عندي اسطبات ما ادري كيف اصرفها

9 3

لايمكنك التصويت حتى الحصول على 20 نقطة على الأقل
إضغط هنا للإخفاء

ابو يزيد 000 8714
قبل 9 سنه و 11 شهر

السلام عليكم ورحمة الله وبركاته

كيفكم عساكم طيبين إن شاء الله

أحب ابارك للي خلصوا الاختبارات , الف مبروك الف مبروك , وان شاء الله ان نتايجكم ممتازه لا تشيلوا هم :)

الموضوع الاساسي

يوم اني شريت الدينالي كان عليه اسطبات سوداء معدله من امريكا 

وانا كانت معجبتني احسها شكل جديد غير الدينالي العادي خصوصا باب الشنطه ساده بدون اي علامه و تضليل كتم خلفي مع العواميد السود مع الاسطبات السود واطراف لؤلؤي

المهم قابلني ولد عمي ودار بيننا محادثه بسيطه

ولد عمي : هلا باللي متغلي علينا هو ومركبته الفضائيه هذي , بالله وش هالخلفيه الخايسه 

طبعا انا وقتها تعفط وجههي و الجبهه طارت :)

فرديت عليه ببتسامه تسليكيه : وقلت بالله وشرايك ماهي رايقه من ورا ؟؟؟

قال : يابوي انت من جدك , قسم بالله خايسه , ياولد من جدك تاخذ رأيي انت , والله مع احترامي الشديد خياس , ما تنفع مره , تعديل لحوج يارجل 

فكان ردي له : اقول على تبن بس , الجبهه طارت يا عزيزي , ما تعرف تجامل شوي ياخي , وجهك مغسول بمرقه !! , تقعد تزبد في الوجه وما تستحي , ومدام السالفه كذا فأنا معجتني وبأخليها !! عندك مانع !!

بالله تتوقعون ابويزيد كذا يرد ههههههههههههه

قلت له : هههه لا امزح معك بس ولا اعرف انها خايسه >> كان وجههي وقتها متفشل وبريء مع ضحكه تفشيله مدري كيف اوصفها لكن كان وجهي احمر من الاحراج

وجاك هو راسه وتوي يحس انه طير جبهتي

وقال لا يكون زعلتك ولا طيرت جبهتك ياولد

وانا اقول في نفسي بلاك ما تدري انك نتفتها نتف خليع جدا 

وقلت اصلا عادي انا ما اتفشل ههههههههههههه

واركب السياره وانا مفلل من القهر واحاول استعيد الجبهه

وعلى طول اروح الصناعيه وانزل اول محل واقوله عطني اسطبات دينالي , بسرعه الان ابي اسطبات دينالي , لا يزيد يجي واحد وينتف جبهتي 

كفايه ما جاها مسكينه
 
فمن يومها وهي مرميه بالمستودع بدون فائده

وكل ما شفتها تذكرت موقفي الخايس ذاك ههههههههههههههههههههههههه

فالآن ابي اخذ رآيكم وش أسوي فيها !!

اعلنتها للبيع جميع ب 300 ريال على حالتها وما انباعت !! وهي اصليات ونظاف 

فويش تشورون علي فيها , ابحاول اعدل عليها او ارشها او وش اسوي عشان اقدر ابيعها بسعر مناسب 

اترككم مع الصور 

ورجاء رجاء لا احد يجي ويقول خايسه ههههههه

ياخي انا معجبتني

ومشكلة مزاجي صعب 

ويصعب على الجميع فهمه :)

في الختام تقبلوا تحياتي اخوكم ابويزيد

إبلاغ

الردود