أضف سؤال أو موضوع جديد          

البهبهاني اشتريه ولا لا

up 2 down 3
do8sh 208
قبل 7 سنه و 2 شهر



السلام عليكم 

ياشباب تنصحوني في البهبهاني ولا لا ووش الاحسن 454 ولا 350 

العالم يقولون لي لاتشتري 454 لانه يشرب بنزين وخرباته اقوى من 350 والموديل الاحسن 79 ؟ 
انا بشتريه بخليه موتر ثاني وحدي حول 25 تجيب لي نظيف ؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا تفكر تشتري 350 ﻷنه مخييييس
خذ 454 أفسم بالله طرررب


up 1 down 0
خيال الجزيرة 45
قبل 7 سنه و 2 شهر



454 مكينه الزرقاء هي الافضل والارغب  بنزين بشكل عام بكل سيارات الاامريكيه تشرب بنزين خصوصن 8 سلندر حتى كابرس قديم برقهام يشرب شرب الويل 

 انت بتاخذ سياره 8 سلندر اكيد بتشرب مو اكسنت 


up 1 down 0
سكودر 14927
قبل 7 سنه و 2 شهر



اخوي . لو انت راعي مواتر خذ نصيحتي .
اغلب اللي بالسوق ونضيف هو مجدد وما تدري كيف وضعه بعد سنه.
لكن انت دور موديل 79 قير عادي وهذا الموديل المكينه لونها اسود خذها لو هي حقت مزرعه عادي او حقت راعي غنم ماهي مشكله وسوي اللي بقولك عليه. 
طبعا اسعارها تكون بالكثير من 5000 الي 7000 ودايركت على السمكري وشوفلك واحد انت تعرف رشته ورشهاباللون اللي تبي والمعروف عن البهبهاني احمر وبطاقيه بيضا . وطبعا مع  فك الحوض ورش الشاص اسود  مع الغماره وتكون بالطريقه هذي تخلصت من الصدا بالداخل
وبعدها ودها ميكانيكي وفك صدر المكينه ويبين معاك القطع اللي تحتاج تغيير وغير البواجي واسلاكها والكويلات والعضلات واللي تحتاجها من تغيير جلوود .
وبعدها نزلها للمنجد ينجدلك الارضيات والكراسي وسقف الغماره بنفس لون الوكاله  . وخلي المراوج كهرباء . 
هالعمليه كلها ترجع لك السياره وكااااله من تحت لفووق . ونفس شغل الشريطيه .
التجديد يكلفك حول عشرين الف مع الخشب حق الحوض . مع مشترى السياره توصل من 25 الى 30 الف وتطلع على مزاجك وسياره انت جددتها تحت يدك 
كلها هالعمليه ما تاخذ منك شهر متابعه كل عصريه تمرهم . وتشوف وش مسوين .  


up 7 down 0
مستريح البال 1 1780
قبل 7 سنه و 2 شهر



خذ 454 أفضل من ناحية العزم

لكن 25 ألف مستحيل تجيب موتر نظيف لأن النظيف يبدأ من 40 ألف


up 0 down 3
أبو عبادة 4852
قبل 7 سنه و 2 شهر



تكمله لتعليقي اللي فوق. هههههههههه
ونزلها معرض وتجيب لك 40 بالراحه . (تفكير شريطيه هههههههههه



up 3 down 1
مستريح البال 1 1780
قبل 7 سنه و 2 شهر



خذ بهبهاني 454  و اطرب نفسك ومن حولك بصوته 


up 0 down 0
bkry 66
قبل 7 سنه و 2 شهر



454 افضل من 350 بس الصرفية الاقل لصالح الـ 350 بس العزم والطرب لـ 454 بس الله يعينك على التفتيش والدوريات بتتعذب معهم واسأل مجرب بس خله على شكل الوكاله الكفررات والجنوط العايديه وطبعا افضل موديل هو 79 وبالتوفيق


up 0 down 0
mosfer alyami 774
قبل 7 سنه و 2 شهر



اخوي الغالي افضل مديلات الجمس ٧٨ كبليتر ماصورة سيدا 
وبما انك مبتدئ فالجموس خذ لك ٣٥٠ اقل خرابات من ٤٥٤ 
٤٥٤ تمسك حراره اكثر من ٣٥٠ وصرفية بنزين وماتنفع فالحر 
بنسبه لـسعرك ٢٥ بتحصل بس شي مكسر نصيحه من اخ لأخوه
اذا ما شريت موتر صنف وخصم ولا لا تشتري 
وأكثر الي فالسوق ملفقه تلفيق 
تحصل مديل فالسبعينات عليه مرايات ثمانين حوض ثمانين 
والحين اكسسوارات الجمس غاليه بشكل ماتتصور 
طيس جي ام مبيوعه بـ٩٠٠٠ ريال 
والله الله احرص على الشاص الموتر لا يكون مكسور او فيه شعر 
لان اكثر الجموس تتكسر شاصياتها ولا تشتري الا ٣٥٠ اساس او ٤٥٤ أساس 
لا يقولك ٣٥٠ مركب عليه ٤٥٤ او ٤٥٤ مركب عليه ٣٥٠ 
لان بعض الفحص الدوري يدقق والبعض الاخر لا يختلف من منطقه لـمنطقه 
وهذا ماعندي من كلام لك وبتوفيق للجميع 


up 1 down 1
أبـو سـعـود 21
قبل 7 سنه و 2 شهر



بنسبه لاخوي مستريح البال الجموس مكاينها جت ثلاث ألوان 
حمرا وجت من مديلا ٧٧ ونازل 
الزرقا حت من ٧٨ الى ٨٣ 
السودا جت من٨٤ وطالع


وبنسبه لك تقول ان الجمس كويل الجمس ديلكو ماهو كويل مثل المواتر الجديده 


up 0 down 0
أبـو سـعـود 21
قبل 7 سنه و 2 شهر



الجمس عالم واسراااااااااار

اذا منت قده لا تلف طارته


up 3 down 0
مورد الماء 322
قبل 7 سنه و 2 شهر



ذكرتني. بقصت. الوالد.  على. ايام.  الجمس.  البهباني.   شرا الوالد. جمس احمر. بهباني. بس.  اقول بهباني عشان اقصد القديم بس موتر  الوالد. جميحي.  المهم. شراه مدري بكم.   وكنت اركب انا والوالد والا هل. يعني كلنا اربعه.    وماشاء الله. وسيييع.       المهم.   كان على ايام البنزين. غالي.   مره.   والجمس.   يشفففففط.    بنزين.     عاد قرر الوالد.  يبيعه. المهم.    جا واحد. قال. للوالد. بشتريه.  منك.  ١٧الف ريال.  الوالد قال. تمام.  تم. قال بس. ابدفع. ٧ والباقي. بعدين.     وجا واحد من اصدقاء الوالد وكفل.  الشاري.   يعني. يضمن.  للوالد. ان. الرجال بيعطيه. فلو سه.  بعد مده. المهم. دفع ٧. ونقل. الملكيه.    واول. الناس.  كانو. مايعفرفون.  الا صدق.   المهم دفع.  ٧. الاف. وبعده.  ماشفناه.           الوالد. ماصدق.  اول كان النا س.  ماتكذب.   وشنون. ذا.  كذب.       ههههههههههه.  الوالد.   على. طول. يصدق.  حتى. اذا. جا. يشتري. موتر.    يجي. واحد. يحلفله. انه. نضيف.  ويقول. خلاص مصدقك.   ويشتري ويطلع. البودي.  كامل. مسمكر.    ههههههههه.   ننصحه.   نقوله.  يبه. لازم تفحص.    معد احد. يصدق.  الا قليل.   يقول.   على ذمت الباءع.  هههههههه


up 2 down 1
مراجل 194
قبل 7 سنه و 2 شهر



فيه واحد عنده جمس بهبهاني طبعا وارد الكويت مكينة ٥١١  واقف تحت البايكة يقول سيم ٤٥ الف ولاباع ....


up 1 down 0
ssdssf15 10
قبل 7 سنه و 2 شهر



اذا انت هاوي هذه السياره سوي مثل ماقال الاخ مستريح البال 

اما اذا انت تبي السياره استخدام فما انصحك فيه, عندك خيارات اكثر وافضل 


up 0 down 0
majed112345 855
قبل 7 سنه و 2 شهر



يعطيك العافية 

لا الموتر ماني ماخذه استخدام ماخذه هواية وعشق للسيارات القديمه واشكالها الرزه 

انا عندي دودج اخذته وجددته انا واخوي لقيناه بحوش جدي بالقريه موديل 1963 وكلفنا 32 الف ريال لان طلبنا القطع من برا وناااادره 
وجاني عليه سوم 67 الف ولا ببيعه 

وذحين جاء في راسي البهبهاني وباذن الله بدور النظيف وان شاء الله القى بس معروف الطايف اسعاره نار بالجموس 


up 1 down 0
do8sh 208
قبل 7 سنه و 2 شهر



الله يوفقك 

بس الأسعار غاليه سواء فالطايف او غيره النظيف والخصم يفرض نفسه سوى فالطايف ولا في اي مكان 


up 0 down 0
أبـو سـعـود 21
قبل 7 سنه و 2 شهر