أضف سؤال أو موضوع جديد          

موضوع مقتبس

up 7 down 1
power2am 31
قبل 6 سنه و 8 شهر



خوانى المنتدى لا يسمح باضافة اى موضوع الا بالحصول على 5 نقاط
فبرجاء هذا الموضوع مقتبس ولس تجربة شخصية ولكن من يستفيد منة ياريت يسجل اعجابة
**********************************************************

اصلاح المساحات الزجاجية للتاهو او اليوكون وفضيحة الجميح

السلام عليكم ورحمة الله وبركاته

حبيت انزل لكم اليوم اول موضوع لي وهو بخصوص مشكلة تعطل المساحات الزجاجية الامامية للتاهو او اليوكون او اي سيارة لان المشكلة هذي ممكن تحصل لاي سيارة

اولا نبدأ من بداية القصة

سيارتي تاهو 2008 LT دبل وتعرفون الواحد احيانا تمر عليه اوقات نادرا ما يستخدم المساحات وخصوصا اذا كان في منطقة نادر ما ينزل عليها مطر زي الدمام بيكون نادر انه يستخدم المساحات بالذات اذا كانت السيارة تتغسل شبه يومي

ومع بداية موسم الامطار خلال ذا الفترة كنت فالطريق وامطرت علي وحاولت اشغل المساحات الامامية ولكن للاسف لم تعمل مع انه ممكن ترش ماء لكن نفس المساحات ما تشتغل

استغربت وقلت يمكن فيوز خربان او عصا التحكم ما توصل كهرباء الى المساحات بس استبعدت الاحتمال ذا لان العصا كل شئ شغال فيها حتى المساحات الخلفية شغالة

واروح قبل اسبوع لورشة الشامي المعروفة في الخضرية في الدمام
وادفع كشفية عليها بـ 150 ريال وتجلس عندهم يوم كامل من الصباح الى اليوم الثاني
ويوم رحتلهم قالي المشرف حقهم "انهم ما عرفوا يحددون المشكلة بالضبط وين
بس قالو ان الدينمو حق المساحات شغال مو خربان بس مو عارفين وين المشكلة
وقالي انه احتمال تكون المشكلة في واحد من كمبيوترات السيارة وتحتاج الى برنامج يتحمل من جديد على الكمبيوتر, بس الاحسن انك تروح للوكالة وهم بيعرفون المشكلة على طول"

والله لحس مخي بذا الكلام وحسيت انه ماعنده سالفة

واروح لوكالة الجميح على طريق الخبر بعدما اخذت موعد وادخلها عندهم وقالوا لي انهم بيدقون علي العصر ويقولون لي وش المشكلة

المهم جاء العصر ومحد اتصل وادق على الموظف اللي استلم السيارة قالي "والله المهندس ماعرف المشكلة بالضبط بس الظاهر انها مشكلة كبيرة عشان كذا خل السيارة عندنا لين بكرة"

ياليل ما اطولك

واخلي السيارة عندهم واجيهم اليوم الثاني واقابل الموظف

" هاه بشر وش صار عالسيارة؟ "

قالي:

"والله بعد بحوث واجراءات ومشاورات مع مهندسين الكهرباء في الوكالة طلعت المشكلة موجودة في البورد الموجود تحت علبة الفيوزات داخل الكبوت يعني الصندوق كامل لازم يتغير اصلاح المساحات الزجاجية للتاهو اليوكون frown.gif

وشووووووووووووووو!!!!!!!!!!!!!!!!!!!!!

والله بغيت اتضارب معه

"يبن الحلال وش ذا الكلام مو معقولة السيارة مافيها الا العافية يعني عشان مساحة واقفة ما تشتغل يتغير صندوق كامل خاص بالكهرباء حق السيارة كلها ياخي شوف غير ذا الكلام"

قالي:

"والله مافي اي حل الا ذا الحل والا احنا ما نبغى خسارة العميل"

قلت:

" طيب وكم تكلف ذا الشغلة كلها" ؟

قالي:

" القطعة هذي موجودة في الامارات حاليا وبتاخذ وقت لي تجي وبعد الخصم بتكلفك حوالي ....

2000 ريال"

قلت "وشوووووووووووووووووو انت من جدك والا تستهبل؟؟؟؟"

قالي " والله هذا بعد الخصم والا هي بحدود الـ 2500 ريال

قلت " عطوني سيارتي وخلوا قطعتكم لكم والمساحة عساها ما اشتغلت"

واروح اليوم عند واحد من الشباب الله يذكره بالخير عنده محل قطع غيار واجلس اسولف معه فالمحل واعلمه بالسالفة

قالي " هات السيارة وتعال معي"

والله اروح معه في محل كهربائي في الخضرية
والله ياشباب محل صغير ما يجي فبالك انه عنده سالفه وبتستحقره

المهم وقفت السيارة ويجي ذا الكهربائي الباكستاني ينقاله ( ابو احمد)
عايش فالسعودية 15 سنة

المهم قالي صاحبي خل السيارة عنده ورجعنا المحل وجلسنا نشرب شاهي لين اذن المغرب وانا وقفت السيارة عنده قبل المغرب بساعة

المهم يوم اذن المغرب واروح له واحصل المساحات اللي كانت متعطلة واللي جننت الشامي والجميح وما عرفوا علتها

لقيتها تشتغل بكل سلاسة والعامل واقف جنبها يطبق فالاغراض

والله بغيت اسلم على راسه من الفرحة

وسألته كيف!!! وش سويت!!!! وش !! وش!!!

قالي "والله لقيت نفس الاذرعة اللي تحرك المساحات اللي تحت الغطاء البلاستيكي مجيمه بسبة الغبار والمطر ولانك ما شغلتها فترة طويلة

( مجيمة = مصلبة)

وبخيت على المفصلات حقتها بخاخ حق الصداء لين فكت بس"



قلت " بس !؟

قالي "بس"

قلت ليتك تدري وش السالفة اللي صارت لي بسبة ذا المساحة

والله وطبق كل شئ وجيت احاسبه قلت له " كم"

قالي " والله هذا شغل نعب شوية بس يلا هات ..............

100 ريال"

تخيلوا ياشباب بس مئة ريال والوكالة بغوا يصقعون في ظهري 2000 ريال

وحبيت انزل ذا الموضوع قلت انشالله يستفيد منها احد منها بالذات في المنتدى الحلو

والسلام عليكم ورحمة الله وبركاته







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غاالي 100 !! البخاخ ب 15 وشغل يده 15 = 30 


up 1 down 1
عاشق الألأماني 57
قبل 6 سنه و 8 شهر



وشوووووووووووووو


up 0 down 0
hassanaa 161
قبل 6 سنه و 8 شهر



يا رجال أخبر واحد من الشباب اشترى سيارة فورد فيها حرارة 
الي باعه يقول عجز فيها .
وشراها الرجال وقعد يبحث ويقلب فيها وفي الأخير طلع قطعه على شكل كتاوت
تركب عند الفيوز سعرها 10 ريال غيرها وراحت الحرارة 
حنا مشكلتنا نثق بالوكالة وهم أحرص شئ على جيبونا 



up 1 down 0
خالد 3000 838
قبل 6 سنه و 8 شهر



واللة ياخوان ربك لما يحب يهدى الانسان يرسل لة ابن الحلال يحل لة مشكلتة

الوكيل ما يبغى خير يربح . والميكانيكية اللة يهديهم .



up 1 down 0
power2am 31
قبل 6 سنه و 8 شهر



لايك لجهدك وتعبك وحرصك على معرفة الخلل بالسيارة وعدم تركها للوكالات السقيمة


up 0 down 0
alkathiry 705
قبل 6 سنه و 8 شهر



للرفع ممكن اسم المحل وموقعه او رقمه ياصاحب الموضوع


up 0 down 0
ro0o7ay
قبل 3 سنه و 8 شهر