استشاره لاصحاب الجموس القديمه

ررراح وقته وكبر في السن ويبي علاجات ومراجعات للمستفشى 
له 12 سنه 

اذا ممشى قليل ونضيف ليه لا 

شوف واناخوك 8100 نادر وهو الأقوى ومحرك جبار وليس له سهر في السوق ثابت
ال2500 سست وليس باي مثل 1500
الأمريكي إذا جاي من امريكا ع السعودية فهو أنظف وأجود من المواصفات السعودي
شركة تصنع لشعبها وفيها رقابه عالية خاصة المواصفات الأمريكي
السعودي أن لقيت نظيف وتعرف راعيه وصدوق أخذه

عيب السعودي أنه ماله تقرير كارفاكس يوضح لك تاريخ السيارة
أول ماتخاف منه تغيير قراءة العداد وهاذي منتشرة بكثرة الآن وسيارات آخر موديل تتعدل ولا تعرف انه ملعوب فيه

الأمريكي معاه تقرير كارفاكس اوتوشيك يوضح لك كل شي
مثال

سيارة أمريكية دخلت السعودية 2004 ماشية 80 الف ميل
الآن لها عشر سنوات بالسعودية حلوووو
وإذا حصلته ماشية 150 فهذا معقول الآن بعد عشر سنوات
أما تلاقيها ماشية 100 الف
يهذي ام التلاعب بالإعداد بالسعوديه هنا من قبل الشريطية هههههه

امريكا ما فيها لعب اللعب عند ربعنا

واستخير أفضل

حجم 2500 عبارة عن شاحنة سييرا على شكل SUV

المستشفى التخصصي يستخدمونه لسحب عربة بنك الدم المتنقل الكبيرة الي توقف في بعض الشوارع

و يجي منه ديزل دوراماكس بس ماقد شفت سعودي مايجي الا امريكي على ما اظن
السعودي ما ينزل الا بنزين

وبخصوص السعر خراافي جدا جدا جدا
والي عرض عليك الموتر يا انه يطقطق ولا مجنون فعلا

مكاين الجمس البنزين مافيها 6.1 
V6 وتجي 4.3L  وهذي تجي في الاستاندر
v8 وتجي 4.8L   وهذي تجي في الاستاندر 
v8 وتجي 5.3L   وهذي تجي في النص فل والفل
v8 وتجي 6.0L   وهذي تجي على السييرا والسلفرادو Hd والدينالي والاسكاليد
v8 وتجي 8.1L   وهذي نادرة 

وتقدر تعرف مقاس المكينة عن طريق رقم الشاص اظن ثامن حرف من اليسار كل حرف يرمز لنوع معين من المكاين وله موضوع تلقاه في قوقل

لايطقطق ولا شي انزل المعارض وشف اسعارهم 

ومشكوين الي ردو

سعره غالي 
ب 50 الف تجيب اسكلد05/06 بحاله جيدة جدا :) واتوقع من 2004 وفوق صارت الجموس مراوح كهرباء + طرمبة البنزين صارت قليلة الخراب 
لا تستعجل وافحص وشيك وقارن لين تقتنع 
واهم شي الاستخارة 
بالتوفيق

السيارة من ناحية عزم ما راح تحس انك راكب جمس ومكينة 8100 نادرة ولها عشاقها 
ولكن السعر غالي على موديله سعره في حدود 35 - 40 الى  42 << كحد اقصى

غالي مره ولا يستاهل قبل 7 سنوات بالضبط كان اخوي بيشتري جمس سوبربان امريكي بطاقة جمركية 

موديل 2002 فل اوبشن SLT ب52 الف ويشهد الله على كلامي 

والموتر وكالة ويعتبر اخو الجديد بحكم ممشاه كان ماشي 67 الف ميل يعني 100 الف وشوي 

بالنسبة للمكينة 

8100 ما ينفع للاستخدام اليومي وخصوصا بالصيف بيعذبك الموتر 

6100 اذا انت راعي خطوط دايم وتحمل اشياء كثيره خذه عشان اريح في السفر وما يتعب من الجر 

5300 احسن شيء مكينته هادية وصيانته سهله وقطع غياره ارخص وهو المتوفر كثير في منطقتنا 

تبي نصيحتي دور لك مقاس 1500 فل كامل امريكي احسن لك وان شاء الله بتحصل 

طبعا الاسعار 

2001 من 30 الى 38 ما يتعداها

2002 من 38 الى 42 ما يتعداها 

2003 من 42 الى 45 ما يتعداها 

2004 من 45 الى 48 ما يتعداها 

2005 من 48 الى 52 ما يتعداها 

2006 من 52 الى 55 ما يتعداها 

هذي الاسعار لمقاس 1500 مكينة 5300

اذا زادت عن الاسعار اللي كتبتها لك ترا راعيه شريطي وطماع 

^
اخوي هل انت متاكد من الاسعار  لاني اعرف السوبربان 2002 اسعاره ابتداء من 30 -36
و2003 ابتداء من 35-40 

ولك لايك+1

مكينت ٨١٠٠مكينه مجنونه معروف انها كانت تستخدم على الجمس الاحمر. موديل٧٩بمسمى٥١١دبتين   كانت تستخدم بتهريب. لان فيها طاقه جنونيه. بس لاتتكلم عن صرف البنزين.  ههههههههههههههههه.   يبيلك كل ساعه تفلفل التانكي.  هههه امزح. على حسب حماسك. 

مكينة 6 لتر تنزل على السوبربان والحوض
إذا شفت السيارة 8مسامدر الكفرات هاذي أما 6 لتر أو 8100

8 مسامير أقصد هههه

مراجل والله انك داج وتسمع بها 8100 جيل غير الجيل اللي تتكلم عنه الله يصلحك ومالها دخل 

ما انصحك بال 8100 ولا 2500 اذا ما تحتاجه 
الاول بتكرهه من البنزين صدقني جدا يصرف+عيوب ال 2500
2500البنزين مرتفع ايضا لكن مو زي 8100
الخلف مو ياي سست كانك بتريله
ارتفاعه عن الارض كبير صحيح تحس نفسك فوق .. لكن خطر انقلاب وقروشه
فرامل اغلى 

الزبدة خذ 1500 اذا ما تحتاج قوة 2500

اما السعر غالي بالحيل ب 62-65 الف تجيب 2006 سعودي