبيتك
ولا تحاول تحارش أحد أو ترد على الي يحارشك!
ليش؟ جبان؟
لا حبيبي انت أقوى واحد في العالم بس الثاني ؟
تدري عنه؟تدري عن صحته؟ ممكن يكون مريض وياكثر المرضى الله يشافيهم
تشوفه شباب وجسم معضل وهو مسكين مريض بالقلب أو فيه ضغط او سكر
خوف يوصل الحال بينكم للعراك بالايدي وتروح تدفه بيدك بس ويطيح غشيان ولا يموت لاقدر الله
وبس تقعد تندب حظك طول عمرك عشان لحظة ما ضبطت فيها نفسك؟
والمرضى أكثر من الأصحاء الله يشفيهم ويحمينا من المشاكل و الشر
الزمن هذا زمن حالك حال نفسك وحقك خذه بالقانون فقط
3
1
يعكس المسار ويمسك يسار
وانت تسوق ومحتار
ماتدري هو يروح يمين وانت يسار
ولا تصدم فيه وتبقى انت وياه انتظار
لين يجي حق نجم الحمار
هههههههههه معليش تحمست بس والله انهم يقروني وكثار ههه
1
0
ياعمي تطلع من بيتك كاف خيرك شرك ولزم تمسك نفسك وتنطش وش تسوي علشان الي معك او علشان مانت فاضي لسين وجين وفعلن الاذكار تفكك من الشر بس الاغاني ابعد عنها توسوس فيك وتتجمع عليك الشياطين
2
1
والمشكله الثانيه عدم الصبر ونااس عجله لابعد درجه تلقى الونيت والجمس يطمر المطب لانه رفيع
والسيارات الصغيره تتاثر سريع لازم يهدي بالمطبات
وقارن فارق المكينه يعني تلقى واحد سيارته صغيره ١٣٠٠ سي سي
وانت مكينتك ٨ سلندر فطبيعي تكون قومات سيارته بطيئه
ولايهونون حبايبنا حقين المصاقط تلقى موتر صغير واقف ويجي واحد يدخل عليه غصب لو
تحاشر وياه وصدم بيتاثر موتره تحصل اللي وراه يقول والله رخمه ولو يجي مكانه هدا
وتحصل نااس تشغل العالم بالملفات ولاجاء دوره هدا وقام يطالع
زبدة الموضوع عندنا السواقه اهم شيء نفسي نفسي لو يرقى فوق موترك
شوفهم عند الاشارات انواع تعريض السيارات عند الاشاره
حتى اشارة ساهر ماسلمت منهم تلقاه كنه بيروح يمين ثمن يعرض موتره قدامك
واخرتها اللي يقطع اشارة ساهر بالغلط ينسجن واللي يعرض موتره قدام الناس
ويشغلهم ويغثهم الله يشغله بنفسه يشيش ولاجاب خبر احد
زبدة الموضوع حنا شعب يحب نفسه متى ماكان مروق يبي الناس تمشي
نفس جوه ومتى ماكان مستعجل يبي الناس تطير علشان يلحق طال عمره
على دوامه او مشواره المهم واخرتها بااستراحه يتابع كوره ولايشيش
هذا الواقع
1
0
0
0
قبل 9 سنه و 4 شهر