تهريب زيت المكينه في يوكن xl 2015

وعليكم السلام الله يصبحك بالرضى والعافيه اذا كان على الضمان رجعه للوكالة اكيد هذا عيب تصنيعي 

وعليكم السلام ورحمة الله وبركاته

السيارة اكيد عليها ضمان الوكيل مازالت جديدة
راجعهم ولا تخرج من عندهم إلا بنتيجة 
وإذا ماطلو معك على طول كلم وزارة التجارة
لا تسكتلهم هذا حقك وانت دافع مبلغ مش بسيط 
والله يعينك 

للاسف الاعضاء يحبون المجاملات والمسايرة وناخذ بخاطرهم ونطبطب على ظهورهم
ولو قلنا لهم الحقيقة يزعل 
لذلك الديسلايك شغال عندي على طول من الاعضاء ما يعجبني كلامي لانه صريح وبدون مجاملة
مثل صاحب الموضوع من الغباء انك تنزل استفسار بالمنتدى
سياره ماشيه 2000 كيلوفقط وتهرب زيت سواء عيب مصنعي او غيره
على الوكالة ويتحملونها بدون استفسار غبي مثل هذا

حرام عليك ياخي وجاي تسأل مفروض على الوكاله طوالي

^^ لا والله مو حرام على طول الوكالة  

الا على وزارة التجـــــــــــارة على طووووووووووول وتسجل الحالة وتعتبر الوكالة ماتجيب شي مضروب
ويسير اذا ضهر اي عطل ( له او لغيره ) يكون مسجل بالوزارة ضد الوكالة المصدية

ابو عبدالعزيز ارفق ع عيااالك مو  غباء اذا كان قليل خبرة 
مو مثلك شكل من عهد جدي انت مدقدق ومحكحك وممكن فيك شوية صدى . د
والتلميع الساطع ماتقدر فيك حتى مالك سكمري ههههههه

اذا حاب تكون صريح لا تجرح في غيرك والا خل صراحتك لكككككك شكرا 

 مو كل من ساق او مسك طارة سواق خوف ع بعضكم 

ابو عبدالعزيز انت من وقت ما دخلت للمنتدى ذا و انت شغال تزبيد لخلق الله 
ترا موب على حسابك الاستفسارت و انت موب ملزوم ترد على كل شخص 

اذا عند اجابه اطرحها و اذا ما عندك شي اسحب على الموضوع و لا كأنك قريت شي 

وب النسبه لراعي الموضوع ارجع للوكاله و تفاهم معهم و اذا ما نفع على وزارة التجاره

خخخخخخخخخ زبد لهم ابوخليل 

^^ هههههههههههههههه ممكن يكون هذا غيرهههههههههه
من المخلوقات الغازية لكوكب الارض ... اخررررج 

هذي عوايده ابو عبدالعزيز

ما اعجبك الموضوع مهب لازم ترد يا ابو عبدالعزيز تقدر تطلع من الموضوع وترد فقط على المواضيع اللي ممكن تحتاج افادة

ممكن يكون سؤال الرجال عايدي جدا واكيد ردودنا بتكون شبه متواحدة لكن الرجال ممكن يقصد من سؤاله هل الوكالة بتقبله وبتقول اوكي يتصلح على الضمان وانه عيب مصنعي ولا ممكن يرفضون يعني يبي احد يطمنه فقط وهذي عايدية جدا

الحل يا الغالي انك تمر عليهم وتشرح لهم الوضع وهم يحددون لك مصدر التهريب يمكن لاقدر الله السيفون ماربط كويس او فيه مشكلة ممكن يكون من الكرتير او الصرة ، وترى صارت لخوينا ابوه طلع اكسبدشن 2014 وحصل بعد كم يوم تهريب وهو مامشى الا 800 كيلو تقريبا وراح الوكالة وزبطوه له اعتقد ما ادري وش صار بالظبط بس على كلامه يقول حلوها وتراها بسيطة جدا لاتشيل هم اهم شي ودوا الموتر في اسرع وقت قبل ما ينفذ الزيت او ينقص بشكل ملحوظة وتصير مشكلة لاقدر الله في المكينة


بالتوفيق وتقبل مروري

اللي مسوي نفسه فاهم وصاحب الاعلان غبي رجاء لاترد الرجال يسأل وانتم تحطونه غبي خير ان شاءالله 

يا اخوان عطوني لايك ابي اوصل 30

الحمد لله الموتر عليه ضمان بإمكانك زيارة اقرب فرع صيانة واظهار المشكلة ولا تنسى تطلب سيارة بديلة وتنحل المشكلة بإذن الله واذا استصعب عليك امور بإمكانك الاتصال على الرقم ١٩٠٠ خدمة البلاغات في وزارة التجارة وه يقومون بالواجب  عن اي مشكلة

اخوي بوجهك للوكالة تفاهم معهم مايبيلها كلام وبعدين وش فيكم على طول وزارة التجارة شكلكم اذا رحتو الوكالة وحصلتو زحمة تروحون تشتكون للتجارة صارت حلا ! اللي يسمع يقول الوكالة مسوية ذا التهريب اخوي رح لهم اذا عيوو يسوون شي وقتها اعلمك وش تسوي

اهم شي وثق التهريب وصوره صور واضحه في النهار عشان ﻻيجحدونك
بعدين طبعا فيديو وصور العداد وهددهم بفضحهم اذا لم يتجاوبوا
معك وتنفعك بعدين لو حبيت تشتكي