كم يسوا يوكن 2005

المديلات هذي مافيها كلام بس 300 الف كثيرة اسعارها من 35 الى 55 تقريبا

الموتر موتر كرف بس ماشي شوي والموديل قديم راح يبدأ يطلب 
الموتر يسوى من ٤٥ الى ٥٠ مايزلها

بالنسبة للاستخدام كد ومد وصرفية البنزين الله يعينك عليها خاصة اذا تعبي 95 تشرب شرب

بس الله حق ان السيارة مافيها عواكيس سيارة برمائي

وفيه ميزة مايقول اح مع المطبات يعجبك
تجربتي 4 سنوات بر وسفريات وداخل المدينة على كيف كيفك

وبخصوص السعر على حسب النظافة لكن في بحر الاربعين تحصل ان شاء الله

اكثر جموس اشوفها 2005 وتحت حق كد 
بس مششاه عالي ﻻ تستغرب اذا شريته اليوم وبكره يخرب فيه شي

الامريكي  لاقدم  يتعب كل شوي يطلب

معي 2004 وماشي 306 ألف وما شاء الله ممتاز لكن لازم تهتم بالصيانة

الممشى ماهو قياس لنظافة السيارة اذا كان صاحبها مهتم بصيانتها اول باول 
فيه في سيارات ماشية 400 الف لوتشوفها كانها ماشية 100

وفيه طريقة يحسبون فيها الممشى الطبيعي 

مثال :
موديل السيارة 2005 يقسمون الممشى على موديل 2014 ويطلع الناتج االمعدل الطبيعي في السنة 
وانت احكم 

ماني فاكر الطريقة الاخوان يفيدوك اكثر

يا اخوان الله يجزاكم خير تراكم اندفعتوا وش اللي ممشاه واجد ترى الموتر 2005 يعني الان كمل عشر سنوات لأنه نقول مطلعه في 2004 تعرف الموتر قبلها بسنة ينزل

نقول انه في 2005 لما حسبتها صار ممشاه سنويا 33 الف ف تعتبر طبيعية جدا وبعدين صدقوني اليوكون الموديل هاذا مايعيبه ممشاه ابد لأن الموتر ماشاء 8 سلندر ومكينة كبيرة يعني ماتقول بيهدها الزمن اذا كان راعيها محافظ عليها مهب مثل 4 سلندر يتأثر مع كثر الممشى


معنا واحد وارد الجميح 2001 ماشي ماشاء الله 358 تقريبا او فيها ما اذكر ممشاه بالظبط بس ماشاء الله تبارك الله الموتر نظيف وعلى يد الوالد حنا ثاني مالك له وماشي معنا مافيه الا العافية وراعي خطوط وكل شي ومكيفه ماشاء الله اذا كان سليم مافيه تهاريب وفلتره زين بارد حتى في عز الظهر يعجبك


انصحك فيه بس اهم شي دوررررررررر نظيف اذا كان نص نظافة ما انصحك يعني لو تزيد على فلوسك بس تطق لك واحد ينسيك الورش


بالنسبة لسعره فهو على حسب نظافته ووقفته وبديه وايضا على حسب فئته sle او slt لكن تقديري له من 35 الى 45 وفيها ينقص او يزيد على حسب نظرة السوق والموتر

وفقكم الله وماقصرتوا