طريقة عرض السياره بالمعرض

على حد علمي ما يعطوك اوراق لكن يأخذوا رقم جوالك لو جاهم زبون بس وانا اخوك شوف العداد يوم وقفته وسجله في ورقه علشان ما يتمشوروا فيه

انا وقفت سياره لي في معرض رجعت لها بعدين لقيتها ماشية حول 200 كيلوا زيادة والبنزين صفر من حسن حظي اني حفظت العداد قبل ما سلمها المهم بهذلتهم بهذلة ما ينسونها ...
اما من ناحية سؤالك ما اضن يعطونك شي عطهم رقم جوالك والله يرزقك بالسعر الطيب والزبوون الصامل وترى السيارات اذا دخلتها بالمعرض تبطي عندهم واجد ..

كويس لقيتلك معرض يستقبل سيارتك
في معارض الجبيل اي سياره تدخل المعرض يا خذون 500 ريال  غير عمولة البيع لو انباعت السياره
واذا جلست شهر ما بيعت يتصلون عليك تجي تشيل سيارتك او تدفع 500 ثانيه

أنا نزلت سيارتي بمعرض زفت اسمه فارس بالنسيم وعطاني ورقة وما كتب لي ربي رزقة عندهم
رحت لمعرض ثاني ونزلت السيارة وصور هويتي وقال لي خلص توكل على الله ! قلت عطني ورقة إني نزلت السيارة قال ليش؟ قلت وش الإثبات اني نزلت سيارتي عندكم ممكن تنسرق ينحرق المعرض تنباع تشليح أبي إثبات
قال طلبك غريب وشكلك متأثر بالأفلام الأمريكية وطلعت السيارة ورحت لمعرض آخر وعطاني ورقة ووقعني على تفويض إني أبيع بحال جابت 75 ألف والسيارة تسوى أكثر قمت فوضته على 78 ألف ودق بعد 3 أسابيع قال فيه زبون صامل دافع 75 ألف تبيع؟ قلت بع وحسبي الله ونعم الوكيل وطبعا أنا متأكد إن السيارة انباعت بأكثر من 75 وخذيت ال75 وخذوا هم الزيادة وطبعا المعرض الحقير اللي سوى هالحركة معرض رائد بالنسيم حسبي الله فيهم وكثير معارض طابين بهالحركة ياتفوضهم يا لاتدخل سيارتك عندهم ومادري وين الحلال والحرام عندهم ووين شيخ المعارض ووزارة التجارة وهيئة الاستثمار؟

يارجال طاحين بذا حركه مثلن سياره تسوا 28 الف يقلون لك ممكن تجيب لك 22 23  وانت على نياتك يتصلون يقلون جابت 20 تبيع اذا وافقت يقلون خلاص حنا بنخلص مع الشراي حتى رقم الي يعرض سياره مايعطونها زبون 

وياخذون باقي ويعطونك مقسوم 

صارت لي

لقيت ماركيز  وسألت عنه قالو لي راعيه مسوم منه ب 58  قلت طيب انا بسوم ب 55   

قالي اوكي بس بيطلع عليك ب 59  قلت يش .؟  قالي سعي المعرض

قلت له توكل على الله بس   هات رقم الرجال وانا بتفاهم معه   وعيا    تركتهم ومشيت

المفروض راعي الموتر يكتب على السياره مطلوب فيها السعر الفلاني عشان راعي المعرض مايتلاعب

مشكلة انك ما تعرف احد بالمعارض 
المفروض تاخذ ورقة تسليم سيارة باليوم والوقت حتى بيعها او ارجعها مع تسجيل عداد الكيلو

بس للاسف ربعا مسلمين العماله الموضوع

النمفروض اننا نطالب باوراق دخول السيارة للمعرض وتسجيل العداد والسعر المطلوب فيها 

الظاهر لها رسوم 200 او شي ويعطونك عليها سند واذا ما انباعت السيارة ياخذونها واذا انباعت ياخذون سعي ,,,
ذكرتني بسيارة واحد قيمتها 12 الف وجيته من موقع حراج ، المهم ، قال لي انا موقف السيارة بمعرض

ويوم اروح للمعرض واقول له اني جاي من موقع ,, قال لااااااا السيارة واقفه بمعرضي ومدري ايش وهات السعي 1500 رغم اني جاي من الموقع مو بمعرضه هههههههه


وسحبت نفسي انا وهو تهاوش مع راعي السيارة


انتبه من هالنقطه واكد عليه انك لو جبت زبون من عندك ماياخذ غير رسوم الوقوف فقطططط

المعارض نصابين سراقين كذابين إلا من رحم الله