أضف سؤال أو موضوع جديد          

اعتمادية الدبل في التاهو و اليوكن ...

up 1 down 1
الأخطبوووط 127
قبل 3 سنه و 6 شهر



السلام عليكم ورحمة الله وبركاته
أخواني الأعزاء
أخي الأصغر يريد شراء تاهو أو يوكن 14 _ ltz
لكن هو في حيرة من أمره !
هل التاهو واليوكن (الدبل) يمكن الاعتماد على دبله بصورة بسيطة ؟
والمعروف بأن الدبل في السيارتان المذكورة كهربائي , فهل واجه أحد منكم مشكلة في ذلك ؟
يعني هو فقط يحتاج إليه عند الدخول في رمال البحر و بعض البر البسيط ( استخدامه خفيف ) ؟
و جزى الله الخير لك من أعان أخاه المسلم .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


مشكلت دبل كهرب ماهو نفس دبل يدوي الي تجي في تويوتا ونيسان هذي تتحمل 

 دبل كهرب ماقولك ماهو قوي بس يبي له شخص فاهم فيه لنه بكهرب وحساس وسواء الاستخدام ممكن يخرب عليك او على الاقل تشوف لمبه شغاله عندك 


up 1 down 1
سكودر 14897
قبل 3 سنه و 6 شهر



كان معي 2001 تاهو الدبل فيه قوي وعليه اعتماد بعد الله الحين معي يوكن 2012 الدبل فيه فاشل ولا يعتمد عليه


up 3 down 1
الوافي5555 131
قبل 3 سنه و 6 شهر



الفرقاللي يجي فرار واللي يجي عصا ارضي ان الفرار فيه مواطور هو اللي يشبك لك الدبل ولو خرب ومستحيل يخرب بسرعة تقدر تشبك الدبل وتفكه من تحت السيارة يدوي اما الدبل الارضي يكون انت المتحكم فيه كأنه عصا وهو أقل مشاكل لكن متعب مهو زي الفرار 


up 1 down 0
ابوابراهيم ksa 1381
قبل 3 سنه و 6 شهر



ادخل على يوتيوب وشوف المقاطع وبتحصل الإجابة الشافية


up 2 down 1
hussain4 602
قبل 3 سنه و 6 شهر



نعم يعتمد عليه الى حد ما 
 
الفاشل هو الجيل السابق ( اللي يجيك الدبل أزرار) ما نجح ً

معنا تاهو ٢٠٠٨ ماشي ٣٦٠ الف ً
واعرف اكثر من ١٠ مابين تاهو ويكون وسييرا   مافي مشاكل تذكر


up 2 down 1
فكوك 1678
قبل 3 سنه و 6 شهر



اذا كان لااستخدامات البسيطه مثل ماذكرت مافيه مشاكل 

اما اذا كان بيستخدمه استخدام شاق لا يدور غير النيسان والتويوتا


up 3 down 1
أبو ناصر 63
قبل 3 سنه و 6 شهر



عندنا 2001 لا بآس

اهم شيء تشغل الدبل و تطفيه و السيارة واقفة
و لاتلف الطارة اذا شغلت الدبل عشان العكوس ما تخرب


up 2 down 1
مخاوي القايلة 259
قبل 3 سنه و 6 شهر



اليوكن الدينالي أكثر من ممتاز مجربه من 2003 و 2007 ما يقارن بالنيسان والتايوتا الصولين
ولم أواجه أي مشاكل نهائي ولله الحمد.


up 0 down 0
دومح 3
قبل 3 سنه و 6 شهر



الدبل الكهرب اعتمادي وحتى لو كان الاستخدام زايد 

الاهم هو انك ما تشغله الا والسيارة واقفة والقير فاضي 
لين يلقم وبعدين تعشق 

وعلى فكره موتري دبل فرار واستخدمه دايم في قلص الاشياء الثقيلة في الطلعات سواء زفلت ولا رمل 
ولله الحمد ما واجهت مشاكل


up 1 down 0
naac 2 2716
قبل 3 سنه و 6 شهر



أشكركم يا أخوان على التوضيح
و ما خاب من استشار
صراحة كلامكم شجعني على شراء السيارة و التوفيق بالله .


up 0 down 0
الأخطبوووط 127
قبل 3 سنه و 6 شهر



السلام عليكم
بفتيك يا غالي حسب تجربتي :
1- جي ام 97 دبل ارضي .. لا تعليق عن قوته ( جبار ) لكن عيبه صوت التروس
2- جي ام 2001 الى 2004 .. دبل كهرب .. بكل صدق جبار جبار ولا يعلى عليه لا تويوتا ولا غيره في النفود ..

( الموديلات السابقة ) : لو تسحب وراك تريلة اتوقع انه يسحبها معه ماعنده مشكلة

3- جي ام 2007 ( الي معي حاليا سوبربان LTZ2007 ) .. مكينة جبارة وقير جبار .. في الخطوط يجيب طبلونه في غمضة عين ولو الطبلون مفتوح ممكن يوصل معك 240كلم بكل سهولة
البر : استخدمته بشكل مستمر في البر ، جدا رايق وهادي ويعتمد عليه
عيبه في البر ثقيل شوي والسبب انه لأن جنوطه مقاس ( 20 ) وهي مزعجة في البر وفي المطبات او عيون القطط لأن مساحة الكفر جدا صغيرة على حجم الجنط
اما بالنسبة للجنط 17 جربته في البر ( السيارة بدون دبل ) وكانت تجمل بصراحة خصوصا اني اعتمد على تحويله الى قير عادي وزبط معي .. وبشكل عام قير عادي او اوتوماتيك يعتبر مزبوط

بالنسبة لاستخدمه في مناطق الجنوب بحكم انه مناطق جبلية :
سيارة رائعة بمعنى الكلمة وافضل من السابق وفي بعض المناطق الوعرة الي تحتاج تشغيل الدبل فيها فعلا تحس السيارة منقذة
دخلت فيه جبال وطرق لا يدخلها غير جيب الشاص او الكبسلوة فقط ومع ذلك كنت امشي فيها بكل رواقه .. لكن غصب امشي بهدوء بسبب ان السيارة فل كامل وتحتاج محافظة عليها


استخدام الدبل في التاهو والسوبر 2001 واعلى :
بحكم ان الدبل كهرب فيتم استخدامه كالتالي :

Auto .. هو دبل التحكم الأوتوماتيكي عند تشغيله تتحكم اسيارة في نفسها بدون تدخل منك . بمعنى : اول ما تحس السيارة بثقل في الرمل يشتغل الدفع الأمامي بالاظافة الى الدفع الخلفي عشان ما تغرز

2H .. وهو الوضع العادي .. دفع خلفي فقط ( وهو الوضع الطبيعي للزر )
4H .. يسمونه الهاي او الدبل العالي ( High ) .. هذا يستخدم اذا تبي تتشمى في الرمل تنزل او تطلع طبيعي وتكون محافظ على سيارتك ( في هالحالة يكون الدفع الرباعي شغال )
استخدام 4H :
اذا انت على الازفلت وتبي تدخل الرمل .. عندك خيارين :
الأول : تهدئ سرعة السيارة الى 10 كلم وتشغل الفرار على 4H .. بتسمع صوت الدبل . غالبا الصوت ما ينسمع في الموديلات الحديثة .. المهم لو ما سمعت الصوت احسب 4 ثواني ودوس بنزين عادي وانت داخل . لأنه اشتغل في ثانيتين او ثلاث تقريبا
الثاني : توقف السيارة قبل دخول الرمل وتغير من الوضع العادي 2H الى 4H .. تسمع صوت نقلت الدبل .. كمل مشوارك وادخل
ملاحظة : ((((( نقل الدبل من 2H الى Auto او 4H يكون نقل طبيعي بدون ما توقف السيارة او تغير نمرة القير على N )))) يقبل التنقل وانت ماشي بس بسرعة لا تزيد عن 10كلم


نجي للدبل الخفيف :
4L .. يسمونه الخفيف ( Low ) هذا الدبل او النمرة تستخدم غالبا للأماكن الصعبة مثل :
-- طلوع جبل رملي وتحتاج دعسة قوية لأنه يعتمد على نمرة واحده فقط ( لا يغير تعشيقة )
-- مناطق جبلية وعرة تحتاج تنقل تنقل الكفرات من صهرة لصخرة بشكل بطئ وهادي ومضمون
-- نزول جاف في منطقة جبلية صخرية او حجرية ..

حسب تجربتي بالسيارات الأفضل في استخدام الدبل ( الفورد اكسبديشن 99 ، 2004 ) اقوى سيارات تمت تجربته في البر ودخول مجاري السيول الجبلية في المناطق الجنوبية
علما اني وضبت الدبل بـ 950 ريال لموديل 99 .. ووضبت قير 2003 بـ 2200 ريال

جيب الباترول ===> هذي السيارة عملة نادرة لو تتوفر قطع غيارها

اما تويوتا .. سيارات شعبية لكن ما جربت غير الكبسولة ( حبه وربع ) والتويوتا بشكل عام ما حبيته ولا احب استخدمه لعدم أهليته بالأمان وأيضا قطع الصيانة مرتفعه ولا تعرف وين الاصلي منها او التجاري لعدن توفر المصداقية في الوكالة فما بالك المحلات التجارية !

اتمنى اني قدرت افيدك اخوي وافيد الاخوان في هالموضوع واسف على الاطالة


up 3 down 1
3zyiz 219
قبل 3 سنه و 6 شهر



وعليكم السلام ورحمة الله وبركاته
أخوي عزيز
الله يعطيك العافية و يرحم والديك
ووالله العظيم تعليقك احترافي و عزز قناعتي في شراء السيارة .


up 0 down 0
الأخطبوووط 127
قبل 3 سنه و 6 شهر



ربي يوفقنا وياك :)
ابد لا تشيل هم 

وأي خدمة او استفسار انا حاضر 


up 0 down 0
3zyiz 219
قبل 3 سنه و 6 شهر



دبل الكهرباء خربان خربان سوى فاهم اللي يستخدمة او لا وحتى لو تضعه في عينك كثير عطالة اسأل مجرب واستشر خبير


up 0 down 0
راعي الغلفاء 102
قبل 3 سنه و 6 شهر