أضف سؤال أو موضوع جديد          

نقاش والمشاركه للجميع

up 3 down 1
عاش بو علي 500
قبل 6 سنه و 12 شهر



السلام عليكم

ياشباب لاقدر الله ورأيت حادث امامك وقع هل توقف وتسعف اذا وجدت اصابات او تكتفي بالتبليغ او تمشي وتكمل طريقك اترك التعليقات لكم .........







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا من ناحيتي الشخصية ماقد شفت حادث قدامي توه صاير كله اجي والقى الحادث قد صار والناس لامين عليهم

ف اذا شفت كذا ما اوقف اولا لأن ذا الناس هم بيساعدونهم ذا اللي واقفين وثانيا ان من ناحيتي الشخصية كثرت اللملمة على الحادث اولا تسبب تعرقل السير وتعطل الناس اللي وراك ويمكن فيه ناس مستعجله او عندها شغل مهم وايضا انك تعطل سيارة الاسعاف في حال كان فيه اصابات ف انا ضد اني اوقف اتكلم عن نفسي اكتفي فقط اني ادعي لهم عساهم سالمين الله يحمينا وياهم الخ ....


ممكن لو صار حادث امامي الله لايقول وماحصلت حولهم احد او في طريق بعيد ممكن اني اساعدهم باللي اقدر عليه بالتبليغ بتخريجهم من السيارة وهكذا

الله يوفق الجميع ويكفينا وياكم شر الحوادث والمسلمين يارب

تحياتي


up 2 down 0
a.ibrahem 3169
قبل 6 سنه و 12 شهر



 وعليكم السلام اوقف وافصل بطارية سياراتهم وابلغ  عن الحادث  اما الاسعاف يحتاج الى مختصين ومدربين ايضا امنع ضعوف النفوس من تصوير المصابين
 


up 1 down 0
بريك الفهد 147
قبل 6 سنه و 12 شهر



الله يبعدنا عن الحوادث 


up 0 down 0
i6rb_ 160
قبل 6 سنه و 12 شهر



صار حادث قبل فتره قدام عيني 
قصته اني كنت اخر الليل على الساعه 3 الفجر يمكن افرعلى شارع عام انا و اخوياي و و تجاوزنا اثنين يتسابقون 
مرسيدس قديمه و هايلكس من قوة سرعتهم الهواء لعب بسيارتي 

المهم في اشاره قداممنا قطعوها الله يقطع ظهورهم و في شباب في كرسيدا كانوا يديورون رايحين خفاره الظاهر 
راعي المرسيدس خش فيهم على سرعته انا ما شفت شي من الدخان و الغبار 

وقفت الا و الدم و الجثث منثوره في الشارع و بحكم اني اخذت دورة cbr عرفت اتصرف شوي و فحصت نبض كل واحد فيهم
3 توفوا في الكرسيدا و السواق الرابع كان ينتفض و لقنته الشهاده و حاولت فيه الولد ما يقدر يتكلم مسك في يدي مسكه قويه لدرجة يدي تخدرت

و طلعت روحه قدامي الله يرحمه و يرحم اخوياه 

المهم بما اني اول من حضر الحادث طلبوني في القسم لأن اخوياي قالوا مالنا شغل 
و شهدت باللي شفته ان المرسيدس قاطع اشاره و طلع الله لا يوفقه سكران هو و اللي معه بالسياره
تحول الموضوع للمحكمه و حضرت جلسات شهاده و الحمد لله شهادتي خلته يدفع ديه و ياخذ محكوميه موب قليله لأنه كان يبغى يحط الخطا عليهم
انهم هم اللي قاطعين الاشاره 

الشاهد من موضوعي اتركوا التجمهر و اذا احد عنده خلفيه عن الاسعاف يحاول يساعده بدون تحريك المصاب
و ثاني شي اذا صار حادث قدامك اشهد باللي شفته و لا تخاف و صح انك بتتمرمط شوي لكن احسن من واحد سكير نكير يذبح خلق الله و يشرد
من دون محد يثبت عليه شي 



up 11 down 1
أحمد 14 549
قبل 6 سنه و 12 شهر



رأي مع ابو زهرة


up 0 down 1
coco13 893
قبل 6 سنه و 12 شهر



وش الفائده من توقفي؟ والتجمهر الحادث 
واعاقة وصول المرور والاسعاف ! 
ادعي له وامشي صراحة مادري وش يحس فيه اللي يقطع من المسار الثاني بس عشان يتفرج!
طيب دامك منت نافعهم بشيء الاولى انك تدعيلهم وتمشي ! 
لكن اللقافة منتشره !! لكن لو اقنعني انه راح يقدم اي نوع من انواع المساعدة مافي مشكلة 
لكن انا متاكد انه جاي يبي يشوف ماتوا ولا لا ولا يبي يصور ولا يسال وشلون صار الحادث !! هههههههههه 




up 1 down 1
fx2y -207
قبل 6 سنه و 12 شهر



حصل حادث أمامي

عائله صلو الفجر معنا بوادي الدواسر المهم ماشين على الصباح بعد ماعدينا المدينه

ب40 كيلو تجاوزني وكنت اسولف مع اهلي والتفت يمين ورجعت اناظر قدام الا الغبار طاير بالسماء


ومغطي الطريق بالكامل 

وقفت الا هم منقلبين مدري كم قلبه وكلهم طارو من السياره ماعدا السائق

 وطلعت شراشف كانت معي وغطيت حريمه وتأكد من اللي كانو معي انهم بلغو الاسعاف

ومشيت على طول

يمكن ماجلست اكثر من دقيقتين

التجمهر ماله داعي الواحد اهله مصابين وبعضهم ملابسهم طارت ولا تقطعت 

والواحد جالس يتفرج على محارم الناس ولا جالس يصور حرام عليه

يحط نفسه مكانه ويستشعر هل احد يبي يصور أهله وهم منطلين والدماء تصب منهم


up 3 down 0
ألو مرحبا 1895
قبل 6 سنه و 12 شهر



اوقف في حالة اني اول واحد فقط .. وقبل انزل من السيارة ابلغ 


up 1 down 0
شرقااااااوي 653
قبل 6 سنه و 12 شهر



السلام عليكم 
صار حادثين قدامي الأول كان مخ الآدمي بشارع وأخذت قطعت كرتون ووخرته عن الشارع حطيته جنب الرصيف وثاني شباب بكامري صدمهم عسكري علي باب السواق وحط رجله العسكريه من قوة الصدمة ماقدرنا نفتح باب السوق واخذنا أسواق لأنه هو الي متضرر مره سدحناه بالمرتبة الي ورا الرجال يرجف ويطلع دم من افمه حاولنا نلقنه الشهدا بس كان يغني نزلنا بالمستشفي الحرس واخذو اثباتاتنا وسالون كم سؤال وبس هذي اقوا الحوادث الي شفته وحاولت اساعدهم سبحان الله الآدمي اذا بتطلع روحه مثل الذبيحه اذا ذكيتها انا قلت كيذا لاني شفت كيف طلعت الروح
الله يرحمنا برحمته ويخفف عنا وعن جميع المسلمين من سكرات الموت قولوا آمين 


up 1 down 1
تركي بن خلف -58
قبل 6 سنه و 12 شهر



اذا كان الحادث ماعنده احد اكيد اوقف وابلغ او سعفه المهم اني ابوقف
لكن عنده ناس ماوقف ابدآ ليس عندي فضول لمثل هذي الامور




up 0 down 1
السيدالمحترم 547
قبل 6 سنه و 12 شهر