شريت سياره وعليها قسايم على المستخدم الاول

مافيه مخالفات على السيارة كل المخالفات تتسجل بالهوية !

كلام سليم..
رقم اللوحة مربوط بالهوية والمخالفة تنزل على الهوية..
اصلا الناس وش معقدها الا مشكلة لازم تسدد المخالفات عشان تبيع سيارتك.
بعضهم يبيعها عشان يسدد بقيمتها المخالفات.
كيف تجي مخالفات المستخدم السابق عليك؟

المشكله بتجديد الاستماره فقط لازم تسدد  بس باي معرض وشلون عطيته الفلوس كامله 
هذا خطا من المعرض وهويتحملها الا اذكان انت عطيته الفلوس فانت تتحملها اوتنتظر لما هويشتري 
سياره اكيد بيسددها يعني خذ رقم هويته وشيك يوميا لما تروح وجدد 

ياخوان فيه السيارات القديمة 
على مااعتقد موديل 90 وتحت تكون على السيارة  
اذكر الوالد اشترى دسسن موديل 84   الكلام قبل كم سنة ويوم شراها 
طلعت عليها مخالفات باسم السيارة وما قدر يسوي شيء وكل ما يدق على راعيها يحلف بالله انه لو يبيع عياله ويسدد المخالفات
والقصة والمسرحيات والدراما استمررت الى اكثر من سنتين وما نفع 

ياخوي هذاا خلل من المعرض المفروض يعطي المسخدم ورقه يوديها المرور يستفسر عن المخالفات اللي عليه واذا كان عليه مخالفات يخصمونها من قيمه السيارة هذاا كله من المعرض لان المعرض مسول عن السيارة ماتطلع من المعرض الا منقوله الملكية وفيه تعميم من المرور على جميع المعارض وذا كان المبايع عليه مخالفات يسدددها من قيمه السيارة المفرض المعرض يحجز الدراهم عنده حتى تنقل ملكية السيارة هذا تعميم من المرور 
 الله يعينك ويسهل عليك بسس ارجع للمعرض وتفاهم معه وكلم صاحب السيارة اما يرجع لك دراهمك وياخذ سيارته ولا يسدد المخالفات اللي عليه

صوت العزاوي ..ماله غرض الموديل قديم او جديد..
اذا كانت الاستمارة الجديدة اللي صار اسمها رخصة سير فالنقل لايمكن ان يتم الا بتسديد المخالفات..
والقديم اصلا ماتقدر تنقل الا تجدد..
حتى المعرض ماراح يتمم لك من خلال برنامج تم الا اذا هوية المالك السابق ماعليها مخالفات..
لان نقل الملكية مثل التجديد..فمش منطقي المرور ماينتبه للقسايم اللي على السيارة "اذا فيه شئ بهالاسم"
وقت نقل الملكية وينتبه لها وقت التجديد..
اذا انت نقلت ملكية سيارة ايام الاستمارة القديمة ولاجددتها الا هالحين هذا كلام ثاني ولا لي علم فيه..

بسم الله الرحمن الرحيم 
إذا انت شاري موتر والاستمارة جديدة تقدر تنقلها لو على صاحب السيارة
100قسيمة مالك دخل.

أما إذا أنت شاري سيارة والإستمارة مطوفة وكان على صاحبها مخالفات ما 
تقدر تنقلها لين يسدد لان تجديد الإستمارة لازم يتجدد بإسم صاحبها الأول ثم 
يتم نقلها .
بالنسبة لوضعك إذا توك شاري الموتر فيه نظام إسمه تم تنقل الإستمارة بإسمك 
في أقل من 5دقائق في المعرض وإذا فيه مشكله من المالك 
المعرض يقلك النظام مايقبل لين تسدد

أما في حالة أنك شاري السيارة من زمان وتاركها بإسم راعيها ما نقلتها وألحين
نبي تجدد الإستمارة فيا إنك تحلها حل ودي مع صاحب السيارة أو أنك تروح للمعرض
إذا عندك مكاتبة رسمية وتبلغه يحلها حل ودي بينك وبين صاحب السيارة 
وإذا ماطلوا معك إذا عندك ورقة مكاتبة رسمية تقدر تشتكي المعرض في مرور 
المعارض وفيها غرامة على المعرض ويتقفل المعرض وكذلك يقوم المعرض بتحمل 
المسؤولية كاملة وسلامتك .

ياصاحب الموضوع، السيارة شريتها ودفعت المبلغ، هل هي بإسمك ولا بإسمه حالياً ؟ 

فهمت من رد "ابن عجلان" النظام مايمسح، فـ الملكية لمين الآن للبائع ولا المشتري! 

بأسمي واوراقي سليمه ..المشكله المرور ماهم عارفين وش الطبخه بس شكلي بقدم شكوى  اقسم الله حاله يارجل

انتبه لايكون فيها تحايل..لايكون الكلام صحيح بخصوص شيل المخالفات مدة وجيزة من السستم بالواسطة.
اما انك تدفع مخالفات شخص اخر والسيارة باسمك هذي ماتدخل العقل نهائيا.
الله يعينك روح لمدير المرور ادخل عليه واستفسر من الموضوع..

بيض الله وجيهكم وافين وماقصرتو

نظام المخالفات على السيارة منتهي من قبل اكثر من 20 سنه 

مثل ماقالك اخونا المحياوي
صارت معاي بس بمرور رحيمة

وعلي حسب القسم والله اعلم لان المعرض اللي سويت عنده اللاستمارة برحيمة
جبتها الدمام وغيرت المبايعه من معرض بالدمام ومشت الامور اللي عليه مخالفة ما يقدر ينقل الاستمارة باسمه بس يبيع عادي هذا اللي نعرفه ويعرفه المرور غير كذا العسكري اللي رحت له ماعنده سالفه ارجع للمعرض وخله ينقل الملكية بنفسه والا اشتك عليه