بخصوص الشكمان يقطر ماء

اختلفت الاقول اللي يقول معناه المكينه نظيفه وجيده واللي قال العكس 


يفيدون الشباب اللي لهم خبره انشاء الله

مع حرارة المكينة يكون داخلها بخار وبعدها يطلع من الشكمان على شكل قطرات 

والماء مايدل على نظافة السيارة 

هي مسأله فيزيائيه مالها دخل بالنظافه
وبالشتاء شيء طبيعي 
دخان الشكمان يطلع حار والهواء بارد وينزل ماء 
بس بالصيف في سيارات تقطر ماء وسيارات لا 
اختلف الشريطيه والعلماء على هالمعلومه هههههههههههههههههه

مشكورين على ردودكم الجميله

وشكلها ظاهره فيزيائيه

كان عندي سياره اتوقع موضبه مرتين

وفيها من كل بلوه

تغسل الحوش في الصباح مع البرد

السالفه مالها دخل بالنظافه نهائياً

الموضوع ومافيه يحصل تكثف داخل الدبه والشكمان يقطر مويه أي منطق الي يقول يدل على نظافتها لايضحكون عليكم الشريطيه هههههههههههههههههه اجبلك فورد مبووش وشكامينه تنقط مويه

حسب خبرتي
اذا كان البخار والتقطير خفيف فهذا نتيجة احتراق مثالي للهواء والبنزين
وتلاحظ لو جبت موترين نفس المحركات ان اللي يقطر اقل صرفية من الاخر
وهالشي تلاقية بالفورد دائما حتى وهو مخبط يقطر 
لاتتعجب الاحتراق المثالي هو نسبة البنزين مع الهواء نتيجته البخار 
واذا دخل الزيت المحروق للبستم راح يطلع بخار مع دخان
البخار راح يتكثف على جدران العادم ويصير سائل
والدخان بيطلع كما هو

النقطة الثانية
اذا كان التقطير زايد احتمال يكون راس المكينة مشعور او فيه تنسيم

هذا اللي اعرفه واعتذر عن الشرح المطول

الله يعطيكم الف عافيه جميعا

ولايك للجميع

باختصار نعــم
ونزول الماء كتقطير يدل على كفاءة عملية الإحتراق

http://montada.haraj.com.sa/47696/%D8%AA%D9%81%D8%B3%D9%8A%D8%B1-%D8%B8%D8%A7%D9%87%D8%B1%D8%A9-%D8%AE%D8%B1%D9%88%D8%AC-%D8%A7%D9%84%D9%85%D8%A7%D8%A1-%D9%85%D9%86-%D8%A7%D9%84%D8%B4%D9%83%D9%85%D8%A7%D9%86---%D8%A7%D9%84%D8%B9%D8%A7%D8%AF%D9%85/

هذا بالنسبة للسيارات القديمة الي الرأس فيها حديد وشكمان حديد كانوا يقولون هذا الكلام!
اما بالنسبة للسيارات الجديدة فالامر اختلف
ممكن تشوف السيارة على وشك تخبط وتنقط ماء
ماهو مقياس ابدا!!!!
الحين مافي سيارة حرارتها على السي!
كل السيارات حرارتها من الربع للنص طبيعي
وشوف انت درجة حرارة الجو اكيد بيصير تكثف وينزل ماء من الشكمان الحار
اذا اختلفت حرار الجوى عن الحرارة الخارجة من الشكمان!
تبي تجربة علمية؟
تفضل
طبعا في الصيف!!
شيك على مكيف سيارتك واتأكد انه فريونه ممتاز والكومبرسور ممتاز
رح ادخل جوى السيارة وشغل المكيف حتى يبرد تمام وقرب فمك من فتحت التكييف
وطلع هوى حار وشوف يطلع بخار ولا لا؟ قالوها لك الاخوان عملية فيزيائية
تكثف تحول البخار من الحالة الغازية الى السائلة(من أيام المتوسطة)
هههههههههههههههههههههههههههههههههههههه

اتوقع ان له علاقة في النظافه 
في بعض السيارات لأني لاحظته في 
سيارتين عندنا مانحركها كثيير الاول جمس 2005 
ماشي 40 الف الى الان و الثانيه انفنتي 2009 ماشيه 
100 الف وصيانتها كل 5 الاف بالوكاله 
وحتى لما فحصناها هناك بالوكاله قالو انظف السيارات 
اللي جاتنا ماشاء الله تبارك الله 

مالها دخل في النظافة
سيارة اخوي مخبطة تقطر ما

تصير في الاغلب في السيارات الجديده وتختفي بعد فتره 20 الف كيلو وقد تستمر في النادر
السبب ان هناك نتيجة احتراق كامله ومتساويه ميه بالميه مابين خلط هواء وقود وانفجار وهالسبب اللي يخيلها تطلع فالسيارات الجديده في الاغلب

بعدها اذا غرف الاحتراق تكدست بالاوساخ والترسبات والبواجي صارت محترقه تختفي قطرات الماء من الشكمان لان عملية الاحتراق ماوصلت ال  ميه بالميه

تنقيط الماء عادي فالسيارات القديمه او الجديده

كان عندنا ددسن 84 قديم وينقط ماء بكثره قبل التوضيب وبعده فالشتاء وفالصيف.. 

طيب نلاحظ ما تقطر الى في فصل الشتاء يعني المكينه ماتكون نظيفه الى في الشتاء لذلك مالها علاقه بنطافه او غيره هي مسأله بخار واجواء الخارجيه

بعض الكلام صحيح وبعضه خطا 

معلومه اضيفها لكم ان بعض السيارات ومن موديلات قديمة نسبيا فيها شي اسمه المحول الحفاز 

هذا الزمت الشركات انها تحطه على شكل دبة بعد قزوز المكينة يعني يكون مكانه اسفل الراكب او السواق وذلك للحفاظ على البيئة 
ميزته في مادة نسيت اسمها لكنها غالية شوي وعلى شكل اخاديد فخارية كثيفه (لدرجة ان اللي يفكها يزيد عزم وصوت الموتر)يدخل فيها الخليط الخارج من المكينة والمادة هذي تحول غالب  
الغازات الخارجه من المكينة الى غازات غير مضرة بالبيئة اللي هي اول اكسيد الكربون + (بخار الماء+ الماء اللي يقطر ) اللي تشوفونه 

هذا مالديّ حبيت افيدكم فيه اذا ما تعرفون هذي المعلومة