رايكم يالربع يوكن 2005 او دينالي 2005

نصيحه اليوكن احسن الدينالي كله حساسات 

دينالي بحكم المكينه اقوى

بس هذا اذااااا لقيت نظيف

بس ممكن اسالك كيف بطاقه سكانيه
انا اقدر اخذ لي واحد ولك 22 الف ريال صاافيه بشرط نظيف ؟!!

مرحبا  اخوي  عزيز

هذي سلمك الله  يتم استيرادها من امريكا  وماتدخل للسعوديه لان موديلاتها قديمه
واسعارها رخيصه جداً 2003  تقريبا 18  وانت طالع

يتم استيرادها للامارات او للبحرين وتسجلها ب اسمك وتبقا نفس اللوحه اما بحرينيه او اماراتيه   وفي النهايه  تكون حصلت على سياره  نظيييفه ورخييصه بعكس القرمبعات اللي عندنا 

^^^

وازيدك من الشعر بيت ساهر مايصيدك 

خذلك العادي اذا تبيه حق كررف واذا تبي الدلع خذ الدينالي لانه نفس الكاديلاك الاسكاليد لكن اكسسواراته غاليه شوي عن العادي واستخير الله قبل كل شئ

انصحك اخوي باليوكن لان الدبل اختياري ومافيه زيك الحساسات الكثيرة زي الدينالي يعني يمكن يجي 
مشاكل كهرب 


اخواني 

في حال الرجال شحن الموتر الى البحرين او الامارات 
وطلع بطاقة سكانية وخلاه باسمه 
راح يدخل السعودية بلوحات البلد اللي طلع منه اللوحات 

الاستفسار هو 
ساهر يصيد اللوحات او لا 
وفي حال بغى يجدد الاستمارة حقت السيارة او التامين في حال صار حادث هل يغطي داخل السعودية ؟؟؟
اتمنى الاجابة 
وشكرا 

ساهر ما يصيد اللوحات الخليجية ولا لوحات الجمارك وتجديد استمارة السيارة في نفس البلد الي طلعت السيارة منها تجدده  وبالنسبة للتامين الله اعلم يغطى في السعوديه او لا

مع الوالد دينالي 2005 امريكي له معنا تقريبا ست سنوات واللهم لك الحمد سياره عمليه وفخمه بنفس الوقت بس الدبل يكون مشبوك الين سرعه 80 ويفصل بس ماتحس ان شغال يعني ما تلاحظ بثقل السياره بالقومه ,, بالعكس كانها بدون دبل اما اليوكن العادي ما ادري عنه ما استخدمته ولاكن في فروقات بالمكينه مكينة الدينالي 6 لتر واليوكن العادي 5,3 لتر وداخلية الدينالي هلوز والعادي اسود ( الطبلون والدركسون ) انا اشوف كمميزات وفخامه وقوه الدينالي افضل وفيه هيدروليك يرفع السياره اذا كان فيها حموله بس خرب عندنا ,, واما اسعار القطع ماافتي لك فيها بس اللي عندنا كل اللي قد غيرنا فيه اشياء استهلاكيه ما شاء الله تبارك الله ,, بس هذا اللي اقدر افيدك فيه .

إذا تستخدم الدبل و راعي جر و بر خذ اليوكن العادي، و إذا تبيه خط و مدينة و بر على خفيف الدينالي من وجهة نظري أفخم و أفضل، و ترى النوعين كلها طيبة و عملية إذا حصلت على النظيف و أكرمته بالصيانة الدورية.

بالنسبة لسؤال ساهر
ساهر يصيد اللوحات الخليجية زي السلام عليكم مثلها مثل السعودية
اللهم انك ما تدري الا اذا جيت تطلع من أي منفذ بري
راح يطلع في الحاسب ان عليك مخالفات !

التجديد في نفس الدولة الي ارقامها تتبع لها 
اذا من الامارات في الامارات واذا في البحرين في البحرين 

فيه عن طريق السفارة لكن مب متأكد بالظبط كيف

اولاً يعطيكم العاافيه جممميع

ومشكورين وماقصرتو    وعساكم ع القوه

انا ركبت الدينالي وشفت التخشيبه والقومه والراحه  عز الله انه مووتر  بعكس اليوكن العادي   فعشان كذا انا متردد

من ناحيه الاعتماديه الصراحه  ناوين ناخذه للشتويه  نزله للبحر والبر والطريق   

اما بخصوص تجديد الاستماره  فأذا مان من الامارات  تقدر تروح معارض وتعطيهم الاستماره وهم يسون لها فحص دوري هنا بالسعوديه ويرسلون الاوراق الى مكتب تخليص في الامارات هو يجدد كل شي من غير ماتحظر وتاخذ لها 10 ايام تقريبا ويرسلون كل شي هنا لنفس المعرض اللهم انك تدفع اتعاب المعرض + رسوم التجديد

اما بالنسبه لي فأنا من سكان المنطقه الشرقيه / الخبر  والبحرين مابيني وبينها الا حذفة عصا   نص ساعه الا وانا ببطنها   اجدد وارجع

الخلاصه ان اسستيراد السيارات القديمه للبحرين وقطر والسعوديه  ممنوع عندهم  لكن هناك بالبحرين يقدرون يدخلونها مو مثل السعوديه  تدقيق 

ماهمني مخالفات ساهر  لأني ولله الحمد سواقتي ركاده 
اللي همني ثلاث شغلاات
1  / موتر سعره رخييص بنص قيمته بالسعوديه
2 / موتر نظييف  بعكس القرمبعات اللي عندنا ورافعين سعرها فووق وفوق كذا بتدفع في بطنها  بالراحه 5000 قطع استهلاكيه
3 / لى سمح الله وحبيت ابيع السياره  او اي شي  تكون البحرين قريبه مني  

السلبيات
1 /  ماتقدر تبيعها هنا بالسعوديه
2 / الناس يضنونك بحريني بحكم ان اللوحه مكتوب عليها البحرين
3 / التامين والحوادث والشغلات هذي لاسمح الله 

نصيحه اليوكن احسن الدينالي كله حساسات  

دبل الدينالي ما منه خوف. وسعره رخيص 2500 ريال 
وتستطيع إزالة الدبل ووضع عمود من القير إلى الدفرنس الخلفي
لكن راح يقل الثبات في المنعطفات على السرعات العالية بشكل ملحوظ

^^   اوف ،،  عز اللع بيصير العززم  مجنون   لأن السياره مكينتها قويه وهي دفع رباعي    فمابالك لو تفصل الدبل وش بيصير ؟

تعديل *   عز الله

التلفيق في السيارة يدمرها عليك 
وجه نظر .