أضف سؤال أو موضوع جديد          

عندي مشكلة في الجمس اتمنى احد يفيدني

up 3 down 3
camry grandi 99 7274
قبل 7 سنه و 2 شهر



السلام عليكم ورحمة الله وبركاته 

كيف حالكم ياخوان 

المهم بدخل بالموضوع دايركت 

ياخوان انا امتلك جمس سوبربان موديل 1993 مكينة 454 

لاحظت من فترة اني لا طلعت عليه مشوار ووقفته يصير غليان في القربه  واسمع صوت تنسيم هواء من عند الغطاء

طبعا الصوت يطلع بعد فترة من اطفاء السيارة وما يطلع وانا امشي 

العجيب اني غيرت 3 غطيان رديتر وكلها اصلية ولا استفدت شيء 

طبعا انا الى الان ماعبيت القربه لاني احس الموية ترجع للقربه وخفت اعبي القربه في مكانها المحدد وبعد ما اطفي السيارة تطلع الموية من القربه 

بالنسبه للحرارة طبيعيه يعني على النص وفوق النص بشرطة اذا وقفت لاني مافكيت البلف ولا راح افكه 

ع العموم اتمنى احد يفيدني واتمنى الشرح يكون كافي 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صح كلامك اخوي ابراهيم البلف قديم ولا قد غيرته ابد 

بس اني قد فكيت البلف في كابرس 1992 وارد العيسى وما صار يحتر ابد على بعد مشوار طويل مره وبعض الاحيان اروح واجي وهو بارد ويقطع 

والحاصل بعد فترة انه شنبر الموتر هههههههه يحتاج تغيير شنبر لاني امشي عليه وهو بارد 


up 0 down 0
camry grandi 99 7274
قبل 7 سنه و 2 شهر



والله وانا اخوك ما احب اغامر ههههههه وبصراحه انا ما اطلع عليه بالصيف الا ماندر لأن معي سياره غيره 

بالنسبه لفك البلف كثير ناس قالوا لي لكن ما اقتنعت لاني اكلت منكح محترم في الكابرس 

خلنا من موضوع البلف 

الحين مشكلة الغليان وش تتوقع منه لاني بصراحه مركب رديتر ماله 8 شهور والموتر واقف ما احركه كثير يعني ما امداه ينهبل 




up 1 down 0
camry grandi 99 7274
قبل 7 سنه و 2 شهر



يعني قصدك لو بفك البلف بيروح الغليان ؟؟ للعلم الغليان بالقربه لما اطفي السيارة بفتره بسيطه يطلع وفيه صوت تنسيم هواء عند الغطاء 

وبصراحه انا ماعتقد ان البلف له دور في هالمشكله 


up 0 down 0
camry grandi 99 7274
قبل 7 سنه و 2 شهر



اخوي انا صارت معي وطلعت المشكله من تماتيك المروحه
افحصه قبل التغيير وركب ماء تويوتا او فورد 


up 1 down 0
ريثان القصيم1 -60
قبل 7 سنه و 2 شهر



اخوي ريثان الجمس مروحه وحده فقط تشتغل مع السيارة يعني مروحه تعتبر ميكانيكيه واذا دعست تزود سرعتها ويبرد الموتر 

يعني الموتر في الخط والطرق الطويله ماعليه خوف ماشاء الله بس مشكلته في الوقفه والزحمات 

وبعدين يالغالي مشكلتي انا الغليان اللي يصير بعد الاطفاء وبالنسبه للحراره انا متعود على حرارته وهي طبيعيه بحكم محركه الكبير 




up 0 down 0
camry grandi 99 7274
قبل 7 سنه و 2 شهر



وعليكم السلام والرحمه
البلف مادة استهلاكيه والمفروض والافضل يتم تغييرة كل سنه
ماء الراديتر اذا اصلي كل سنتين ايضاً يتم تغييرة
بعضها ذو جوده عاليه مثل ماء الراديتر تبع مرسيدس كل 5 سنوات يتم تغييرة وهكذا
الغليان واحد من 3 اما الرأس وانا استبعد ذلك حسب وصفك للمشكله
 او الغطاء وانت غيرت الغطاء
باقي الديلكو تأكد منه

غطاء الراديتر تأكد انك مآخذه من الوكيل وليس من الموزعين

الله ييسر لك الامر


up 1 down 0
abo kayan-55 652
قبل 7 سنه و 2 شهر



مشكور اخوي ابو كيان 

شكلي بغير البلف بالنسبه للماء ماله الا 8 شهور فقط وماء اصلي طبعا 

رأس المكينه مستحيل 

بالنسبه للديلكو لا اعتقد بحكم ان المشكله في الموتر وهو طافي فقط لكن وانا ماشي مافيه اي مشكله ولله الحمد 

ع العموم مشكورين ولا هنتوا يالغالين 


up 1 down 0
camry grandi 99 7274
قبل 7 سنه و 2 شهر



وعليكم السلام ياهلا أخو أبو نواف الله يعينك وإن شاء الله تنحل عندك مشكلت الحراره

شوف أولا إبدأ بأقل الخسائر مثل ماقالوا الشباب شيل البلف وتراه سهل مسمارين ورجع ركبه مع معجون وجه وشوف يتغير شي أو لا

إذا ان هو عرفت السبب وربي يعينك تشتري بلف جديد وتركبه

ثانيا سو إختبار لطرمبة الماء شغل والموتر وهو بارد وإفتح غطاء الأديتر وشوف الماء يدور أو لا 

والأديتر له دور يمكن يكون مسدود وترسبات تأكد منه والليات تأكد مافيها تهريب وبالتوفيق يابو نواف


up 1 down 0
ابــو ســنــد 10639
قبل 7 سنه و 2 شهر



هلا حبيبنا ابو سند الله يجزاك خير ع الفائدة 

بالنسبه للرديتر ماتوقع يكون مسدود لانه جديد توني مركبه ومويته ماشاء الله صافيه ومعبيها اصلي والمويه تقلب لما افتح الرديتر 

انا ماعندي مشكلة مع البلف 

انا عندي مشكلة في الغليان بعد ما اطفي السياره بدقيقتين تقريباً اسمع صوت غليان في القربه وصوت تنسيم هواء من عند الغطاء 

ولما اشيك على المويه القاها تنقص بشكل غير طبيعي رغم اني والله ماخليت ورشه ما رحت لها وسوو لها فحص ومافيه اي تنسيم او اي شق

لان من غيرت الرديتر ما مشى الموتر الا اقل من 4 الاف تقريبا لاني ما استخدمه الا ماندر 

ع العموم شكلي بفك البلف وبعبي الرديتر والقربه وبشوف اذا ما راحت بشتري رديتر اصلي من الوكاله رغم ان سعره 1800!! لكن الله يعين

مشكور وما قصرت حبيبنا ابو سند


up 0 down 0
camry grandi 99 7274
قبل 7 سنه و 2 شهر



راس المكينه شيك عليه دام حرارته فوق النص بشرطه



up 1 down 0
عراب الصنف 2
قبل 7 سنه و 2 شهر



غير البلف مبدئي وركب مويه رديتر اصليه

وان شاء الله امورك طيبه


up 1 down 0
amear 1347
قبل 7 سنه و 2 شهر



ياراعي الجمس غير البلف ولا فكه 


up 1 down 0
عبدالاله بن سعيد 16
قبل 7 سنه و 2 شهر



مشكورين ياخوان 

فكيت البلف ونفس المشكله ما راحت ابد 

بشوف له حل بكره ان شاء الله ولا هنتوا جميعاً


up 0 down 0
camry grandi 99 7274
قبل 7 سنه و 2 شهر