أضف سؤال أو موضوع جديد          

جولة في عالم الشريطية 2

up 10 down 5
أبو أحـــمد 2434
قبل 6 سنه و 12 شهر



أسعد الله أوقاتكم بكل خير ،،،


أولاً : والله العظيم ماني شريطي، ولا عمري بعت سيارة بمكسب، وأصلآ أكد الموتر لين ينتهي.



لكن لدي نقاش حول (الشريطية)، ونظرة الناس عنهم، وكلام الناس عليهم.


الشريطي : هو من يبيع ويشتري السيارات، إذاً هو "تاجر"، ونوع تجارته هي "سيارات".


أغلب الناس يكرهون الشريطية، ويسبونهم، ويبنسبون إليهم (النصب) و (الغش) و (الكذب) و ....... إلخ.
مع إن الشريطي يؤدي عمل، وتجارة.

وليس معنى كلامي إن جميع الشريطية صادقين وأمينين، لكن مثلهم مثل أي تجار، فيه الصالح وفيه الطالح.

وإنت بنفسك مثلاً، لو بتشتري سيارة من المعارض وتعرف شريطي، راح تكلمه، وتقول بالله أبي الموتر الفلاني ونظيف والله الله بالسعر الزين، وأيضاً لو تبي تبيع موترك تكلم شريطي، بحيث يبيعه بأفضل سعر.


يعني الشريطية لو احتجناهم كلمناهم، ولو ما احتجناهم سبيناهم !!


يعني الآن عبداللطيف جميل شريطي ؟

وش فرقه عن الشريطي إلا إنه يبيع سيارات جديدة !

أرجو إبداء الرأي حول نظرتك للشريطي، وليه كل هالكــلام على الشريطية ؟



- ولعيونكم هذي صور لبعض السيارات الأمريكية ،،






































إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك صحيح

وبختصار المستعمل الان تعبان العداد موقف والسيارات ملعوب فيها ومراكز الفحص خرطي مصاريه يفرون السياره وهم يركضون وقدام عيوني مصري يعلم ولده وهو بالابتدائي كيف الفحص ،، يعني اليوم يشتغل فطائر وبكره بمركز فحص سيارات فخمه ،، خربط * خربط الافضل والاجمل انك تشتري وكاله ،، وريح راسك فرضنا انك بتشتري هايلكس غمارتين انا حصلتها 2008 ماشيه 500 الف تسام ب40 الف اهل هذا يعمل لو تعطي 40 الف الراجحي وتطلع وكاله بيكون قسطها 600 ريال وتركب موتر 2015 ضمان الوكاله ريحة الوكاله وأمان ان شاء الله ،،

المستعمل مخيس ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، انا ندمت اني شريت مستعمل ندمت ،،،،،،،،،،،،،،،،،،،،،،،،،،،،،،،،،،،،،،،،،،،،،،،،


up 11 down 1
امير الاصيل 1714
قبل 6 سنه و 12 شهر



صدق ضرسك يا أمير ،،

أنا اشتريت سيارة مستخدمة ونكبت وضعي المادي، ودخلتني في ديون، وبعتها بخسارة وشريت جديد (أقساط 5 سنوات) ومرتاح ما شاء الله ..


up 3 down 1
أبو أحـــمد 2434
قبل 6 سنه و 12 شهر



تسلم يابو احمد وشكرا لك
نعم المستعمل يرهقك ويهلك لا وتحط فيها تصليحات ،، واذا تبي تضرب خط طويل تخاف منها يعني خساره* خساره ومثل انت ماتفضلت الجديد جديد نعم غالي نعم اقساط عاليه لاكن قيمة المستعمل ادفها مقدمه وريح راسك ولا ازيد على كلامك ،، الورش الان يتعلمووووووووون وهمهم الكسب المادي فقط


up 1 down 1
امير الاصيل 1714
قبل 6 سنه و 12 شهر



بعد تجربتي للمستعمل .. حرمت اشتري مستعمل ابد
المستعمل الكويس في نظري هو موديل السنة فقط لا غير !!

الممشى يتلعب فيه , الحوادث تتسمكر , البوية تنرش , ما عاد فيه شي يأكد نظافة المستعمل !!


up 4 down 0
سعـد بن سعـود -25
قبل 6 سنه و 12 شهر



الشريطي ذكي جداً .... ويعرف الصامل من غيرة .. ويعرف الدلخ من الذكي .


انا يوم شريت اللكزس لقيت لمة شريطيه حوله جالسين ويتقهوون ويسولفون وقفت ونزلت عندهم وماكان في بالي ابداً لكزس .. كنت ادور فوتشنر 6 سلندر او برادو ..


جلست معهم وكان جيب اللكزس واقف برا ... فتكلمت قلت على كم هالمزيون .. قالي 130 قلت عطاك الله 90 فرد ماهو بحقه .. قلت اصلحوا ياذالوجيه كلهم اتفقوا على 120 ..


عرفت انها لعبة منهم ... قال واحد منهم انا باخذه 120 يبون يحمسوني القطه .. قلت الله يباركلك بع للرجال ..


روحت البيت وماراح هالجيب من بالي ... رجعت للمعرض صباح وطلبت السوداني رقم صاحب المعرض ... كلمته وحظي كان وحده مكاسرات من هنا وهنا واتفقنا على 108 وفحصته طلع فيه رش بالباب الخلفي تجميلي ... واكثر شيء اثبتلي انه تجميلي ان ايرباق السقف ماطلع


رجعت دقيت عليه وقلتله فيه رش بالباب عموما أنا سومتي 103قال ماتخارجني وبعد نص ساعة اتصل عليه وقالي خلاص رح المعرض وتكاتب مع العامل لاني مسافر ...



والحمد لله طلع سيارة ولاأحلى مرتاح معه للآخر ...


خلاصة الموضوع : اذا بتشتري سيارة من شريطي خلك طليق ولاتعطيه فرصة يضحك عليك ... لانه حتى لوجاله مكسب 500 ريال بيبيع مافرقت معه اهم شيء فلوس


up 6 down 1
راااضي 2520
قبل 6 سنه و 12 شهر



وأوقاتك أخي :)

لا تعليق على الموضوع.
لكني تأملت الصور التي وصفتها بالأمريكية ووجدت بينها سيارة غير أمريكية وهي اللومينا.
ليتك وضعت بدلاً منها كابريس أمريكية أي موديل وأي نوع.


up 0 down 5
وليد م ع الدخيِّل 490
قبل 6 سنه و 12 شهر



اغلبهم يربحون من السيارات اللي  مُبهم سعرها 

يعني  الشريطي مايشتري فكتوريا 2011 ب 60    هذا ماوراه مكسب

بس لما يشتري يوكن 2005  ويكسر راعيه  وياخذه ب 22   ويلمعه ويضبطه ب 2000 ريال ويقولك مسيوم من زميل لي بالعمل
 والمطلوب  46  غير قابل للتفاوض بعد



up 1 down 0
شكلين مابحكي 3159
قبل 6 سنه و 12 شهر



لا ياصاحب الموضوع في فرق كبير بين التاجر والشريطي

التاجر يجيب سيارات جديده وعليها ضمان اما الشريطي واعوذ بالله من كلمه شريطي يبيعلك سياره ملعوب فيها واذا فيها عيوب مايبينها لك ويحلف من روس عياله انها نظيفه هههههه لاتلمع صورتهم ذولي ناسف استغفر الله شارين الدنيا وبايعين الاخره


up 2 down 0
سالم االزهراني 14
قبل 6 سنه و 12 شهر



الخير يخص والشر يعم


up 0 down 0
alharbi turki 13
قبل 6 سنه و 12 شهر



جزاك الله خير 
اهنيك علي اختيارك لصور 
+1 


up 0 down 1
توسان 2011 1930
قبل 6 سنه و 12 شهر



الشريطي أو السمسار
والسمسرة من زمان أهلها مكروهين!
مو لسبب في شخصهم لا
لسبب انه كل ما يهمه هو الربح وبس!
فمثلا شريطي يشتري سيارة ب 9000 ريال ويغير طبلونها وبعض قطعها
يعني بالعربي (لصمقة) يلزقها تلزيق أهم شيء تمشي كم يوم
وبأقل تكلفة ويبيعها على انها ونظيف!
وفيه ناس تبخس السلع عشان تشتري هي أو زملائها بارخص الاسعار
لدرجة انهم يروحون لمحلات الفحص القريبة ويدفعون لهم فلوس عشان
يطلع التقارير سليمة واي سيارة من طرفهم تقريرها سليم ويمكن يطلع لك اشياء بسيطة
ويوم تشتريها تلقى انها تالف تحتاج فرط من اول وجديد.
وغير في بعضهم يسوون حيل على راعي السيارة عشان ياخذونها منه بسعر رخيص
وانت شوفهم من يوم تدخل سيارة الحراج شوفهم كيف يتنططون ويأشرون لبعض
والسيارة اذا سومتها اليوم رجعها بعد كم يوم وشوف كيف يبخسونها عشان تبيع
فالافضل لك لا تشتري من تحت المكروفون لانه مايميدك تفحص حتى لو كنت خبير
انت راح تشيك على اشياء معينة بس مو كل شيء!



up 1 down 0
نبيل110 329
قبل 6 سنه و 12 شهر



المشكلة في الشرطي .. يجيب سعر السيارة الارض .. اذا البودي انظيف يقلق انا ما يهمني البودي انا يهمني الجير والماكينة 
اذا الجير والماكينة انظاف يقلك انا يهمني انا يهمني البودي 
وحلها يلي بتحلها 


up 0 down 0
ابو سلمى المحاسب 163
قبل 6 سنه و 12 شهر



غريب أمركم يا ياللي ما اعجبتكم مشاركتي السابقة!
هل انا كاتب شي غلط؟! اذا انا غلطان علموني الصواب، منكم أستفيد.
شي يعرفه الجميع مو شي جديد. وإذا مو مصدقين انا معي لومينا رويال مكتوب عليها صنع في استراليا بخط واضح.


up 0 down 0
وليد م ع الدخيِّل 490
قبل 6 سنه و 12 شهر



دسلايك للموضوع.
الشرهة مو عليكم يالمرضى عقلياً الشرهة علي أنا يوم أدخل وأشارك.
إذا واحد منكم فيه شعرة رجولة يكتب ليش تقيم مشاركي الأولى بدسلايك.


up 0 down 0
وليد م ع الدخيِّل 490
قبل 6 سنه و 12 شهر



وتتواصل الدسلايكات من المبزرة الجبناء مرضى العقول والأنفس :)


up 0 down 0
وليد م ع الدخيِّل 490
قبل 6 سنه و 12 شهر



اللومينا قحبة ورش استرالية وليست أمريكية، ما فيها شي أمريكي أبداً، حتى المكينة تتصنع في استراليا.


up 0 down 4
وليد م ع الدخيِّل 490
قبل 6 سنه و 12 شهر



الله يهديك وش ذا الكلام يا وليد جمعة وخير :) 

ياخي كلنا عارفين ان اللومينا تصنع في استراليا 
و الكامري تصنع في استراليا
و الاكور تصنع في امريكا و الحين في الصين
و الافالون تصنع في امريكا 
و الماليبو في كوريا 
والصني في الهند
والددسن في المكسيك 
واللاند في تايوان 

لكن نتكلم بأسم الشركه الام ومقرها الرئيسي


up 0 down 0
bandara 1134
قبل 6 سنه و 12 شهر



أشكركم لطيب المشاركة، وردودكم الفعالة ..


وفقكم الله ورعاكم ،،،


up 0 down 0
أبو أحـــمد 2434
قبل 6 سنه و 11 شهر